Jeremías 33:6 - Qheshwa Biblia DC

⁶ Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

DIOSPA QHELQACHISQAN DEUTEROCANONICAL

⁶ Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

DIOSPA QHELQACHISQ

⁶ Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 33:6 Referans Kwoze

San Juan 10:10

Suwaqa jamun suwanallampaj, wañuchinampaj, chinkachinampajtaj. Noqarí jamuni kausayniyoj kanankupaj, aswan junt'a kausayniyoj kanankupajtaj.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Salmos 67:2

Kay pachapi tukuy jatun llajtas, munayniykita, salvacionniykimantawan yachanankupaj.

Isaías 58:8

Chanta k'anchayniykeqa sut'iyamushanmampis jina llojsimonqa. Chaypacha nanasqasniykeqa usqhayta thañiranqanku; tukuy imata cheqanta ruwasqasniykipis sut'iman llojsenqanku, Señorpa k'anchaynintaj qhepamanta jark'akusonqa.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Isaías 66:12

Señorqa ajinata nin: Noqa chay llajta ukhunman sonqo tiyakuyta churani uj mayuta jina, tukuy nacionespa kusiynintawan mayu yakupis llump'irishanman jina. Chaynejta qankunaqa ñuñoj wawas jina kusikunkichej, makisninwan ichurikusonqachej, arphin patapitaj chhukusonqachej.

1 Pedro 1:3

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Oseas 7:1

Maypachachus Israel aylluywan allin kaymanña yaykuyta munasharqani, maypachachus jampikapuyta munasharqani, jinallamanta Efraín jinataj Samariapis juchasninkuta, chay millay ruwasqasninkutapis sut'iman rikhuricherqanku; imaraykuchus tukuyninku llullas kanku, suwas jina wasisman yaykuykunku, kikin ñan patapi runasmantapis qhechuraj churakunku.

Jeremías 17:14

Qan jampiway, Señor, jampisqataj kasaj. Qan salvaway, Señor, salvasqataj kasaj. Qanmin, Señor, yupaychanayqa kanki.

Miqueas 4:3

Ashkha naciones ukhupi Señor juzganqa, may chhika llajtaspa phiñankuykunasninkutataj tukuychanqa, may karumanta kajkunajpatapis. Paykunaqa chay t'ojsinasninkutaqa aradosman tukuchenqanku, lanzasninkutapis hocesman tukuchenqanku. Ni mayqen llajta oqharillanqatajchu armasninkuta wajpa contrampi maqanakupaj, nitaj guerrapajpis yachachiykunasta jap'enqankuchu.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Isaías 2:4

Señortaj nacionesta juzganqa, ashkha runastataj cheqanchanqa. Espadasninkuta arado rejasman tukuchenqanku, fierro choqanasninkumanta hocesta ruwakaponqanku. Nitaj mayqen naciompis maqanakunasninta waj naciompa contranta wakichikonqachu, nitaj ch'ajwapajpis oqharikonqachu.

Salmos 37:11

Llamp'u sonqoyojkunaqa, jallp'asta chayaqepaj jap'enqanku, sonqo tiyasqastaj kakonqanku.

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

Efesios 6:23

Dios tatamanta, Señorninchej Jesucristomantawan sonqo tiyasqa kay, munakuywan, fewantaj hermanospaj kachun.

Salmos 72:7

Kamachinan p'unchaykunapi sonqo tiyasqa kay, cheqan kaypis allin kachun, manaña killa kanankama.

Éxodo 34:6

Jinamanta Señor Moisespa ñaupaqenta pasarqa qhaparispa: Señor, Señor, wiñaypaj Dios, khuyakuyniyoj, k'acha sonqoyoj, llamp'u sonqo, mana imamantapis k'ajajta phiñakojlla. Chantaqa jatun khuyakuypi, jinallataj cheqa kaypipis.

Isaías 39:8

Ezequiasqa Isaiasman kuticherqa: Señorpa palabranta parlasqaykeqa sumajpacha: Noqa kausanaykamallapis k'acha kausakuy, sonqo tiyakuytaj kachun nispa.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

Salmos 147:3

Payqa sonqo p'akisqasta thañichin. Nanasqasnintataj jampin.

Eclesiastés 3:3

Uj tiempoqa wañuchinapaj, uj tiempotaj jampinapaj. Uj tiempoqa thuñinapaj, uj tiempotaj wasichanapaj.

Isaías 57:18

Imaynatachus purisqankuta rikuni, chaywampis noqaqa thañichisaj, michisaj, sonqochasaj, paykunata kusichisaj, jinallataj llakiywan waqajkunatapis.

Isaías 57:19

Señorqa nin: Noqa paykunata asirichisaj; karupi kajkunapaj, qayllapi kajkunapajpis sonqo kausay kanqa. Ima nanayninmantapis noqa thañichisaj.

Jeremías 29:11

Noqa yachani imastachus qankunapaj wakichishasqayta, chaykunaqa qankuna allinta kausakunaykichejpaj, manataj ima sajrapis qankunaman jamunampaj, jinamanta jamojpi allin kajta suyasqaykichejman jina jap'inaykichejpaj. Noqa Señor chayta nini.

Miqueas 7:20

Señor, waqaychallaypuni noqaykuwan kasqaykita munakuyniykitapis, ñaupa tatasniyku Abrahamman Jacobmantaj ñaupa wataspi prometerqanki chayta!