Jeremías 31:34 - Qheshwa Biblia DC

³⁴ Manaña yachachinakunanku kanqachu ujkuna ujkunata, kausaqesnintin, ayllusnintimpis, noqata rejsinawankupajqa, imaraykuchus tukuy rejsiwanqanku, jatunmantapacha juch'uykama. Noqa juchasninkumanta perdonapusaj, manañataj jayk'ajpis juchasninkumanta yuyarikusajchu. Noqa Señor nini.

DIOSPA QHELQACHISQAN DEUTEROCANONICAL

³⁴ Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

DIOSPA QHELQACHISQ

³⁴ Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 31:34 Referans Kwoze

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Hebreos 8:12

Mana allin ruwasqasninkumanta khuyasaj, juchasninkumantapis manaña astawan yuyarikusajchu.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Jeremías 33:8

Llimphuchasaj noqaj contraypi tukuy juchallisqankumanta, llimphuchasaj tukuy juchasta ruwasqasninkumanta, contraypi oqharikusqankuta ima pampachasaj.

Jeremías 50:20

Noqa Señor nillanitaj: Chay p'unchaykunapeqa Israel aylluwan, chantá Judá aylluwan millay ruwasqasninkumanta, jinataj juchasninkumantapis kacharichisqas kanqanku, imaraykuchus noqa chay kausashajta saqerqani chaykunata perdonapusaj.

San Juan 6:45

Profetaspa escribisqasnimpitaj jinata nishan: Dios tukuyninman yachachenqa. Jinataj, Dios Tatamanta uyarejkuna, paymanta yachakojkunataj noqaman jamunku.

1 Juan 2:20

Qankunaqa Santo Espirituta Jesucristonejta jap'erqankichej, chayta tukuy yachankichej.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

Hechos 10:43

Tukuy sut'inchajkunapis Jesusmanta willarqanku tukuy paypi creejkunaqa sutinnejta juchasninkumanta pampachasqa kanankupaj.

Habacuc 2:14

Chaypachataj, Señor gloriayoj kasqanmanta yachayqa tukuy jallp'antinman junt'anqa, imaynatachus mama qochaman yaku junt'aykun jinata.

Isaías 44:22

Noqa juchasniykitaqa uj phuyuta jina chinkarichini, mana kasukusqaykitataj urphuta jina. Noqaman kutirimuy, noqamin qantaqa salvarqayki.

Hebreos 5:12

Unaymantapacha creesqaykichejrayku, yachachejkunaña kanaykichej karqa; kunantaj watejmanta yachachinaraj kankichej, Diospa palabrampa qallariyninmanta. Qankunaqa lechellapajraj kankichej, mana khamuna mikhunapajrajchu.

1 Tesalonicenses 4:9

Kunanqa, hermanopura munanakunamantaqa anchaña kanman escribimunayqa. Qankuna Diosmanta yachakorqankichej purajmanta munanakunaykichejta.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

2 Corintios 2:10

Pejpa juchantachus perdonankichej chayqa, noqapis perdonallanitaj. Sichus perdonani chayqa, qankunarayku perdonani Cristoj ñaupaqempi, Satanás ama atipanawanchejpaj; yachanchej jina, payqa ima sajratapis ruwayta munashampuni.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

Isaías 33:24

Mana pipis ima nenqachu: Onqosqa kani nispaqa. Sión llajtapi tiyakojkunaj juchasninkuta Diosqa pampachanqa.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

1 Samuel 2:12

Eléj wawasnenqa sinch'i millay puriyniyoj karqanku, manataj Señormanta dakojchu kanku, nillataj allintachu ruwaj kanku tukuy aylloj ñaupaqempeqa sacerdote jina ruwanasninkutapis. Pillapis rikuchikuta jaywashajtenqa, sacerdotej ujnin kamachin jamoj makimpi uj trinche jap'irisqa manaraj aycha chayashajtin.

San Juan 17:6

Sutiykita rejsicherqani mundomanta qowasqayki runasman. Qampata karqanku, qopuwarqankitaj, paykunataj palabraykita waqaycharqanku.

San Lucas 1:77

Ayllunmantaj salvacionta rejsichinki, juchasninku pampachasqas kanankupaj.

Hebreos 8:11

Manaña pipis runa masinta yachachenqañachu, nitaj wauqentapis nenqachu: Señorta rejsiy, imaraykuchus tukuy rejsiwanqanku, sullk'amantapacha kurajninkukama.

Isaías 38:17

Qhawariy, kay jinata ñak'arispa waqayneyqa, kusiyman tukun. Qanqa kausayniyta t'oqopi ismunanmanta jark'arqanki. Qanqa tukuy juchasniyta pampachanki.

Jeremías 32:40

Paykunawan uj tratota wiñaypaj ruwasaj: Paykunaman nisaj, manaña jayk'ajpis saqenayta, allinwan rikuyta, yupaychawayta munaywantaj sonqonkuman junt'achisaj ama noqamanta t'aqakunankupaj.

Oseas 2:20

Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

Salmos 25:7

Wayna kashaspa juchallikusqasniymanta ama yuyarikuychu, nitaj contraykipi oqharikusqasniymantapis. Señor, uj jatun munakuyniykiman jina, k'acha kayniykiman jinataj noqamanta yuyarikuy.

Isaías 29:24

Pantasqa yuyayniyojkunaqa, yachayniyojman tukonqanku. Thutojkunapis Diosmanta yachaqakonqanku.

Isaías 33:6

Qan kashajtiykeqa yachaywan, yuyaywan, salvacionwan kamachenqanku. Señorta manchachikoyqa uj qhapajyay jina kanqa.

Isaías 52:6

Chayrayku israelitasneyqa jaqay p'unchaypi noqata rejsikapuwanqanku, yachanqankutaj noqa kikiy parlasqayta, kaypi kani, nispa.

Jeremías 9:23

Señorqa nin: Yachayniyoj runaqa ama chay yachayninmanta runaykachachunchu, nitaj atiyniyojpis, nitaj qhapajpis.

Miqueas 7:19

Ujtawan khuyarikullaytaj noqaykumanta, juchasniykutataj p'ampaykapuy. Mama qochaj ukhunman juchasniykuta wijch'uykapuy.