Jeremías 34:20 - Qheshwa Biblia DC

²⁰ Chayrayku wañuchej enemigosninkoj makisninman urmanankuta saqesaj, chay ayasninkutaj chay aycha mikhu suwintuspa, jinataj chay millay animalespa mikhunankupaj kanqa.

DIOSPA QHELQACHISQAN DEUTEROCANONICAL

²⁰ Chayrayku paykunata wañuchiyta munaj awqankoj makinkuman jaywaykusaj. Ayankutataj suwintukuna, jinataj k'ita animalkuna ima mikhonqanku.

DIOSPA QHELQACHISQ

²⁰ Chayrayku paykunata wañuchiyta munaj awqankoj makinkuman jaywaykusaj. Ayankutataj suwintukuna, jinataj k'ita animalkuna ima mikhonqanku.

Jeremías 34:20 Referans Kwoze

Jeremías 7:33

Chay runaspa ayasnintaqa suwintus, sajra animales ima mikhonqanku, nitaj pipis chaykunata mancharichej kanqachu.

Jeremías 19:7

Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 11:21

Anatotmanta kaj runasman, pikunachus wañunayta munarqanku, kamachiwarqankutaj mana parlanayta Señorpa sutimpi ama wañuchisqa kanaypaj, Tukuy Atiyniyoj Señor nin: Qankunawan pagachikunay kanqa: Wayna kaj runas wañonqanku maqanakupi chaykunaj qhari wawasninku, warmi wawasninkutaj yarqhaywan wañonqanku.

1 Reyes 16:4

Baasaj ayllunmanta llajtapi wañojkunataqa alqos mikhuykonqanku, paykunamanta campopi wañojkunatataj suwintus mikhonqanku.

Jeremías 22:25

Qanta jaywaykusunaypaj wañuchej enemigosniykiman, qan pistachus manchachikunki chaykunaman wijch'usqayki. Babiloniamanta rey Nabucodonosorman chantaqa jaywaykusqayki, caldeosman ima.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

1 Reyes 14:11

Jeroboammanta kajkuna llajtapi wañojkunataqa alqos mikhonqanku, campopi wañojkunatataj suwintus mikhonqanku, imaraykuchus ajinata nin Señor.

1 Samuel 17:46

Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.

1 Samuel 17:44

Nillarqataj: Jamuy kayman chay aychaykita aycha mikhu p'isqosman qarasaj, monte sajra animalesmanwan, nispa.

Ezequiel 32:4

Chantá pampaman wijch'urpayaspa choqarpayasqayki. Tukuy p'isqosta pataykiman tiyaykuchimusaj, aychaykiwantaj tukuy campopi kaj millay animalesta sajsachisaj.

Ezequiel 29:5

Chantá challwasniykiwan k'askaykusqata ch'innejman wijch'usqayki. Qanqa chay pampapi choqarayanki, manataj pipis p'ampaykunasumpaj aysarisonqachu. Campopi kaj millay animalesman, phawaykachaj aycha mikhu p'isqosmantaj mikhuykusunankupaj jaywaykusqayki.

Jeremías 49:37

Elam llajtata chay enemigosnimpa ñaupaqempi kharkatichisaj, may ñak'ariykunasta, may k'ajaj phiñakuyniytawan paykunaj patankuman apachimusaj. Apachimullasajtaj maqanakuyta paykunata chinkachinaykama. Noqa Señor chayta nini.

Jeremías 44:30

Noqa jaywaykusaj Egiptomanta rey Hofra faraonta wañuchej enemigosnimpa makisninman, imaynatachus Sedequiasta Judamanta reyta Babiloniamanta rey Nabucodonosorman jaywarqani ajinata; chayqa wañuchiyta munaj enemigoy karqa.

Jeremías 38:16

Chanta rey Sedequiasqa pakayllapi uj juramentota Jeremiaswan ruwarqa: Pichus kausayta qowanchej chay Señorpa sutimpi jurayki wañuchinasunkuta mana saqesajchu, nitaj wañuchisuyta munajkunaj makinmampis jaywaykusqaykichu.

Jeremías 4:30

Qanrí, raqayllaña kaj llajta, Imapajtaj puka p'achaswan p'achallikunkiri? Imapajtaj qori k'achanchanaswan k'achanchakunkiri? Imapajtaj ñawisniykita yanawan tiñikunkiri? Mana imapaj allinchu kasonqa chay k'achanchakusqasniykeqa, tukuy munapayasojkunaqa qhesachasunkuña, astawampis wañuchinasunkupaj mask'ashasunku.

Deuteronomio 28:26

Tukuy phawaj p'isqos, tukuy kay pachapi kaj k'ita animalespis ayasniykichejta mikhonqanku, ni pipis paykunataqa manchachenqachu.

Salmos 79:2

Llimphu kamachisniykej ayasninta suweq'arasman, phiña animalesman ima qaraykorqanku.

Jeremías 12:9

Kay noqaj aylloyqa, imaynatachus k'achitu phurusniyoj aycha mikhu p'isqo jina, chaytataj waj aycha mikhu p'isqos maqaj churakunku, ajina kashanku. Jamuychej, tukuy sajra animales kajkuna, tantaykukuychej uj sumaj mikhuy qarakuta ruwanaykichejpaj.

Ezequiel 23:28

Señorqa kay jinata nin: Chejnikorqanki chaykunaj makinman jaywaykusqayki, sonqoyki millachikorqa chaykunaj makinman jaywaykusqayki.