Jeremías 36:3 - Qheshwa Biblia DC

³ Ichapis Judaman kaj runasqa ñak'ariykunasta apachimunashani chaymanta uyarispa tukuy sajra puriyninkuta saqenkuman, noqataj sajra ruwasqasninkumanta, juchasninkumantapis perdonapusaj.

DIOSPA QHELQACHISQAN DEUTEROCANONICAL

³ Ichapis Judá suyupi tiyakojkuna ñak'ariykunata kachaykamunayta uyarispa, tukuy mana allin purisqankuta saqenkuman, noqataj millay ruwasqankuta, juchankutapis qhespichiyman, nispa.

DIOSPA QHELQACHISQ

³ Ichapis Judá suyupi tiyakojkuna ñak'ariykunata kachaykamunayta uyarispa, tukuy mana allin purisqankuta saqenkuman, noqataj millay ruwasqankuta, juchankutapis qhespichiyman, nispa.

Jeremías 36:3 Referans Kwoze

Jeremías 18:8

Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.

Ezequiel 12:3

Chayrayku, qan runa, tukuy imata wakichikuy, ch'innejman rikunankuta llojsinaykipaj. Tukuypa rikunanta chaupi p'unchayta wasiykimanta llojsispa waj cheqaman ripuy. Ichapis ajinamanta mana kasukoj runas kasqankuta reparakonqanku.

Jeremías 26:3

Ichapis kasusunkuman, chay sajra ruwaykunasninkutataj saqenkuman, jinamanta noqapis manaña chay sajra ruwasqasninkumanta jasut'iymanñachu, imaynatachus yuyasharqani jinataqa.

Jeremías 36:7

Ichapis Señormanta mañakunkuman, sajra puriykunasninkutataj saqenkuman. Señorpa k'ajaj phiñakuyninta ayllunman apachimusaj nisqanta. Chayqa manchay sinch'i manchachikunamin.

2 Pedro 3:9

Señorqa jamusaj nisqanta mana qonqashanchu, imaynatachus wakin yuyanku Cristo qonqapusqanta. Manachayqa, Dios pacienciakun tukuy qankunapaj, khuyakuyninwan mana pitapis juchanrayku chinkananta munaspa, astawanqa tukuy runa Diosman kutirinanta munan.

Marcos 4:12

Chayrayku qhawashaspapis mana rikunkuchu; uyarishaspapis nillataj entiendeyta atinkuchu, chay jawa, ama Diosman kutirinankupaj, nitaj juchasninkupis pampachasqa kanampaj.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

1 Samuel 7:3

Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.

Deuteronomio 30:8

Qankunaqa Señorman kutirinkichej, kasuspataj tukuy kamachisqasninta allinta ruwankichej, kunan kamachishaykichej chaykunata.

Hechos 28:27

Kay runasqa rumi sonqos kanku, ñak'ayllata uyarinku, ñawisninkutataj wisq'anku. Sitajchus ñawisninkuwan, ningrisninkuwantaj uyarinkuman, sonqonkuwantaj noqaman kutirimuwankuman chayqa, noqa paykunata thañichiyman, nin Dios Tataqa.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

San Lucas 20:13

Chantá uvas huertayojqa nerqa: Imanasajtaj kunanri? Munasqa wawaytañataj kachasaj; ichapis paytaqa respetanqanku.

San Mateo 13:15

Kay runaspa sonqonqa rumiyasqa. Nak'ayllata uyarinku. Ñawisninkuta, ningrisninkutapis wisq'anku. Paykunachus ñawisninkuwan qhawankuman, ningrisninkuwan uyarinkuman, sonqonkuwantaj kutirimuwankuman chayqa, chaypacha noqaqa paykunata thañichiyman.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

Ezequiel 18:23

Mana noqa munanichu juchasapa runa wañunanta, manachayqa kutirimpunanta munani, kausanantataj. Noqa Señor kaytaqa nini.

Jeremías 23:14

Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

Isaías 6:10

Kay runaspa sonqonkuta rumiyachiy; ningrisninkuta wisk'aykuy, ñawisninkutapis ciegoyachiy, chay jinamanta ama rikunankupaj, ama uyarinankupaj, nitaj unanchanankupaj; ama kutirikunankupaj, noqa paykunata mana thañichinaypaj.

Nehemías 1:9

Sitajchus qanman kutirikamuspa kamachiykunasniykita junt'aykuman, nisqasniykitataj ruwaykuman chayqa, kay pachaj k'uchusninmampis ch'eqerasqas kaykuman chaypis, qan chaykunamanta kutichimuspa, maypichus sutiyki jatunchasqa kanampaj ajllakorqanki chay cheqaman watejmanta tantaykunawaykuta.

Deuteronomio 5:29

Allin kanman ajinallatapuni yuyanankoqa, yupaychanawankutaj; kamachisqasniyman jina sapa p'unchay allinta ruwananku paykuna, jinataj wawasninkupis sumaj kusisqas wiñaypaj kausakunankupaj.

Salmos 139:24

Qhaway, sajra ñantachus purishani, wiñay ñantataj pusaway.