Jeremías 34:1 - Qheshwa Biblia DC

^1-2 Babiloniaj reynin Nabucodonosor tukuy soldadosninwan, jinataj tukuy paypa kamachiynimpi kaj nacionesmanta runasnintin, Jerusalenman yaykuykusharqanku, chantá chay qaylla llajtasninmampis, chaypacha Jeremiasman Señorqa parlarqa, nerqataj: Noqa, Israelpa Diosnin Señor kamachiyki, Judamanta rey Sedequiasman rispa, noqa nini kay llajtata Babiloniaj reynin jap'ikapunanta, ninawantaj jap'iykuchinanta.

DIOSPA QHELQACHISQAN DEUTEROCANONICAL

¹ Babiloniaj kuraj kamachejnin Nabucodonosor tukuy soldadonwan, jinataj paypa kamachiyninpi kaj suyukunamanta tukuy soldadokuna ima Jerusalenpa contranta maqanakusharqanku, chantá chay muyuyninpi llajtakunaj contranta ima. Chaypacha Tata Dios Jeremiasta nerqa:

DIOSPA QHELQACHISQ

¹ Babiloniaj kuraj kamachejnin Nabucodonosor tukuy soldadonwan, jinataj paypa kamachiyninpi kaj suyukunamanta tukuy soldadokuna ima Jerusalenpa contranta maqanakusharqanku, chantá chay muyuyninpi llajtakunaj contranta ima. Chaypacha Tata Dios Jeremiasta nerqa:

Jeremías 34:1 Referans Kwoze

Jeremías 1:15

Noqa Señor cheqamanta niykichej: Pata ladomanta chay tukuy nacionesta wajyamusaj. Reyes jamonqanku, kikin Jerusalempa yaykunasnin punkusnimpitaj tiyanasninkuta churanqanku. Jerusalempa perqasnimpa qayllasninman jina, chantá Judá llajtas qayllamantaj.

Jeremías 32:2

Chaypachachataj Babiloniamanta reypa soldadosnin Jerusalenman junt'aykushajtinku profeta Jeremías wijch'usqa kasharqa reypa palaciompa patiompi.

Daniel (hebreo) 5:19

Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Daniel (hebreo) 4:1

Noqa rey Nabucodonosorqa, munani tukuynin runakuna sonqo tiyaykusqa kanankuta, chanta ñaupajmantaj rinankuta, tukuy llajtakunamanta, nacionkunamanta kajkuna, tukuy laya parlayniyojkunataj.

Jeremías 34:7

Chaykamataj Babiloniamanta reypa soldadosnin Jerusalenta jap'iykusharqanku, chantá Laquis llajtata, Azeca llajtata ima. Chaykunalla Judamanta jark'achisqa llajtasmantaqa qhepakusharqanku.

Jeremías 32:1

Señorqa Jeremiasman parlarqa, Judapi Sedequías chunka watastaña kamachishajtin, chaytaj karqa rey Nabucodonosor chunka pusajniyoj watastaña kamachishajtin.