Jeremías 32:35 - Qheshwa Biblia DC

³⁵ Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

DIOSPA QHELQACHISQAN DEUTEROCANONICAL

³⁵ Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

DIOSPA QHELQACHISQ

³⁵ Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Jeremías 32:35 Referans Kwoze

Jeremías 7:31

Ben-hinom vallepi Tofetpa altarninta jataricherqanku, qhari wawasninkuta, jinataj warmi wawasninkutapis ruphachinankupaj, chayta noqa mana kamacherqanichu, nitaj yuyallarqanipischu.

Levítico 18:21

Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

2 Crónicas 33:6

Jinataj Ben-hinom vallepi wawasninta jaywanata jina ruphacherqa, wañusqa runaspa espiritunta wajyaj, suertesta qhawaj, p'ajpaku jina ruwaj, layqasta, aysiristapis tapurej. Señorpa ñaupaqempi sinch'i sajrapuni ruwasqasnenqa karqa, Señorta sinch'ita phiñachinankama.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

1 Reyes 16:19

Chayqa karqa jucha ruwasqanrayku, Señorpa ñaupaqempi sajrata ruwasqanmanta, Jeroboampa ñankunasnimpi ima juchawanchus Israelta juchallichej chaykunapi purispa.

Ezequiel 23:37

Paykunaqa qhenchachakorqanku, makisninkutaj yawarwan ch'ichichasqas kashanku. Qhasi mana kaj dioskunasninkuta yupaychaspa wasanchawarqanku. Noqapaj wawasta nacechikorqanku, chay wawasninkutapis ninawan enqhaspa dioskunasninkuman jaywarqanku.

Isaías 57:5

Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

2 Crónicas 33:9

Manasesqa, Judamanta Jerusalenmantawan runasta sajra ñanman aysaykorqa, astawan sajrata ruwachispa chay nacionesmanta. Chaykunataqa Señor tukucherqa israelitaspa ñaupaqenkumanta.

2 Reyes 23:15

Betelpi karqa chay altarestapis ajinallatataj ruwarqa, Nabadpa wawan Jeroboampa ruwasqasnintapis, mayqenwanchus israelitasta juchallichej achay altarta, orqo patapi karqa chaytawan urmachispa ninawan enqhaykorqa ushphaman kutinankama. Aseraj lantinmampis ninawan jap'iykucherqa.

2 Reyes 21:11

Judamanta rey Manasés kay jinata ruwasqanrayku, paymanta ñaupajta amorreos karqanku chaykunamantapis aswan millay sajratapuni ruwasqanrayku, lantisninwantaj Judata astawan juchallichisqanrayku.

2 Reyes 3:3

Chanta Nabatpa wawan Jeroboampa juchasninman qokorqa, imaswanchus israelitasta juchallicherqa chaykunamanta manapuni t'aqakorqachu.

1 Reyes 21:22

Wasiykitapis Nabatpa wawan Jeroboampa wasinta jina ruwasaj, Ahiaspa wawan Baasaj wasintawan jina, sajrata ruwasqaykiwan phiñachiwasqaykirayku, chaykunawantaj Israelta juchallichisqaykirayku.

1 Reyes 15:30

Kayqa jina karqa, Jeroboam juchata ruwasqanrayku, chaykunawan israelitasta juchallichispa; ajinamanta Israelpa Señor Diosninta phiñachinankama.

1 Reyes 15:26

Señorpa ñaupaqempi sajratapuni ruwarqa, tatampa ñankunasnimpi purispa, ima juchawanchus Israeltapis juchallichej chaykunapi.

1 Reyes 14:16

Señorqa Israelta saqerparenqa Jeroboampa juchasninrayku, Israelta juchallichisqanrayku ima.

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

Deuteronomio 18:10

Amapuni ni mayqenniykichej wawasniykichejta rikuchikuta jina qonkichejchu ninapi ruphachispa. Amapuni ni mayqenniykichej suerte watunata ruwankichejchu, ni qhepaman imachus kananmantapis yachaj tukunkichejchu, layqakuytapis ama yachankichejchu, ama mayqentapis t'ukuchinkichejchu, ama suerteta watojkunata tapukunkichejchu, ama almasta wajyachinkichejchu. Amallataj wañusqastapis tapuchinkichejchu.

Éxodo 32:21

Aaronmantaj Moisesqa nerqa: Imanasorqankutaj kay runasri, kay chhika jatun juchata ruwachinaykipajri?

Hechos 7:43

Qankunaqa Molocpa toldontaraj astawan apaykacharqankichej, Refán nisqa diosniykichejpa qoyllurnintawan. Chay lantista qankunallataj ruwakorqankichej, paykunaman k'umuykunaykichejpaj. Chayrayku llajtaykichejmanta pusachisqaykichej, Babilonia llajtamantapis aswan karumanraj.

Deuteronomio 12:31

Qankunaqa amapuni jinata ruwankichejchu Señor Diosniykichejpa contranta. Imaraykuchus, imastachus Señor mana munanchu ruwanata, chaykunata chay nacionesqa ruwanku dioskunasninkuta yupachaspa. Chay lantisninkuta ninawan jap'iykuchispa, wawasninkuta jaywanku chaypi ruphachinankupaj.

1 Reyes 11:7

Chanta Salomonqa Moabpa millay lantin Quemospaj uj altarta wakicherqa, Jerusalempa chimpan orqopi; Amonitaspa chay millay lantin Molocpajpis uj altarta wakichillarqataj.

Jeremías 7:30

Señorqa nillantaj: Judamanta runasqa mana walejtachu rijch'ayniypi ruwanku: Chay millachikuna lantisninkuta noqapaj t'aqasqa chay yupaychanawanku wasiyman churarqanku, chaywantaj ch'ichicharqanku.

Jeremías 19:2

Chaymantaqa llojsiy Benhinon valleman, k'analla ruwana punkuman sayaykamuy, chaypitaj willanki imatachus willasqayki chayta.

Jeremías 44:4

Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

2 Reyes 21:4

Señorpa wasimpipis ajinallatataj altaresta sayaricherqa, mayqenmantachus Señorqa nisqa; noqa Jerusalempi sutiyta churasaj, nispa.

2 Crónicas 36:14

Jinallatataj tukuy runas, sacerdote runaspis astawan juchata yapaykukorqanku, chay waj nacionespa millay jucha ruwasqasninkuta ruwaspa, jinamanta ch'ichichaspa Señorta yupaychana wasita, Jerusalempi paypaj ajllakorqa chayta.

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.