Jeremías 32:24 - Qheshwa Biblia DC

²⁴ Kunanqa caldeo jallp'a moqosta oqharinkuña llajtaman yaykuykamunankupaj, jinataj maqanakuykunas yarqhay, onqoy ima llajtaykichejta makinkuman urmaykuchenqa. Señor, rikunki chay nisqasniykeqa imaynatachus junt'akushasqanta.

DIOSPA QHELQACHISQAN DEUTEROCANONICAL

²⁴ Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

DIOSPA QHELQACHISQ

²⁴ Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Jeremías 32:24 Referans Kwoze

Jeremías 33:4

Noqa Señor Israelpa Diosnimpata uj willayniy tiyapuwan, Jerusalempi kaj wasismanta, jinataj Judá llajtaj reykunasnimpa wasisnimpis urmachisqas kanankumanta.

Jeremías 32:36

Noqa Señor Israelpa Diosnin, kay llajtamanta nini, mayqentachus nerqanki Babiloniamanta reypa makinman urmananta maqanakusrayku, yarqhayrayku, onqoyraykupis chaymanta: Tantaykusaj chay llajtayojkunata tukuynej jallp'asmanta maykunasmantachus may sinch'i phiñakuyniypi ch'eqeracherqani chay tukuymanta, noqataj kay cheqaman kutirichimusaj kaypi tiyarikunankupaj mana ni ima ch'ajwaswan.

Deuteronomio 4:26

Chayta ruwawajchej chayqa, noqa janaj pachaj, kay pachaj ñaupaqempi niykichej ujllapi chinkachisqas kanaykichejta, chay Jordán chimpapi tiyakunaykichej chay jallp'amanta. Jinamanta chay jallp'api mana unaytachu tiyakunkichej, manachayqa tukuyniykichej chinkachisqas kankichej.

Zacarías 1:6

Chaywampis, tukuy parlasqasniy, kamachisqasniypis ñaupa tatasniykichejkama chayarqanku profetasniynejta. Chayrayku, paykuna kutirikamuwarqanku yachasqankurayku noqa Tukuy Atiyniyoj Señor paykunawan ruwasqayta chay purisqankuman jina, chay ruwasqankuman jinataj.

Ezequiel 21:22

Suertetaj paña makin ladoman llojsin Jerusalén cheqata señalaspa. Chay señaltaj niyta munan, maqanakuman yaykunampaj kamachinanta, wañurachiyta qallarinampaj, maqanakunapaj jatunmanta qhaparinampaj, ariete nisqa makinasta punkuspa contrampi churanampaj, perqata ruwanampaj, tukuynin llajtata maqanakupaj torreswan muyuykuchinampaj.

Ezequiel 14:21

Noqa Señormin nini: Aswanraj kanqa maypachachus noqa tawantin sinch'i jasut'iyniyta Jerusalenman apachimojtiy. Ch'ajwata, yarqhayta, millay animalesta, onqoykunata ima, runata, uywasta ima wañurachinampaj.

Jeremías 32:3

Rey Sedequías paytaqa wisq'aykuchisqa, Jeremías kay jinata parlasqanrayku: Señorqa nin: Babilonia reyqa llajtata jap'ikaponqa.

San Mateo 24:35

Cielo, kay mundopis tukukaponqanku, palabrasniytaj mana jayk'ajpis tukukonqankuchu.

Jeremías 52:6

Chay watamanta tawa kaj killampi isq'on kaj p'unchaynimpitaj Jerusalempi astawan yapakorqa, runas mikhunankupaj manaña imapis karqañachu.

Jeremías 32:25

Chaywampis, Señor, qan rantinayta kamachiwarqanki, paganaytataj jaqay jallp'amanta rikojkunaspa ñaupaqempi, chay llajta caldeospa makinman urmanampuni kashajtimpis.

Jeremías 24:10

Paykunaman maqanakuta, yarqhayta, onqoytapis apachimusaj, mana ujniyoj kay jallp'api tukukunankukama, may jallp'atachus paykunaman, chantá ñaupa tatasninkumampis qorqani chaypi.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

2 Samuel 20:15

Joabpa runasnintaj Abel-bet-maacaman chayaspa, llajtaj perqanmanta qayllampi jallp'ata qolluykorqanku, chaymantapacha llajtaman maqanakoj yaykunankupaj, tukuynin runastaj perqata urmachiyta munaspa llank'asharqanku.

Isaías 37:33

Señorqa Asiria reymanta kay jinata nin: Jerusalén llajtamanqa manapuni yaykumonqachu, nitaj flechallantapis kachaykamonqachu. Mana pipis ñaupaqenta escudo oqharisqa jamoj kanqachu, manallataj llajtaj muyuyninmampis ima jallp'a moqosta churanqachu.

Jeremías 6:6

Tukuy Atiyniyoj Señorqa kay kamachita qon: Sach'asta k'utuychej, perqasmantaj jallp'ata qolluykuychej Jerusalenman maqanakoj yaykunapaj. Llajtaqa jasut'isqa kanampaj qhawasqaña, imaraykuchus millay ruwaykunawan junt'a kashan.

Jeremías 20:5

Jinallatataj kay llajtapipis tukuy ima kajkunasniykichejta, Judapi reykunaspa tukuy imasninkuta Babiloniaman apanankupaj jaywaykullasajtaj.

Jeremías 29:17

Tukuy Atiyniyoj Señor nin: Paykunaman apachimusaj maqanakusta, yarqhayta, onqoyta ima. Chay mana mikhunapaj jinachu kashanku chay millay q'etayasqa higosta jina kanaykichejta saqesaj.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Jeremías 32:5

Nabucodonosortaj Sedequiasta Babiloniaman apakaponqa, chaypitaj qhepakonqa paymanta noqa yuyarikunaykama. Qankuna, caldeoswan maqanakuspapis mana atipankichejchu. Noqa Señor chayta nini.

Jeremías 32:28

Ajinaqa noqa niyki: Babiloniaj reynin Nabucodonosorman, caldeosmampis jap'ikapunankupaj jaywaykapusaj.

Jeremías 34:17

Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

Jeremías 52:4

Maypachachus Sedequías isq'on watastaña chunka kaj killapi kamachishajtin, chunka p'unchaynimpi rey Nabucodonosorqa tukuy soldadosnintin Jerusalenta jap'inampaj purirerqa, muyuykorqataj. Jerusalempa ñaupaqempi jaraykukorqa, chay muyuykunasnimpitaj jallp'a moqosta llajtaman yaykunankupaj sayaricherqanku.

Ezequiel 26:8

Sinch'i jallp'api tiyakoj runasniykita espadawan wañurachenqanku. Uj perqata muyuyniykipi ruwanqa, torresta oqharenqanku muyuykusunampaj, armasqa soldadoswantaj contraykipi kachaykamusonqanku.

Habacuc 1:10

Reyesmanta asiykukunku, jinataj chay wiraqochisninkumantapis. Chay sinch'i pakakuna wasisninkumantapis asiykukunku, ñaupaqempitaj jallp'a qollusmanta ñankunasta ruwarikunku, atipaykuytawantaj jap'ikapunku.

Ezequiel 4:2

Chaymanta soldadoswan muyuykuchiy, maqanakupaj kaj armaswantaj, perqawan; jinallataj pakakunapaj larq'atawan muyuynimpi ruway, runaswan muyuykusqa llajta jina rikukunampaj.

Ezequiel 21:27

Tukuyta thuñisaj, thuñisqamantapis llimphu thuñisqatapuni saqesaj. Kaytaj ruwakonqa, justiciata ruwanampaj churaniña chay jamojtinraj.