Jeremías 33:7 - Qheshwa Biblia DC

⁷ Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

DIOSPA QHELQACHISQAN DEUTEROCANONICAL

⁷ Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

DIOSPA QHELQACHISQ

⁷ Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Jeremías 33:7 Referans Kwoze

Isaías 1:26

Watejmanta juecesniykeqa ñaupajta jina kanqanku, umallichisojkunapis qallariypi jina kanqanku. Chaymantataj nisonqanku: Cheqan kayniyoj llajta, Señorninman may k'asqasqa llajta, nispa.

Jeremías 32:44

Chaypi rantirakonqanku chay trato papelestataj selloyojta qelqaspa ruwakonqanku, testigosniyojta ima. Kay tukoyqa Benjamimpa jallp'asnimpi kanqa, Jerusalempi qayllasnimpitaj, jinataj Judajpa llajtasnimpipis, chay sach'arara orqospi, jinataj mar canto pampaspipis, jinataj Néguev llajtaspipis, imaraykuchus noqa kutichimpusaj chay kausayinkuta. Noqa Señor chayta nini.

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 42:10

Sichus qankuna kay jallp'api tiyakuyta munankichej chayqa, noqa qankunata aswan allin kajwan yanapasqaykichej, mana chinkachisqaykichejchu, manachayqa allinta sayachisqaykichej, manataj t'irasqaykichejchu. Mayta sonqoyta nanachikuni kay ñak'ariykunasta qankunaman apachimusqaymanta.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Jeremías 31:28

Imaynatachus sumajta qhawarqani usqhayta sik'inaypaj, urmachinaypaj, uramantaj wijch'unaypaj, phirinaypaj, chayri ima llakiytapis ruwanaypaj, ajinallatataj allinta qhawasaj jatarichinaypaj, plantanaypajpis. Noqa Señor chayta nini.

Jeremías 30:20

Israelitasqa ñaupajta jina kanqanku, tukuy ayllonqa ñaupaqeypi sinch'ita sayanqanku, noqataj jasut'isaj tukuy ñak'arichejkunata.

Jeremías 30:18

Señorqa nin: Jacobpa ayllunta wasinman kutichimpusaj, tukuy nacionninmanta khuyakusaj, llajtaspis chay raqaykuna patallapitaj jatarichisqas kanqanku, palaciospis mayupichus karqanku chayllapitaj.

Jeremías 24:6

Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Salmos 126:4

Señor, waj llajtaman apasqa kasqaykumanta kutirichiwayku, imaynatachus ch'aki pampapis parawan kutirin jinata.

Salmos 85:1

Señor, qanqa may k'acha kanki kay aylluykiwan, Israelman kusikuyta kutichinki.

Salmos 14:7

Sión llajtamantapis, Israelpaj salvacionqa chayamunman, Señor apasqa runasninta kutichimojtin, Jacobpa mirayninmanta kajkuna, israelitas tukuyninku kusikonqanku.

Zacarías 1:17

Chantá Señorpa angelnin nillawarqataj kay jinata sut'inchanayta: Tukuy Atiyniyoj Señor nin: Watejmanta llajtasniyta qhapajyachisaj allin kajwantaj junt'achisaj Sionta. Jinamanta watejmanta Jerusalenta uj ajllasqa llajtayta jina rikuchisaj.

Sofonías 3:20

Jaqay p'unchaypi qankunataqa pusarimusqaykichej, tantaykusqaykichejtaj. Presochasqamanta kutirichimusqaykichej. Qosqaykichejtaj alabasqas honrasqastaj kanaykichejpaj kay pachapi tukuy llajtas ukhupi. Noqa Señor kayta nini.

Oseas 2:15

Chaymantaraj viña sach'asninta kutichipusaj, jinataj Acor valletapis chayman suyayninta kicharinampaj. Chaypimá kutichiwanqa joven kashaspa kutichiwarqa jinata, chantá, maypachachus Egiptomanta llojsimusharqa chaypacha jina.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Salmos 126:1

Siompi tiyakojkunamanta apasqa kajkunamanta Señor kutichimushajtin, uj mosqoy jina karqa.

Jeremías 31:38

Señorqa nin: Uj p'unchay jamonqa, chaypacha Israelqa jatarichisqallataj kanqa, Hananeel torre chaymantapacha esquinapi punkukama.

Jeremías 50:4

Señorqa nin: Jaqay p'unchaykunapi israelitas, jinataj Judamanta kajkuna ima noqa Señor Diosninkuta waqaspa mask'awanqanku.

Lamentaciones 4:22

Sión llajta, jasut'iyniykeqa tukukun. Manaña jayk'ajpis kunanmantaqa maymampis Señorqa apachisonqachu. Chaywampis, Edom nación, juchaykitaqa Señor jasut'enqa. Juchaykitaqa imaynamantapis sut'imampuni orqhonqa.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Isaías 52:8

Uyariy, qhawajkunasniykej qhaparisqankuta. Tukuyninku ujllapi kusiymanta qhaparinku, imaraykuchus paykunaqa kikin ñawinkuwan Señorqa Sión llajtaman kutimushajta rikunku.