Jeremías 29:18 - Qheshwa Biblia DC

¹⁸ Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

DIOSPA QHELQACHISQAN DEUTEROCANONICAL

¹⁸ Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

DIOSPA QHELQACHISQ

¹⁸ Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 29:18 Referans Kwoze

Jeremías 42:18

Tukuy Atiyniyoj Señor Israelpa Diosnin nin: Ajinata imaynatachus phiñakuyniy k'ajarerqa Jerusalempi tiyakojkunaspa contrampi, ajinallatataj qankunaj contraykichejpipis oqharikusaj, sichus qankuna Egiptoman ripunkichej chayqa. Qankunapi tukuypa rikunanta maldicionniy rikuchisqa kanampaj, mayta t'ukunapaj jina kanqa, manataj jayk'aj kay lugarta rikunkichejñachu.

Jeremías 15:4

Kay pachapi tukuy naciones kajkunata mayta mancaharichisaj imastachus paykunata ruwasaj chaywan, Judamanta Ezequiaspa wawan Manasés Jerusalempi imatachus ruwasqanrayku.

2 Crónicas 29:8

Chayrayku Señorqa phiñakorqa, Judapaj Jerusalempajwan, may llakiyta saqerparin, tukuy chayta rikuspa t'ukunankupaj, asipayachikunankupajtaj, imaynatachus kikin ñawisniykichejwan rikushankichej jina.

Jeremías 34:17

Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

Ezequiel 12:15

Jinata waj jallp'asman, waj llajtasmantaj wijch'urajtiy, noqa Señor kasqayta rejsiwanqanku.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Isaías 65:15

Sutisniykichejta ajllasqasniyman saqenkichej chay sutista sajrapaj qhawanankupaj. Señorqa qankunata wañurachisonqachej, kamachisniytataj waj mosoj sutiwan sutichasaj.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

Zacarías 7:14

Chayrayku uj muyoj wayrawan jina tukuyninkuta ch'eqeracherqani mana rejsisqa llajtasman, chay qhepatataj chay llajtaqa ni pejpa tiyanan uj ch'in pampaman tukorqa. Chay jina k'acha llajtata llakiyta ch'inyarparicherqanku.

Amós 9:9

Kamachisajtaj Israelpa ayllunmanta tukuynejman suysusqas kanankuta, trigopis suysunapi suysukun jinata, mana uj trigo granollatapis pampaman urmachispa.

Ezequiel 36:19

Chaynejta paykunataqa waj llajtasman wijch'orqani, waj jallp'aspi ch'eqerasqastaj rikhurerqanku. Millayta kausasqankumanta, sajra ruwasqankumantawan ajinata jasut'erqani.

Ezequiel 22:15

Tukuy nacionesman ch'eqerachisqayki, tukuy jallp'asman wijch'usqayki, tukuynin juchasniykimantataj llimphuchasqayki.

Ezequiel 6:8

Chaywampis noqa saqesaj qankunamanta wakinkuna ama wañunankuta, astawanqa kausanankuta, waj jallp'asman ch'eqerasqas kasqankupi.

Jeremías 29:22

Judamanta wijch'usqas Babiloniapi kashanku chaykunamanta mayqellampis maldiciyta munankuman chayqa nichunku: Imaynatachus Sedequiaswan, jinataj Acabwampis Señor ruwarqa, ajinata qanwampis ruwachun, piskunatachus Babiloniamanta reyqa ninawan kankaykorqa, imaraykuchus Israelpi millay imasta ruwarqankichej: Runa masiykichejpa warmisninwan qhenchachakorqankichej, tukuy llullerastataj sutiypi nerqankichej mana noqaj kamachisqallay. Noqa yachani, rikuykichejtaj. Noqa Señor chayta niykichej.

Jeremías 26:6

Chaypajwanqa noqa ruwasaj kay Diosta yupaychana wasiwan imaynatachus Silopi ruwarqani ajinata. Kay llajtataj tukuypa rikunanta ñak'arichisaj, kay pachamanta tukuy naciones wananankupaj jina.

Jeremías 19:8

Kay llajtata uj ch'inman tukuchisaj, uj imamanta t'ukunapaj jinataj tukuynin phirisqa kasqanmanta.

Salmos 44:11

Qanqa jaywawarqayku, wañuchinapaj ovejaspis kaykuman jina, ch'eqerachiwarqaykutaj Diospi mana creej naciones ukhuman.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Números 5:27

Sichus chay warmi cheqamantapuni qosanta wasancharqa chayqa, chay maldicionta apamoj yakoqa wijsampi millayta jayayanqa. Wijsan punkenqa nitaj wawayojchu kanqa. Jinamanta chay warmeqa tukuy yachanampaj maldicisqa kanqa ayllusnin ukhupi.

Deuteronomio 28:37

Chantaqa maymanchá Señorqa apachisonqachej chay llajtaspi, millaypaj qhawasqas kankichej, imaymanatataj kajta mana kajta parlakusonqachej, asipayasonqachejtaj.

Jeremías 27:8

Nacionesmanta, chayri reykunasmantapis Nabucodonosorpa yugon uraman mana yaykuyta munajtaqa jasut'isaj, yarqhaywan, onqoywantaj, tukuyninku paypa atiyninman yaykunankukama. Noqa Señor chayta nini.

Jeremías 29:17

Tukuy Atiyniyoj Señor nin: Paykunaman apachimusaj maqanakusta, yarqhayta, onqoyta ima. Chay mana mikhunapaj jinachu kashanku chay millay q'etayasqa higosta jina kanaykichejta saqesaj.

Jeremías 32:24

Kunanqa caldeo jallp'a moqosta oqharinkuña llajtaman yaykuykamunankupaj, jinataj maqanakuykunas yarqhay, onqoy ima llajtaykichejta makinkuman urmaykuchenqa. Señor, rikunki chay nisqasniykeqa imaynatachus junt'akushasqanta.

Jeremías 44:12

Judamanta puchojkuna Egiptoman tiyakapoj apurakaporqanku, chaykunataqa tukuyninku wañuchisqas kanankuta nini. Tukuyninku aswan juch'uymanta, aswan jatunkama wañonqanku maqanakupi, chayri yarqhaypi, tukuypa rikunantataj maldicisqas, t'ukunapaj jina may k'umuykachachisqastaj kanqanku.

Jeremías 44:22

Señorqa manapuni rikuyta aterqachu qankunaj chay millay ruwasqasniykichejta, chay ruwasqasniykichejqa payman mana allimpajchu rijch'an. Chayraykumin qankunaj jallp'aykichejqa ch'inyachisqa kashan, mana runayoj; tukuy yachaqakunampaj jina maldicisqa mancharikunapaj jina kashan.

Ezequiel 23:46

Chaymantataj Señorqa kay jinata nin: Noqa chay warmispa contrampi ashkha runasta tantaykamusaj, t'ukushajta saqenankupaj, suwanankupajtaj.

Miqueas 6:16

imaraykuchus qhaterqanki Omri jinataj Acabpa ayllumpa kamachisqasninta chantá ruwasqasninkutapis, imaynatachus paykuna ruwarqanku ajinallataj qampis ruwarqanki. Chayraykumin noqa ruwasaj qanwan, chaypi tiyakojkunasniykiwantaj llakiyta asipayasunankuta, Aylluypa p'enqaynintaj pataykiman urmamonqa.

Jeremías 18:16

Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

Jeremías 24:10

Paykunaman maqanakuta, yarqhayta, onqoytapis apachimusaj, mana ujniyoj kay jallp'api tukukunankukama, may jallp'atachus paykunaman, chantá ñaupa tatasninkumampis qorqani chaypi.

Ezequiel 5:15

Maypachachus noqa qanta jasut'isqayki, k'ajaj phiñakuyniywan sinch'ita ñak'arichisqayki chaypacha, tukuy runakuna alqochakusonqanku, mana allimpajtaj qhawasonqanku. Muyuyniykipi kaj naciones millachikusonqanku, jatun manchachikuyninkupajtaj kanki. Noqa Señormin kaytaqa nini.

Zacarías 8:13

Imaynatachus qankuna Judamanta, jinataj Israelmanta kajkunapis, waj llajtakunapaj uj maldición karqankichej, kunantaj salvasqaykichej, jinamanta uj bendicionñataj kanaykichejpaj. Chayrayku, amapuni mancharikuychejchu, kallpachakuychej, nispa.