Jeremías 32:21 - Qheshwa Biblia DC

²¹ Qanqa may jatun atiyniykiwan Egiptomanta Israel aylluykita orqhomorqanki, señalesta ruwaspa, t'ukuna ruwasqasniykiwan tukuyninta manchariykuchispa ima.

DIOSPA QHELQACHISQAN DEUTEROCANONICAL

²¹ Qanqa may jatun atiyniykiwan Israel aylluykita Egiptomanta orqhomorqanki. Runaj mana jayk'aj rikusqan t'ukunata ruwaspataj, tukuy runata mancharicherqanki.

DIOSPA QHELQACHISQ

²¹ Qanqa may jatun atiyniykiwan Israel aylluykita Egiptomanta orqhomorqanki. Runaj mana jayk'aj rikusqan t'ukunata ruwaspataj, tukuy runata mancharicherqanki.

Jeremías 32:21 Referans Kwoze

Deuteronomio 26:8

Jinata Señorqa Egiptomasta orqhomuwarqanchej jatun atiyninta rikuchispa, sinch'i manchachiywan, señaleswn, milagroswan ima.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Salmos 105:43

Jinata Diosqa ajllasqa runasninta orqhorqa, may kusikuy chaupipi.

Salmos 105:37

Chaymantataj Diosqa runasninta orqhorqa qoriyojta, qolqeyojta. Nitaj mayqempis ayllusninkumanta misk'arqankuchu.

1 Crónicas 17:21

Israel aylluyki jinari, mana ujwan pay jina kanchu, payqa uj k'ata nación kay pachapi kajkunamantaqa! Qan, Diosníy, kacharicherqanki aylluyki kanampaj, qantaj may uyarisqa karqanki paykunawan t'ukuna jatuchaj imasta ruwaspa. Qan Egiptomanta orqhomorqanki chay aylluykej ñaupaqenmanta chay waj nacionesta wijch'orqanki.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 13:9

Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

Éxodo 6:1

Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

Deuteronomio 7:19

Yuyarikuychej may chhika imastachus t'ukuna ruwanasninta rikusqaykichejta, señalesta, milagrosta, jatun atiynintawan. Chay jinata qankunataqa Egiptomanta orqhomusorqachej. Chay kikillantataj Señorqa ruwanqa tukuy nacioneswan qankuna manchachisushankichej chaykunawan.

2 Samuel 7:23

Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

Éxodo 3:20

Chayrayku noqaqa atiyniyta rikuchisaj, tukuy egipciosta nanachisaj, ashkha jasut'iykunata señalesta ima rikuchisaj, chaymantaraj saqesonqachaj llojsinaykichejta.

Deuteronomio 11:3

Qankunaqa rikorqankichej señalesta, t'ukuna imasta Egiptopi faraompa contranta, chaypi kaj runaspa contranta ima ruwasqanta.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?