Jeremías 31:19 - Qheshwa Biblia DC

¹⁹ Noqa qanmanta t'aqakorqani, jinapis juchayta saqespa qanman kutirimuni. Pechoyta takakuni, p'enqasqataj k'umuykachakushani wayna kayniypi juchasniyrayku.

DIOSPA QHELQACHISQAN DEUTEROCANONICAL

¹⁹ Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

DIOSPA QHELQACHISQ

¹⁹ Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

Jeremías 31:19 Referans Kwoze

Ezequiel 36:31

Chaypachataj, mana allin purisqaykichejmanta, sajra imasta ruwasqaykichejmantawan yuyarikunkichej. Qankuna kikiykichej sajra purisqaykichejmanta, mana allin imasta ruwasqasniykichejmantawan p'enqakunkichej.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Ezequiel 21:12

Qantaj, sonqo nanayta qhapariy, imaraykuchus kayqa aylluyta wañurachinapaj wakichisqa kashan, tukuy Israelta kamachejkunapajtaj. Paykunaqa aylluywan khuska wañuranankupaj juchachasqas kanku, chayrayku llakiywan pechoykita takakuy.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

Salmos 25:7

Wayna kashaspa juchallikusqasniymanta ama yuyarikuychu, nitaj contraykipi oqharikusqasniymantapis. Señor, uj jatun munakuyniykiman jina, k'acha kayniykiman jinataj noqamanta yuyarikuy.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

Romanos 6:21

Chantá, chay imaspi ima allintataj tarerqankichej, mayqenmantachus kunan p'enqakushankichej chaykunamanta? Chaykunaj tukukuynenqa wañuymin.

San Lucas 15:30

Kay wawaykeqa, tukuy kapuyniykita usuchimorqa sajra kausaj warmiswan khuska, kutimojtintaj paypajqa ñak'achinki aswan wira kaj waka uñata.

Ezequiel 36:26

Mosoj sonqota qosqaykichej, qankuna ukhupitaj mosoj espirituta churasaj. Qhechusqaykichejtaj chay rumi sonqoykichejta, llamp'u sonqotataj qosqaykichej.

Ezequiel 23:3

Paykunataj Egiptopi qhenchachakorqanku, chaypi chuchusninkuta llankhachikorqanku, doncella kayninkuta chinkacherqanku.

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Jeremías 32:30

Qallariymantapacha Israel aylloqa, chantá Judá ayllupis noqaman mana allimpajchu rijch'awarqa chay imasta ruwarqanku. Israelitasqa phiñachillawajpuni kanku paykunaj kikinkoj ruwasqanku lantista yupaychaspa. Noqa Señor chayta nini.

Jeremías 22:21

Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

Isaías 54:4

Ama manchachikuychu ari. Qanqa mana ch'aukiyasqachu kanki. Ama qanqa p'enqakuychu, manamin p'enqachisqachu kanki. Qanqa qonqapunki sipas kashaspa p'enqakoj kasqaykita, jinallataj viuda kashajtiyki qhesachasusqankutapis.

Job 20:11

Wayna kashaspa imaynachus kallpayoj karqa, kikimpacha sepulturaman yaykonqa.

Job 13:26

Imaraykutaj chay jinata contrayta ch'atawaspa qelqankiri; wayna kasqaymantapachataj juchaymanta cuentata mañawankiri?

Salmos 119:67

Manaraj qanman k'umuykushaspa anchata noqa pantaj kani, kunantaj nisqaykita kasukuni.

Ezequiel 21:17

Noqapis makiyta oqharispa t'ajllakullasajtaj phiñakuyniy tukukunankama. Noqa Señormin kaytaqa nini.