Jeremías 33:26 - Qheshwa Biblia DC

²⁶ Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

DIOSPA QHELQACHISQAN DEUTEROCANONICAL

²⁶ Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

DIOSPA QHELQACHISQ

²⁶ Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Jeremías 33:26 Referans Kwoze

Jeremías 31:37

Sichus uj p'unchay janaj pachata midinkuman, kay jallp'atapis cimientosninkama qhawankuman chayqa, chay p'unchaypacha Israelta qhesachasaj tukuy ima ruwasqasninmanta. Noqa Señor chayta nini.

Isaías 14:1

Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

Oseas 2:23

Aylluyta tarpuykusaj jallp'aman noqa sapallaypaj, khuyakusaj Lo-ruhamanta, Lo-amitataj: Qanmin aylloyqa kanki, nispa. Paytaj niwanqa: Qanmin Diosneyqa kanki!, nispa.

Oseas 1:7

Judáj reinonmantarí khuyakusaj, noqa kikiy Señor Diosninku paykunata salvasaj. Pero salvasaj chayqa manamin maqankupichu, nitaj wach'inawanchu nitaj t'ojsinawanchu nillataj caballospi lloq'ajkunawanchu, nispa.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Isaías 54:8

Uj pisita phiñakuspa qanmanta uyayta pakarqani; chaywampis wiñaypaj munakuyniywan qantaqa khuyarqayki. Ajinata salvajniyki Señorqa nisunki.

Romanos 11:32

Dios tukuyta mana kasukuypi jap'erqa, tukuyman khuyakuyninta chayachinampaj.

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Zacarías 10:6

Señor nin: Judajpa mirayninmanqa noqa kallpata qosaj, Josejpa miraynintaqa salvasajtaj. Watejmanta llajtankuman pusallasajtaj, paykunamanta khuyakusqayrayku. Paykuna tukukonqanku manapis jayk'aj paykunata qhesachaymanchu karqa ajinaman, noqa Señor Diosninku kasqayrayku, mañakuwasqasninkutataj uyarisaj.

Esdras 2:70

Sacerdotekuna, levitakuna, wakin runastaj Jerusalempi tiyakaporqanku. Takejkuna, punkuta qhawajkuna, templopi sirvejkuna, ujkuna israelita runas kikin llajtankupi tiyakaporqanku.

Esdras 2:1

Kaykuna kanku presochasqamanta kutimpojkuna. Paykunaqa rey Nabucodonosorpa kamachisqanman jina Judá jallp'amanta Babiloniaman apasqas karqanku. Paykunamanta wakinkuna Jerusalenman, Judá jallp'asmantaj kutimporqanku, sapa ujninku llajtankuman yaykuporqanku.

Jeremías 3:12

Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

Salmos 126:1

Siompi tiyakojkunamanta apasqa kajkunamanta Señor kutichimushajtin, uj mosqoy jina karqa.

Jeremías 31:35

Pichus intita p'unchaynimpi k'anchanampaj churarqa, killata, ch'askastapis tutampi k'anchanankupaj churarqa. Mar qochatapis phiñarikojta, qhollchoqeyasqampis mayta mayta ch'ajwarejta churaj. Tukuy Atiyniyoj sutichasqa Señorqa chayta nin: