Jeremías 31:18 - Qheshwa Biblia DC

¹⁸ Efraimpa ayllunmanta kajkuna waqaspa willakojta uyarini: Noqa, mana amansasqa novillo waka jina karqani, jinapis qan kasukuyta yachachiwarqanki, qanman kutirichipuway. Qanmin Señor Diosniy kanki.

DIOSPA QHELQACHISQAN DEUTEROCANONICAL

¹⁸ Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

DIOSPA QHELQACHISQ

¹⁸ Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

Jeremías 31:18 Referans Kwoze

Jeremías 31:9

Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

Salmos 80:3

Diosníy, munay ari ñaupaj kasqaykuman kutinaykuta, k'acha ñawiwantaj qhawariwayku, salvasqastaj kasqayku.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Job 5:17

Pi runatachus Dios jasut'in, chay runaqa kusisqamin; chayrayku qanqa ama qhesachaychu Tukuy Atiniyojpa jasut'isqantaqa.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

Hechos 3:26

Chayrayku Diosqa kamachinta kausarichimuspa, qankunamanraj ñaupajta kachamorqa, bendicisqa kanaykichejpaj, maypachachus sajra kausayniykichejta saqespa Diosman kutirejtiykichej.

San Lucas 15:20

Kikimpacha sayariytawantaj kutiporqa tatampaman. Karullapiraj kashajtintaj, tatanqa payta rikorqa. Khuyakuspataj taripaj rerqa, kunkanmanta ojllaykuytawantaj much'aykorqa.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Lamentaciones 5:21

Wajyakapuwayku ari Señor, noqaykutaj qanman jampusqayku. Kay p'unchayniykutaqa mosojyachiy ari, ñaupajta karqa ajinata.

Jeremías 17:14

Qan jampiway, Señor, jampisqataj kasaj. Qan salvaway, Señor, salvasqataj kasaj. Qanmin, Señor, yupaychanayqa kanki.

Salmos 94:12

Señorníy, kusikuyniyojmin cheqanchasqayki runaqa, pimanchus kamachiyniykita yachachinki chayqa.

Salmos 80:19

Atiyniyoj Señor Diosniyku, imaynachus kasqaykuman kutirichiwayku. Khuyakuyniykiwan qhawamuwayku, salvasqastaj kasqayku.

Salmos 80:7

Tukuy Atiyniyoj Diosníy, munay ari ñaupaj kasqaykuman kutirinaykuta. Allin ñawiwan qhawawayku, salvasqataj kasqayku.

Salmos 32:9

Ama caballo jinaqa, chayri mula jinaqa kaychu, mana entiendey atej. Chaykunataqa sayachina tiyan, frenowan reatawantaj. Mana jina kajtenqa, mana qanman chimpamonqankuchu.

Hebreos 12:5

Qonqapunkichejña Señorpa k'amisqasninmanta, imaynatachus wawasninwan jina qankunawan parlarqa, nispa: Churíy, Señor jasut'isojtin ama qhesachaychu, nitaj uj jinayaychu k'amisojtin.

Filipenses 2:13

Diosqa qosunkichej allin munayta, ruwaytataj sumaj munayninman jina.

San Lucas 1:17

Señorpa ñaupaqempi purenqa, profeta Eliaspa espiritunwan, atiywan ima; tatasta wawasninkuwan allinyachispa, mana kasukojkuna kasukuyta yachanankupaj. Ajinata, runasta allinta wakichenqa Señorta recibinankupaj.

Malaquías 4:6

Paytaj tataspa sonqonta wawasninwan allinyachenqa, wawaspa sonqontapis tatasninkuwan. Mana jinata ruwajtinkoqa, noqa jamusaj, llajtantinta jasut'isaj, tukuyninta t'unaykuspa.

Sofonías 3:2

Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

Oseas 10:11

Efraenqa, imaynatachus uj mansa waka p'uti granota trillaywan gustachikun jina karqa. Noqa churani yugota chay k'acha kunkitanman carrota aysanampaj, Judatajrí aradota aysanqa, Jacobtaj aysanqa rastrillota.

Oseas 4:16

Israelqa mana kasukunchu uj chukara waka jina, ajinatarí Señorqa michinmanchu sumaj qhallaj pastosnimpi corderosninta jina?

Jeremías 31:6

Uj p'unchay jamonqa maypachachus qhawajkunaqa Efraimpa orqosnimpi qhaparenqanku: Jamuychej, rinachej Sión orqoman, Señor Diosninchejman, nispa.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Isaías 53:7

Payqa may jina maqasqa, llakichisqataj karqa, mana simillantapis kicharerqachu. Payqa oveja jina ñak'anaman apasqa karqa; imaynatachus oveja millmanta ch'inllamanta ruthuchikun, ajinata mana siminta kicharerqachu.

Isaías 51:20

Wawasniykeqa yarqhaywan llauch'iyaspa tukuy ñan pataspi wijch'urakorqanku. Tojllapi jap'isqa tarukas jina. Señorpa k'ajaj phiñakuyninwan jasut'isqas, Diosniykej k'amisqanwan ima.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Proverbios 26:3

Caballotaqa reatawan mansoyachina, burrotataj lazowan; ajinallatataj wamputapis wasampi k'aspiwan wajtaspa reparachina.

Proverbios 3:11

Señorpa k'amisusqantaqa amapuni qhesachaychu, wawáy. Ama amichikuychu Pay imatachus nisusqanwanqa,

Salmos 119:75

Noqa yachani, Señor, cheqan justiciata ruwaj kasqaykita. Maychus kajta jasut'iwarqanki.

Salmos 85:4

Salvawajniyku Dios, salvawayku kunampis ari, amañataj noqaykupaj phiñasqa kaychu.

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Números 2:18

Inti yaykuy ladonejpi jarakonqa Efraín ayllumanta kaj soldados wiphalasninkuwan t'aqa t'aqalla. Paykunataqa kamachenqa Amiudpa wawan Elisama.

Salmos 118:18

Señorqa sinch'ita jasut'iwarqa, manataj wañojta saqewarqachu.

Salmos 119:67

Manaraj qanman k'umuykushaspa anchata noqa pantaj kani, kunantaj nisqaykita kasukuni.

Ezequiel 20:43

Chaypitaj yuyarikunkichej tukuy mana allinta purisqaykichejmanta, sajra imasta ruwaspa ch'ichichakusqaykichejmantawan. Qankuna kikiykichejtataj millachikunkichej tukuy juchasniykichejmanta.

Daniel (hebreo) 9:13

Tukuy kay jasut'eqa chayamuwayku, Moisespa leynimpi qelqasqa kasqanman jina. Noqaykurí, mana mask'asorqaykuchu, Señor Diosniyku, manataj sajra kausayniykuta saqerqaykuchu, nillataj cheqa kajtapis qhaterqaykuchu.

Jonás 3:10

Diosqa ajinata ruwasqankuta rikusqa, sajra ruwayninkuta saqespa allin ñanman kutirikusqankuta. Chayrayku Diosqa manaña ruwarqachu imatachus ruwayta munasqantaqa.

Malaquías 3:16

[Chaypacha Diosta honrajkuna parlanakorqanku, chaytataj Señorqa sumajta uyarerqa, imatachus nisqankuta. Señorpa ñaupaqempi uj libro qelqakorqa. Payta honrajkuna, paypa sutinta yuyarikojkunataj chay libroman jina yuyarisqas karqanku.]

Salmos 31:15

Kausayniyta makiykiman churani. Qhatiykachawaj enemigosniymanta libraway.