Jeremías 30:11 - Qheshwa Biblia DC

¹¹ Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

DIOSPA QHELQACHISQAN DEUTEROCANONICAL

¹¹ Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

DIOSPA QHELQACHISQ

¹¹ Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

Jeremías 30:11 Referans Kwoze

Jeremías 10:24

Jasut'iwayku, yachachiwayku, cheqan kasqaykiman jina. Señor, amataj phiñakuywanchu, manachayqa wañuchiwaykumanchari.

Jeremías 1:19

Paykunaqa qanwan maqanakusonqanku, manataj atipasonqankuchu, imaraykuchus qanwan noqa kasaj jark'asunaypaj. Noqa Señor chayta nini.

Jeremías 4:27

Señorqa nin: Tukuy jallp'antin q'arasqa kanqa, chaywampis mana tukuynintapunichu chinkachisaj.

Jeremías 1:8

Ama pitapis manchachikuychu. Noqaqa qanwan kasaj waqaychanasuypaj. Noqa Señor chayta nini.

Isaías 8:10

Sumajtapis yachachinakuychej qhasi manakajpaj kanqa. Imatapis parlasqaykichejqa, manapuni junt'akonqanku, imaraykuchus Diosqa noqaykuwan kashan.

2 Timoteo 4:22

Señortaj qanwan kachun. Jinallataj Diospa khuyakuynimpis qankunawan kachun.

Hechos 18:10

Noqamin qanwan kashani. Manataj pipis imanasonqachu. Kay llajtapeqa ashkhas kanku noqapi creejkuna.

Jeremías 15:20

Noqa kay ayllupaj bronce perqata jina churasqayki. Maqanakusonqanku chaypis, mana atipasonqankuchu, imaraykuchus noqa qanwan salvasunaypaj kashani, kacharichisunaypajtaj. Noqa Señor chayta niyki, noqa kacharichisqayki sajra runaspa atiyninmanta, nispa.

Jeremías 5:18

Señorqa nillantaj: Chaywampis chay p'unchaykunapeqa mana tukuynintachu phirisaj.

Jeremías 5:10

Enemigosninkutaj yaykuchunku, huertasninkutataj q'arachunku. Amapis tukuyninkutachu q'arachunku. Ramasninta k'ajllarachunku, imaraykuchus chay uvas sach'asqa manaña noqajtachu.

Salmos 6:1

Señor, phiñasqa kaspa ama k'amiwaychu, sinch'i phiñasqa kaspa ama jasut'iwaychu.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

Ezequiel 11:13

Señorpa sutimpi paykunaman parlashajtillayraj, Benaiaspa wawan Pelatiasqa wañorqa. Noqataj pampakama k'umuykorqani, jatunmanta qhaparispataj nerqani: Way Señor! Pisi puchoj israelitastapis tukuynintachu wañurachipunki?

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Levítico 26:44

Chay tukuywampis enemigoj llajtampi tiyakushajtiykichejpis, noqaqa mana qhesachasqaykichejchu, mana tukuchisqaykichejchu, nitaj ñaupa tatasniykichejwan tratota ruwasqaytapis p'akisajchu. Noqamin kani qankunaj Señor Diosniykichejqa.

Deuteronomio 4:31

Payqa may khuyakuyniyoj. Manataj qhesachasonqachejchu, nitaj chinkachisonqachejchu, nitaj qonqaponqachu ñaupa tatasniykichejwan juraspa tratota ruwasqanmanta.

Lamentaciones 3:22

Señorpa munakuynenqa mana jayk'ajpis tukukunchu, khuyakuynimpis mana tukuchisqachu.

Ezequiel 6:8

Chaywampis noqa saqesaj qankunamanta wakinkuna ama wañunankuta, astawanqa kausanankuta, waj jallp'asman ch'eqerasqas kasqankupi.

Oseas 11:9

Mana phiñakuyniy k'ajarisqanman jinachu ruwasaj: Mana watejmanta Efrainta t'unasajñachu, imaraykuchus noqa Dios kani, mana runachu, noqamin Santo kani, chaupiykichejpi kashani chay, manataj t'unata ruwajchu jamuykichej.

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.