Jeremías 34:17 - Qheshwa Biblia DC

¹⁷ Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

DIOSPA QHELQACHISQAN DEUTEROCANONICAL

¹⁷ Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

DIOSPA QHELQACHISQ

¹⁷ Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

Jeremías 34:17 Referans Kwoze

San Mateo 7:2

Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.

Gálatas 6:7

Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Daniel (hebreo) 6:24

Chay qhepata reypa kamachisqanman jina, Danielpa contranta ch'ataykoj runasta pusamorqanku, warmisninkuwan, wawasninkuwan ima, chanta leonespa t'oqonman wijch'uykurasqas karqanku. Manaraj ukhukama chayashajtinkutaj, leonesqa ñapis phinkiramuspa jap'iytawankama paykunataqa t'unaykusqanku.

Jeremías 32:24

Kunanqa caldeo jallp'a moqosta oqharinkuña llajtaman yaykuykamunankupaj, jinataj maqanakuykunas yarqhay, onqoy ima llajtaykichejta makinkuman urmaykuchenqa. Señor, rikunki chay nisqasniykeqa imaynatachus junt'akushasqanta.

Jeremías 15:4

Kay pachapi tukuy naciones kajkunata mayta mancaharichisaj imastachus paykunata ruwasaj chaywan, Judamanta Ezequiaspa wawan Manasés Jerusalempi imatachus ruwasqanrayku.

Ester (hebreo) 7:10

Ajinata Amantaqa Mardoqueopaj ruwachisqan sipinallapitaj warkhorqanku. Chaywantaj reypa sonqonqa tiyaykorqa chay phiñakuyninmanta.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Apocalipsis 16:6

Paykunaqa ajllasqaspa yawarninta, porfetaspatapis jich'arqanku. Chayrayku qampis yawarllatataj paykunaman ujyachinki. Paykunaqa chay jasut'ipaj jina kanku.

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Jeremías 32:36

Noqa Señor Israelpa Diosnin, kay llajtamanta nini, mayqentachus nerqanki Babiloniamanta reypa makinman urmananta maqanakusrayku, yarqhayrayku, onqoyraykupis chaymanta: Tantaykusaj chay llajtayojkunata tukuynej jallp'asmanta maykunasmantachus may sinch'i phiñakuyniypi ch'eqeracherqani chay tukuymanta, noqataj kay cheqaman kutirichimusaj kaypi tiyarikunankupaj mana ni ima ch'ajwaswan.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

Jeremías 15:2

Sichus tapusunkuman: Maymantaj risqaykuri?, nispa chayqa, kay nisqaymanta paykunaman willay: Onqoywan wañunanku kajqa onqoywan wañuchunku. Maqanakupi wañunankupaj kajkunaqa, maqanakupi wañuchunku. Yarqhaywan wañunankupaj kajkunaqa, yarqhaywan wañuchunku. Jallp'ankumanta wijch'usqas kanku, kashan chaykunaqa, wijch'usqas kachunku.

Jeremías 34:8

Señorqa Jeremiasman parlaykullarqataj, rey Sedequías Jerusalempi tukuy tiyakojkunawan, chay kamachis kacharichisqas kanankumanta, tratota ruwasqankumanta qhepata.

Jeremías 29:17

Tukuy Atiyniyoj Señor nin: Paykunaman apachimusaj maqanakusta, yarqhayta, onqoyta ima. Chay mana mikhunapaj jinachu kashanku chay millay q'etayasqa higosta jina kanaykichejta saqesaj.

Jeremías 32:25

Chaywampis, Señor, qan rantinayta kamachiwarqanki, paganaytataj jaqay jallp'amanta rikojkunaspa ñaupaqempi, chay llajta caldeospa makinman urmanampuni kashajtimpis.