Jeremías 32:18 - Qheshwa Biblia DC

¹⁸ Qanmin khuyakuyniykita rikuchinki waranqa waranqa miraykunaman, jinapis runasta jasut'inki tatasninkoj juchasninkurayku. Oh jatun Dios, atiyniyojtaj, sutiykeqa Tukuy Atiyniyoj Señormin.

DIOSPA QHELQACHISQAN DEUTEROCANONICAL

¹⁸ Qanmin may chhika runakunaman khuyakuyniykita rikuchinki, jinapis runakunata tatankoj mana allin ruwasqanmanta jasut'inki. Tata Dios, may Jatun Atiyniyoj kanki, sutiykeqa Tukuy Atiyniyoj Tata Diosmin.

DIOSPA QHELQACHISQ

¹⁸ Qanmin may chhika runakunaman khuyakuyniykita rikuchinki, jinapis runakunata tatankoj mana allin ruwasqanmanta jasut'inki. Tata Dios, may Jatun Atiyniyoj kanki, sutiykeqa Tukuy Atiyniyoj Tata Diosmin.

Jeremías 32:18 Referans Kwoze

Jeremías 10:16

Waj jinapuni kay tukuy imasta ruwajqa, chaymin Jacobpa Diosnenqa. Paymin Israel aylluta paypata kanampaj ajllakorqa. Tukuy Atiyniyoj Señormin sutenqa. Profetaqa nin:

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

San Mateo 27:25

Runastaj kuticherqanku: Yawarnin noqaykoj pataykupi, wawasniykojpiwan kachun.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 10:21

Jacobpa mirayninmanta kaj israelitasmanta puchojkunaqa, manchay atiyniyoj Diosman kutirenqanku.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

Números 14:18

Imamantapis mana usqhayta phiñakusqaykita, munakuyniykeqa may jatun kasqanta, ima sajra juchamantapis perdonasqaykita, jinallataj qampa contraykipi oqharikojtapis. Nillarqankitaj juchayojtapis mana jasut'isqaykita, manachayqa tatasninkoj juchasninta jasut'isqaykita, wawasninkuta allchhisninkuta, allchhisninkoj wawasninkuta, allchhisninkoj allchhisninta ima.

Habacuc 1:12

Señor, manachu qanqa mana jayk'aj wañoj wiñay wiñaypaj kausaj Santo Diosniy kankiri? Waqaychaj Señorníy, qanmin caldeosman kallpata qorqanki justiciaykita ruwanankupaj.

Nehemías 1:5

Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

2 Reyes 9:26

Imaynatachus qayna noqa Nabotpa yawarninta rikorqani, wawasnimpa yawarnintapis. Señorqa nerqa: Kay kikin cheqallapitaj qanmanta vengakusqayki, nispa. Kunantaj jap'ispa Nabotpa jallp'annejman aysarpariy, Señorpa nisqanman jina junt'akunampaj.

Jeremías 31:35

Pichus intita p'unchaynimpi k'anchanampaj churarqa, killata, ch'askastapis tutampi k'anchanankupaj churarqa. Mar qochatapis phiñarikojta, qhollchoqeyasqampis mayta mayta ch'ajwarejta churaj. Tukuy Atiyniyoj sutichasqa Señorqa chayta nin:

Salmos 50:1

Dioskunaj Diosnin Señorqa parlan. Inti llojsimuy cheqamanta inti yaykuy cheqankama, tukuy kay pachapi tiyakojkunata wajyan.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Génesis 49:24

Josejtari makisnin manchay kallpasniyoj. Pay sumajta arcosta jap'in. Jacobpa atiyniyoj Diosninrayku, Israelta michejninrayku, waqaychajninraykutaj.

San Lucas 6:38

Qoriychej wajkunaman, qankunamampis qorillasonqachejtaj, jap'inkichejtaj wayaqaykichej phullchirishajta, mat'i winasqata thalaykapusonqachej tuputaqa. Ima chimpuwanchá tupunkichej, chayllawantaj qankunatapis tupusonqachej.

Éxodo 34:6

Jinamanta Señor Moisespa ñaupaqenta pasarqa qhaparispa: Señor, Señor, wiñaypaj Dios, khuyakuyniyoj, k'acha sonqoyoj, llamp'u sonqo, mana imamantapis k'ajajta phiñakojlla. Chantaqa jatun khuyakuypi, jinallataj cheqa kaypipis.

Jeremías 10:6

Señor, mana pipis qan jina kanchu: Qanqa jatun kanki, sutiykeqa may jatun atiyniyojtaj.

Jeremías 20:11

Señor, qan noqawan kashanki, uj mana atipay atina ch'ajwapi maqanakoj jina. Pichus qhatiykachawajkunaqa urmanqanku, manataj atipayta atiwanqankuchu; atipachikuspa p'enqaypi rikhurenqanku, mana qonqay atinapaj jina, wiñaypaj mana allimpaj qhawasqas kanqanku.

Jeremías 50:34

Jinapis chay kacharichejnenqa may kallpasapamin, sutintaj Tukuy Atiyniyoj Señor. Paymin cheqanchanqa; sonqo tiyasqa kaytapis jallp'ankuman apamonqa. Babiloniapi tiyakojkunaman manchachikuyllata apachimonqa.

Daniel (hebreo) 2:45

Chaytamin niyta munan reypa rikusqan rumi mana pejpa tanqarimusqallan orqomanta choqakamojqa. Chay rumitaj fierrota, bronceta, t'uruta, qolqeta, qoritapis ñut'u polvoman tukucherqa chayqa. Jatun Diosqa rikuchin reyman, imachus kananmanta qhepa p'unchaykunapi. Mosqokusqaykeqa cheqamin, sut'inchaynimpis cheqapunitaj.

Salmos 89:9

Phiña mar qochata qan kamachinki, wayrawan qhollchoqeyajtimpis qan tiyaykuchinki.