Jeremías 31:5 - Qheshwa Biblia DC

⁵ Samaria orqospi watejmanta uvas sach'asta plantankichej. Pichus plantajqa poqoykunasninta mikhonqa.

DIOSPA QHELQACHISQAN DEUTEROCANONICAL

⁵ Samaria orqokunapi watej uva huertata mallkinkichej. Pichus uva mallkejtaj poqoyninta mikhullanqataj.

DIOSPA QHELQACHISQ

⁵ Samaria orqokunapi watej uva huertata mallkinkichej. Pichus uva mallkejtaj poqoyninta mikhullanqataj.

Jeremías 31:5 Referans Kwoze

Amós 9:14

Chaymanta karu llajtaman wijch'usqamanta Israel aylluyta pusakampusaj. Watejmanta sayarichenqanku t'unasqa llajtankuta, chaypitaj tiyakonqanku; watejmanta uvaskunata plantanqanku, vinotataj ujyanqanku. Chaymanta huertasta ruwanqanku, chaykunapi poqojtataj mikhonqanku.

Deuteronomio 28:30

Sapa ujniykichejpa casaranampaj parlasqan chay warmeqa, ujwantaj riponqa. Sapa ujniykichej wasita ruwakunkichej, nitaj chaypi tiyakunkichejchu. Uvas sach'asta churankichej, nitaj poqoyninta mikhunkichejchu.

Miqueas 4:4

Jinaqa tukuy kausanqanku ni ima manchayniyoj; sapa ujtaj samarikuyta atenqa uvasninku llanthupi, jinataj higueronkoj llanthoj urampi. Kaykuna, Tukuy Atiyniyoj Señorpa kikin palabrasnin kanku.

Zacarías 3:10

Chay p'unchay chayamojtenqa ujkuna ujkunata wajyarinakuyta atinkichej, uvaspa llanthumpi jinataj higos sach'aspa llanthumpi samarikunkichej. Noqa Tukuy Atiyniyoj Señorniykichej chayta niykichej.

Abdías 1:19

Neguevmanta kajkuna israelitas, Esaojpa chaynejpi chay orqosta jap'ikaponqanku, Sefelamanta kajkunataj filisteospa jallp'asninkuta jap'ikaponqanku. Chantapis jap'ikapullanqankutaj Efraimpa jallp'asninta, Samariaj jallp'asninta, jinataj Benjamimpata kajkuna Galaadta jap'ikaponqanku. Chay chhika wijch'usqasmanta kajkunamanta israelitas cananeospa jallp'asninmanta, Sarepta chaynejkama. Jerusalempi presos kajkunamanta, chay Sefarad chaynejpi jina kashanku. Chaykunamantaqa Neguedpi chay llajtasta jap'ikaponqanku.

Ezequiel 36:8

Qankunataj, Israelpa orqosnin, sumaj sach'asta wicharichinkichej, Israel ayllupajtaj sumajta poqochipunkichej, imaraykuchus aylluypa kutimpunan p'unchayqa qayllamushanña.

1 Samuel 21:5

Davidtaj sacerdoteman kuticherqa: Cheqamanta sapa maqanakuman llojsispaqa warmismanta karunchakunkupuni. Kay jamusqaykoqa mana maqanakupaj nisqapischu karqa, chaywampis runasneyqa llimphuchakorqankuña llojsimunaykupajqa, jinamanta kunanqa aswan llimphuchasqas kashayku.

Deuteronomio 20:6

Sichus mayqenniykichej uvasta tarporqankichej, manarajtaj imatapis mikhurerqankichejchu chayqa, kutipuchun wasinman, chay tarpusqanta mikhumuchun. Pajtataj maqanakupi wañunman, wajñataj rinman chay uvasta pallakamoj.

Salmos 107:37

Jallp'api tarpunku, uvasta poqochinku, sumaj cosechastataj oqharinku.

Jeremías 32:15

Tukuy Atiyniyoj Israelpa Señor Diosnin nin: Kay jallp'api rantillanqankupuni wasista, jallp'asta uvas huertastapis, nispa.

Ezequiel 28:26

Chaypi paykunaqa mana ima llakiyniyoj tukuy sonqo tiyakonqanku. Wasista ruwakonqanku, uvas sach'asta plantakonqanku. Maypachachus Israel ayllumanta kapuyninkuta lluch'urajkunata, tukuyninta juchachaspa cheqanchasaj, chaypacharaj noqa Señor Dios kasqayta yachanqanku.

Miqueas 1:6

Chayraykumin Señor nin: Samaria llajtata ruwasaj phirisqa wasi qollusllataña, uvas plantana campotataj kicharisaj. Chay llajtamanta rumisninta tukuy pampata junt'achisaj, ura urannej rumistapis patannej sut'iman churamusaj.