Jeremías 31:15 - Qheshwa Biblia DC

¹⁵ Señorqa nin: Ramá llajtapi uj qhapariy uyarikun, jatun waqay, jik'uytaj. Raquel wawasninmanta waqashan, manataj sonqochasqa kayta munanchu, imaraykuchus wawasnenqa wañusqasña kanku.

DIOSPA QHELQACHISQAN DEUTEROCANONICAL

¹⁵ Tata Dios nillantaj: Ramá llajtapi qhaparisqanku uyarikun, sonqo nanayta jik'un jik'un waqasqanku uyarikun. Raquel wawankunamanta waqashan, manataj sonqochasqa kayta munanchu, imaraykuchus wawankunaqa wañusqaña kanku, nispa.

DIOSPA QHELQACHISQ

¹⁵ Tata Dios nillantaj: Ramá llajtapi qhaparisqanku uyarikun, sonqo nanayta jik'un jik'un waqasqanku uyarikun. Raquel wawankunamanta waqashan, manataj sonqochasqa kayta munanchu, imaraykuchus wawankunaqa wañusqaña kanku, nispa.

Jeremías 31:15 Referans Kwoze

Jeremías 40:1

Señorqa Jeremiasman parlallarqataj chay soldados ukhumanta kamachej Nabuzaradán, Ramá llajtapi Jeremiasta preso kayninmanta kacharichisqanmanta qhepaman. Nabuzaradanqa cadenawan ch'ipasqata tariparqa Jerusalén llajtapi, jinataj Judapipis pischus Babiloniaman wijch'usqas karqanku chaykuna ukhupi.

Salmos 77:2

Llakikuyniy p'unchaypi Señorta mask'ani, mana sayk'usqataj makisniyta payman oqharini. Sapa ch'isi paymanta mañakuni, mana sonqochakuyta atinichu.

Génesis 35:19

Ajinata Raquelqa wañuporqa. Chaymantataj p'amparqanku Efrata ñampi, mayqenchus Belén kashan.

Jeremías 10:20

Toldosniypis tukuynin llik'irasas kashanku, tukuy watanasnimpis p'itirasqas kashanku. Wawasniypis saqerapuwanku, manaña kankuchu, manaña pipis toldosniyta oqharipuwajqa kanchu, nitaj lonasninta aysaykurejpis kanchu. Profeta kutichin:

Isaías 22:4

Chayrayku nerqani: Jatariychej noqamanta; jik'un jik'unta waqarikusaj. Ama sonqochawaytaqa yuyaychejchu, llajtay tukuchisqa kasqanmanta.

Génesis 42:13

Paykunataj kuticherqanku: Kamachisniykeqa kayku chunka iskayniyoj wauqes, uj tatayojlla, jamushaykutaj Canaanmanta. Sullk'a kaj wauqeyku tataykuwan qhepakun, ujnin kajtaj chinkapun, mana rikhurinchu.

Génesis 37:35

Tukuy qhari wawasnin, warmi wawasnin ima payta sonqochayta munarqanku, paytaj mana imaynapi sonqochakuyta aterqachu; mayta waqaspa nerqa: Noqaqa kay p'achata churakusaj, wañusqaspa chaupimpi wawaywan tinkumunaykama, nispa.

Lamentaciones 5:7

Tatasniykoqa juchallikorqanku, wañurapunkutaj. Chay jasut'iyninkutaj noqaykuman chayamuwayku.

Génesis 42:36

Chaymanta Jacobqa paykunaman nerqa: Qankunaqa saqeshawankichej mana wawasniyojta. Joseqa manaña noqanchejwanchu, Simeompis manallañataj kaypichu. Kunanqa Benjamintañatajchu qhechuwankichej! Kay tukuy ima contraypi!

Ezequiel 2:10

Ñaupaqeypi chay k'uyusqa librota kicharerqa. Chaytaj puraj uyampi qelqasqa karqa: Sonqo nanaywan, qhapariykunawan, ayqoykunawan ima.

Salmos 37:36

Chantá riporqa. Chinkaporqataj. Mask'arqani, manataj tariyta aterqanichu.

Job 7:21

Manachu juchaytaqa pampachapuwayta atinki? Manachu ima sajratachus ruwasqaytaqa pampachayta atinki? Noqaqa ñapis jallp'apiña wijch'ukusaj; tutamanta mask'awanki, noqataj chaypajqa manaña kasajchu.

1 Samuel 7:17

Chaymantaqa Ramá llajtaman kutimpoj, chaypi wasin kasqanrayku, chaymantapachataj israelitasta kamacherqa. Chaypitaj Señorpaj uj altarta sayaricherqa.

Génesis 5:24

Enoc Diospa munayninman jinapuni kausasqanrayku uj p'unchay chinkaporqa, imaraykuchus Dios pusakaporqa.

Jueces 4:5

Deboraqa uj palma sach'a urapi tiyakuyman yachasqa karqa, chay sach'aqa Efraimpa orqosnimpi karqa, Rama llajtaj jinataj Betel llajtaj khuskannimpi jina. Chay sach'atataj Déboraj palma sach'an nej kanku, israelitasqa payman rej kanku paykuna ukhupi phiñanakus kajtin.

Isaías 10:29

Wayq'onta rispa, Gebapi jarakunku; Ramá llajtaqa maytapuni kharkatitin; Saulpa llajtan Gabaapi tiyakojkuna llojsispa ayqenku.