Jeremías 30:15 - Qheshwa Biblia DC

¹⁵ Imaraykutaj nanasqasniykimanta qhaparqachankiri? Nanasqasniykeqa mana jampikuyniyoj, ashkha sajra ruwasqasniykimanta, mana yupay atina juchasniykiraykutaj. Ajinata qanwan ruwani.

DIOSPA QHELQACHISQAN DEUTEROCANONICAL

¹⁵ Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

DIOSPA QHELQACHISQ

¹⁵ Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

Jeremías 30:15 Referans Kwoze

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

Jeremías 30:12

Señor nin: Nanachikusqasniykeqa mana thañiyniyoj, chay onqoyniykipis mana thañiyniyoj.

Miqueas 7:9

Señorpa contrampi juchallikuni, chayrayku phiñakuyninta ñak'arillasaj; chaykamaqa. Pay justiciata ruwawanqa juchayoj kasqaymantaqa. Señor pusawanqa k'anchayman rikuchiwanqataj atipayninta.

Miqueas 1:9

Imaraykuchus Samariaj nanachikusqanqa mana jayk'aj jampinapaj jina: Chaytaj chayarqa Judakama chantá maypichus aylluy tiyakun chay Jerusalén llajtakamataj chayarqa.

Lamentaciones 4:13

Chay jina jasut'eqa karqa profetas juchallikusqankurayku, sacerdotes millay juchasta ruwasqankurayku ima. Paykunaqa chay llajta ukhupi cheqan runaspa yawarninta jich'arqanku.

Lamentaciones 3:39

Runaqa imamantataj kay kausaypi waqanri? Runaqa juchan patapi waqachun.

Lamentaciones 1:5

Enemigosninkoqa kamachejkuna kanku, chay chejnejkunasninkoqa mayta qhapajyanku. Jerusalentaqa Señorpuni chay jinata llakichin, chay chhikata juchallikusqanrayku. Wawasnenqa enemigosninnejta karuman apasqas karqanku.

Jeremías 46:11

Egiptopi kaj runas Galaadman wichariychej jampita mask'aspa. Qhasi manakajllata ashkha jampista ujyanki, manaña qampajqa jampi kanchu.

Jeremías 30:17

Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.

Jeremías 15:18

Imaraykutaj kay nanayniy mana jayk'aj tukukunchuri? Imaraykutaj kay nanasqasniy mana thañinchuri? Tukuy jampispis mana imanajri? Noqaj rijch'ayniymantaqa chay rato uj yaku ch'akirparipoj jinalla kawanki.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Isaías 5:2

Jallp'ata allarqa, rumisnintataj pallarqa, chaymantaj sumajnin kaj uvas k'aspista plantarqa. Chay uvas chajraj chaupimpitaj uj ch'ujllata ruwarqa, chaymantaqa ruwallarqataj uj uvas ch'irwanata. Munasqayqa suyarqa sumajta uvasnin poqonanta, chay tukuywampis k'allku uvasllata poqorqa.

Job 34:29

Sichus Dios samarikun chayqa, pitaj Payta juchachanqari? Sichus uyanta pakaykun chayqa, pitaj Payta qhawarenqari? Payqa tukuy nacionesta qhawamushan, jinallataj sapa uj runaj ruwasqasnintapis.

Job 34:6

Juchayoj kani ninayqa uj llullakuy kanman; kay nanasqasneyqa mana thañinchu, noqataj mana juchachakunichu.

Esdras 9:13

Mana allin imasta ruwasqankurayku, jatun juchankuraykutaj, tukuy kay imas chayamuwarqayku. Chaywampis mana ruwasqaykuman jinachu jasut'iwarqayku, manachayqa kacharisqa kausayta tarerqayku.

Salmos 107:17

Onqosqas llakisqastaj karqanku sajra ruwasqankurayku, juchasninkuraykutaj.

Jeremías 30:16

Jinaqa, tukuy qanta oqoykusojkunaqa oqoykusqasllataj kanqanku. Qanta ch'uskisojkunaqa ch'uskisqasllataj kanqanku. Tukuy enemigosniyki wijch'usqas kanqanku. Qanta suwasojkunapis suwasqasllataj kanqanku.

Isaías 1:6

Chaki puntaykichejmanta, umaykichejkama nanasqa kankichej, llik'isqa, q'oyuyasqa, aycha rikhurishaj ima; ni pi jampichisunkichejchu, nitaj mayt'usunkichejchu, nillataj aceitewan jawiykurisunkichejchu nanasqasniykichejta.

Lamentaciones 2:13

Chaymantaqa pi rikojtataj pusamusqaykiri? Jerusalempa ususin, pimantaj rijch'achisqaykiri? Siompa llimphu ususin, pimantaj rijch'achisqayki qanta sonqochasunaypajri? Qampa llakiyniykeqa mar qocha jina may jatumpuni. Pitaj kunanqa thañichisonqari?

Nahúm 3:19

Mana jampi kanchu chay nanasqasniykipaj. Mana jampikuyniyoj chay onqoyniykeqa! Tukuy uyarejkuna kay llakiypi rikhurisqaykimantaqa kusikuspa makisninkuta t'ajllarakunku. Pitaj chay juchasniykej mana tukukoj ñak'ariyninta mana ñak'arerqachuri?