Jeremías 31:7 - Qheshwa Biblia DC

⁷ Señorqa nin: Kusiy takiykunasta kusiywan takiychej Jacobpa ayllunrayku. Paymin tukuy nacionesmanta aswan kurajqa. Uyariychej yupaychaykunasta, niychejtaj: Señorqa ayllunta salvarqa, Israelmanta puchojkunata.

DIOSPA QHELQACHISQAN DEUTEROCANONICAL

⁷ Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

DIOSPA QHELQACHISQ

⁷ Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Jeremías 31:7 Referans Kwoze

Isaías 37:31

Judá ayllumanta qhepakojkunaqa, sach'a jina sumajta saphichakonqanku, chaymantataj poqonqanku.

Salmos 28:9

Señor, aylluykita salvay, qampata kajkunatataj yanapay. Pusaykachay, waqaychay, ovejata michej jina waqaychay, wiñaypajtaj ichurikuspa pusaykachay.

Salmos 14:7

Sión llajtamantapis, Israelpaj salvacionqa chayamunman, Señor apasqa runasninta kutichimojtin, Jacobpa mirayninmanta kajkuna, israelitas tukuyninku kusikonqanku.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Romanos 11:5

Ajinallatataj kay p'unchaykunapipis israelitasmanta pisi runaslla puchunku, Diospa khuyakuyninman jina ajllasqas.

Romanos 9:27

Israelitasmanta Isaías nerqa: Israelitaspa mirayninchus mar qochaj t'iyun jina kanman chaypis, chaykunamanta pisi puchojkunalla salvasqas kanqanku.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Miqueas 2:12

Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Oseas 1:7

Judáj reinonmantarí khuyakusaj, noqa kikiy Señor Diosninku paykunata salvasaj. Pero salvasaj chayqa manamin maqankupichu, nitaj wach'inawanchu nitaj t'ojsinawanchu nillataj caballospi lloq'ajkunawanchu, nispa.

Ezequiel 6:8

Chaywampis noqa saqesaj qankunamanta wakinkuna ama wañunankuta, astawanqa kausanankuta, waj jallp'asman ch'eqerasqas kasqankupi.

Isaías 61:9

Israelitaspa mirayninkoqa tukuy nacionespa chaupimpi rejsisqas kanqanku, llajtas chaupipitaj paykunaj mirayninku. Tukuy chayta rikojkunaqa nenqanku: Kaykunaqa Señorpa allimpi qhawasqasnin kanku.

Isaías 44:23

Janaj pachaqa, kusiywan takiy, imaraykuchus kaytaqa Señor ruwan. Jallp'aj ukhusnin kusiywan qhapariychej. Qankuna orqos, montes, chaypi kaj tukuy sach'as ima kusikuywan takiychej. Señorqa atiyninta rikucherqa Jacobpa ayllun israelitasta salvaspa.

Isaías 37:4

Ichapis Señor Diosniyki soldadosta kamachejpa palabrasninta uyarin ari; paytaqa Asiriaj reynin kachamun chaypi Kausaj Diospa contranta sajrata parlanampaj, noqanchejpa contranchejta ima. Ichapis Señor Diosniyki paykunata jasut'inman. Diosniykimanta mañapuwayku ari, kaypi mashkhachus puchunkuraj chaykunapaj.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

Salmos 106:47

Salvawayku Señor Diosniyku! Oqharikapuwayku tukuy nacionesmanta, santo sutiykita yupaychanaykupaj, kusisqas qanta upaychanaykupaj.

Salmos 69:35

Diosqa Sionta salvanqa. Watejmantataj Judá llajtata sayachenqa.

Salmos 67:1

Diosníy, khuyakuy noqaykumanta, bendiciwaykutaj. Allin ñawiwan qhawawayku.

Deuteronomio 32:43

Naciones kusikuychej Diospa ayllunwan. Diosqa aynita kutichenqa kamachisninta wañuchisqankumanta. Enemigosninman aynita kutichenqa. Payqa jallp'anta, aylluntawan llimphuchanqa.

Deuteronomio 28:13

Señorqa ñaupajmampuni churasonqachej, mana qhepamanchu. Qankunaqa patapipuni kankichej, mana urapichu. Sichus Señor Diosniykichejpa kamachisqasninta junt'ankichej chayqa, chay kamachiykunataqa kunan qoshaykichej.

Jeremías 3:23

Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.

Jeremías 20:13

Señorman takiychej, Señorta yupaychaychej. Payllamin salvan llakiypi kajta, chay sajrata ruwajkunaspa makinmantaqa.

Jeremías 31:12

Jamonqanku, kusiywantaj Sión orqo patapi takenqanku, Señorpa allin kaj imasta apachimusqasninmanta kusikonqanku; trigowan, vinowan, aceitewan, ovejaswan, wakaswan ima, kausayninkoqa sumaj qarpasqa huerta jina kanqa; manataj kallpankuta chinkachenqankuchu.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Salmos 126:2

Chaypacha simiykoqa jatunmanta asikorqa, kusiywantaj jatunmanta takerqayku. Chaypacha Diospi mana creejkuna nerqanku: Señorqa paykunapaj jatuchaj imasta ruwarqa, nispa.

Isaías 52:8

Uyariy, qhawajkunasniykej qhaparisqankuta. Tukuyninku ujllapi kusiymanta qhaparinku, imaraykuchus paykunaqa kikin ñawinkuwan Señorqa Sión llajtaman kutimushajta rikunku.