Jeremías 29:32 - Qheshwa Biblia DC

³² Noqa Señor nini Semaiasta tukuy miraynintawan jap'inayta. Mana kay jallp'api paypa miraynin kanqachu. Mana kusikonqachu aylluyman qosaj chay kusikuywan, imaraykuchus chaykunawan aylluyta noqaj contraypi churakunankuta nerqa. Noqa Señor chayta niykichej.

DIOSPA QHELQACHISQAN DEUTEROCANONICAL

³² Chayrayku noqa Tata Dios nini: Noqa Nejelán llajtayoj Semaiasta, tukuy miraynintawan jasut'isaj. Mana kay pachapi paypa mirayninmanta ni ujpis qhepakonqachu, nitaj kusikonqachu aylluy Israelman allin kawsayta qoshajtiy, imaraykuchus pay ajinata parlaspa, contraypi oqharikunankupaj aylluyta enqhaykorqa. Noqa Tata Diosmin chayta nini.

DIOSPA QHELQACHISQ

³² Chayrayku noqa Tata Dios nini: Noqa Nejelán llajtayoj Semaiasta, tukuy miraynintawan jasut'isaj. Mana kay pachapi paypa mirayninmanta ni ujpis qhepakonqachu, nitaj kusikonqachu aylluy Israelman allin kawsayta qoshajtiy, imaraykuchus pay ajinata parlaspa, contraypi oqharikunankupaj aylluyta enqhaykorqa. Noqa Tata Diosmin chayta nini.

Jeremías 29:32 Referans Kwoze

Jeremías 28:16

Chayrayku Señorqa nin: Kay jallp'amanta chinkachisqayki. Kay watapi qanqa wañunki, imaraykuchus parlasqasniykiwan noqaj contraypi tukuy runasta oqharichinki.

Jeremías 17:6

Chay runaqa uj ch'in pampapi wiñakoj retama jina kanqa: Rumis ukhupi, intej choqasqan jallp'aspi wiñakoj sach'as jina, nitaj pejpa tiyakunan jina kanqa.

Jeremías 22:30

Kay runaj sutinta librosman qelqaykuychej, mana wawasniyoj runata jina, chantá kausaynimpi mana allin kausayniyojlla runata jina. Ni pipis mirayninmanta kajkunaqa, Davidpa tronompeqa tiyakonqachu Judapi watejmanta kamachinampajqa.

2 Reyes 7:2

Reypa yanapajnintaj Diospa runanman nerqa: Sichus Señorqa janaj pacha ventanasta kicharinman chayqa, qampa nisqaykiman jinachu kanman? Paytaj nerqa: Kayqa kunan qan ñawisniykiwan rikunki. Chaywampis chaymantaqa mana qanqa mikhunkichu.

Amós 7:17

Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.

Jeremías 35:19

Noqa Señor Israelpa Tukuy Atiyniyoj Diosnin cheqamanta niykichej: Jonadabpa ayllunmanta kallanqapuni uj runa, ñaupaqeypi kamachisqayta ruwanampaj.

Jeremías 20:6

Qanrí, Pasur, tukuy aylluykiwan khuska Babiloniaman wijch'usqallataj kanki. Chaypi wañumunki, chayllapitaj p'ampasonqanku, qanta, tukuy kausaqesniykitawan, pikunamanchus qan llullakuspa profeta jina sut'incharqanki.

Isaías 14:22

Tukuy Atiyniyoj Señorqa nin: Noqa oqharikusaj paykunaj contrankupi. Noqa Babiloniaj sutinta chinkachisaj, paykunamanta puchojkunata, wawasninkuta, allchhisninkuta ima.

Isaías 14:20

Qantaqa mana chay waj reyesta jinachu p'ampasonqanku; llajtaykita chinkachisqaykirayku, runasniykitapis wañuchisqaykirayku. Sajra runaspa mirayninkoqa mana jayk'ajpis yuyarisqachu kanqa.

2 Reyes 5:27

Chayraykutaj kunanqa Naamampa lepra onqoynin qanman chimpaykusonqa, mirayniykimampis wiñaypaj. Chantataj Eliseoj ñaupaqenmanta llojserqa lepra onqoyniyoj, rit'i jina yurajlla.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Deuteronomio 13:5

Chay sut'inchajqa, chayri mosqoykunamanta willajqa wañuchisqa kanqa, Señor Diosniykichejpa contranta ruwanaykichejta munasqanrayku. Chay Señor Diosniykichejqa Egiptomanta orqhomusorqachej wata runas kashajtiykichej. Chantapis chay runaqa munashan t'aqakunaykichejta, mayqen ñantachus Señor Diosniykichej kamachisorqachej purinaykichejta chaymanta. Chay runata wañuchispaqa qankuna ukhumanta sajrata chinkachinkichej.

1 Reyes 13:18

Machu runa kajqa llullakuspa nerqa: Noqapis qan jina profetallataj kani, nispa, Señorpa uj angelnintaj kamachiwan: Rispa pusamuy qampa wasiykiman t'antata mikhunampaj, yakutapis ujyanampaj.

Jeremías 29:24

Jeremiasman Señorqa kamacherqa, Nehelammanta Semaiasman ninanta: Israelpa Tukuy Atiyniyoj Señor Diosnin nin: Qan sutiykipi uj cartata Jerusalempi kashanku chay tukuy runasman apacherqanki, Maasiaspa wawan sacerdote Sofoniasmampis, tukuy chay puchoj sacerdotesmampis. Chay cartapitaj Sofoniasman nerqanki: Sacerdote Joiadaj cuentanmanta Señorqa qanta churasunki, Diosta yupaychana wasipi kuraj kaj qhawaj kanaykipaj. Pipis rikhurinman uj loco jina, profeta jinataj parlaj churakunaman chayqa, carcelman wisq'aykuspa, cadenaswantaj wataykunaykipaj kanqa.

Jeremías 30:1

Kay jinatamin Señorqa Jeremiasman parlarqa, nerqataj: Israelpa Señor Diosnin nin: Uj libroman qelqay kay tukuy nisqasniyta: Uj p'unchaykuna jamushan, maypachachus Israelmanta, Judamantawan kajkuna kutimponqanku chay. Noqa Señor chayta nini. Noqa kutichimusaj, tatasninkuman qorqani jallp'anku kanampaj chayman.

Jeremías 36:31

Qanta jinataj mirayniykita, kamachisniykitapis juchasninkumanta jasut'isaj. Qankunaj pataykichejman, Jerusalempi tiyakojkunajpaman, Judapi tiyakojkunajpamampis, tukuy laya ñak'ariykunasta apachimusaj, apachimunay karqa chaykunasta, mayqenkunatachus qankunaqa mana kasorqankichejchu.

Ezequiel 20:38

Mana kasukojkunata qankunamanta t'aqasaj, contraypi oqharikorqanku chaykunata. Waj jallp'api kunan kausashanku chaymanta wijch'usaj, manataj Israelpa jallp'anman yaykonqankuchu. Chaypacha qankunaqa noqa Señorta rejsiwankichej.

Amós 9:10

Aylluy ukhupi tukuy juchasapas kajkuna espadawan wañuchisqas kanqanku, nejkunaqa: Mana ima sajrapis qhatiriwasunchu, nitaj taripawasunchu.