Jeremías 3:12 - Qheshwa Biblia DC

¹² Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

DIOSPA QHELQACHISQAN DEUTEROCANONICAL

¹² Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

DIOSPA QHELQACHISQ

¹² Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 3:12 Referans Kwoze

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Salmos 86:15

Qanrí, Señor, llamp'u sonqoyoj Dios kanki, pacienciayoj, jatun munakuyniyoj, cheqantaj.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Jeremías 3:18

Maypachachus chay p'unchay chayamojtin, Judá aylluwan tantaykukonqa Israel aylluwan khuska. Kutimonqanku wichaynej jallp'amanta qankunaj ñaupa tatasniykichejman chayaqenkupaj jina qarqani chay jallp'asman.

Jeremías 30:11

Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

Jeremías 23:8

Manachayqa juranqanku: Señorpa kausayninrayku pichus orqhomorqa wichaynej jallp'asmanta, chay tukuynin waj jallp'asmantapis ch'eqerasqas kasharqanku chaymanta, nispa. Kikin jallp'ankupitaj kausanqanku.

Jeremías 4:1

Señorqa nin: Israel, kutimpuyta munanki chayqa, noqaman kutimpunayki tiyan. Chay millay lantisniykimanta t'aqakunki, noqamantataj mana t'aqakunkichu chayqa, chaypacha cheqamanta sutiypi juranayki tiyan, jinallataj justiciapi, cheqan kaypipis. Chaypacha nacionesqa sutiynejta bendicisqas kanqanku, jatunchawanqankutaj.

Jeremías 3:5

Phiñasqallapunichu kanki? Wiñaypajchu phiñakuyniyki qhepakonqa? Kayta nej jinari, atisqaykita sajra kajta ruwaj kanki.

Salmos 145:8

Señorqa llamp'u sonqoyoj, khuyakuyniyojtaj, mana phiñakullanchu, jatun munakuyniyoj,

Salmos 86:5

Qanqa k'acha kanki, perdonankitaj, qanta wajyakojkunapaj jatun munakuyniyoj kanki.

2 Reyes 18:1

Elaj wawan Oseas Israelpi kinsa watataña kamachishajtin, Acazpa wawan Ezequías Judapi kamachiyta qallarin.

2 Reyes 17:23

Señorqa israelitasta ñaupaqenmanta qharqorqa, imaynatachus pay profeta kamachisninnejta nisqanman jina. Israelitastaj presochasqas, Asiriaman apasqastaj karqanku, kunan p'unchaykama.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Jeremías 31:8

Kutichimusqaykichej chay pata jallp'asmanta, tantaykusqaykichejtaj kay pachaj tukuy k'uchusninmantapacha. Paykunawan jamonqanku lerq'os, wist'us, wijsallisqa warmis, nacechikojkuna ima. Manchay ashkhapuni kutimonqanku.

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Jeremías 3:7

Noqa yuyarqani chay tukuy ruwasqasninmanta qhepaman kutirikamunawanta, jinapis manapuni kutirikamuwarqachu. Chay mana kasukoj ñañan Judapis kay tukuyta rikorqa; rikullarqataj imaynatachu chay mana kasukoj Israelta kachapusqayta, chantá paymanta t'aqakusqayta qhenchachakusqanrayku. Jinapis Israelpa ñañan qhencha Judapis mana manchachikorqachu, manachayqa paypis qhencherioman qokapullarqataj.

Jeremías 3:1

Señorqa nin: Sichus uj qhari warminmanta t'aqakun, chay saqerpayasqa warmitaj waj qhariwanñataj tantakun chayqa, ñaupaj kaj qosanwan mana watejmanta kutinakullanqatajchu. Jina kanman chayqa, llajtantinta ch'ichichanman. Chaywampis, qanqa Israel, ashkha munasqasniykiwan qhenchachakorqanki, kunanraj noqaman kutirimuyta munashanki. Noqa Señormin chayta nini.

Isaías 44:22

Noqa juchasniykitaqa uj phuyuta jina chinkarichini, mana kasukusqaykitataj urphuta jina. Noqaman kutirimuy, noqamin qantaqa salvarqayki.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Salmos 103:17

Diosníy, qan yachaq payta kasukojkunapaj, cheqanchaynintaj tukuy runa mitaspaj.

Salmos 103:8

Diantinta simiypi junt'a, jatun kayniykimanta takiykuna.

Salmos 79:5

Señorníy, mayk'ajkamataj phiñasqa kankiri? Phiñakuyniykeqa nina jinallapunichu lauranqa?

2 Crónicas 30:9

Qankuna Señorman kutirikunkichej chayqa, wauqesniykichejta wawasnintinta presosta enemigosniykichejqa jap'ishanku chay paykunamanta khuyakonqanku, kay jallp'ankumantaj kutimponqanku, imaraykuchus Señor Diosniykichejqa, may munakuyniyojmin, khuyakuyniyojtaj. Manataj qankunata qhesachasonqachejchu qankuna payman kutirinkichej chayqa.

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

Génesis 4:7

Sichus allinta ruwawaj chayqa, mana jina uyayojchu kawaj. Qanqa mana allintachu ruwanki, chayrayku juchaqa atipaytaña munashasunki. Manachus jina kawaj chayqa, juchata atipawaj.

Levítico 26:40

Qankunaqa niychejpis juchayoj kasqaykichejta, tatasniykichej juchayoj kasqankutapis, noqata qhesachawasqankuta contrayta juchachakusqankutapis.

Salmos 103:9

Ama qhesachawaychu achachiña kajtiy. Ama saqerpariwaychu manaña kallpayoj kajtiy.

Jeremías 11:6

Chaypacha Señor niwarqa: Judá llajtaspi kay willayta qhaparimuy, jinallataj Jerusalén callespipis. Niy runasman: Uyariychej imaynatachus kay trato ruwasqapi qelqasqa kasqanta, chantá junt'aychejtaj.

Jeremías 12:15

Jinapis, wijch'uytawankamaqa paykunamanta khuyakullasajtaj wasisninkuman kutichimuspa, kikin jallp'ankuman.

Lamentaciones 3:22

Señorpa munakuynenqa mana jayk'ajpis tukukunchu, khuyakuynimpis mana tukuchisqachu.

Ezequiel 11:17

Noqaj sutiypi nillaytaj, kay jinata Señorqa nin: Noqa Señormin chay jallp'asmanta, karu llajtasmanta ima paykunata tantaykamusaj, maykunamanchá ch'eqeracherqani chaykunamanta. Thantaykamuspataj israelitasman jallp'asninkuta kutichipusaj.

2 Crónicas 29:10

Noqaqa niniña Israelpa Señor Diosninwan tratota ruwanayta, jinamanta phiñakuyninta noqanchejmanta t'aqanampaj.

Isaías 31:6

Israelpa wawasnin, Diosman kutiriychej ari, pejpa contrantachus millay imasta ruwarqankichej, chayman.

Jeremías 31:21

Israel, ñanniykita señaleswan sut'inchay; watejmanta tarikapunaykipajtaj allinta qhawarikuy chay purisqayki ñankunasta. Kutimuy, Israel ayllu, kutimpuy llajtasniykiman.

Zacarías 1:4

Ama ñaupa tatasniykichej jinachu ruwaychej. Paykunaman Diospa ñaupa profetasnin parlarqanku noqaj sutiypi: Saqeychej sajra puriyta t'aqakuychejtaj chay millay ruwaykunamanta, noqa Señor kayta niykichej. Paykunataj mana uyariwarqankutaj nitaj nisqayta kasuwarqankuchu.