Jeremías 25:31 - Qheshwa Biblia DC

³¹ Chay ch'ajwayqa kay pachaj cantosninman chayanqa, imaraykuchus Señorqa uj naciompa contrampi juiciota oqharenqa. Pay tukuy runasta cheqanchanampaj wajyanqa, chay juchayojkunatarí wañuyman wijch'uykunampaj. Señormin chaytaqa nin.

DIOSPA QHELQACHISQAN DEUTEROCANONICAL

³¹ Tata Diospa qhaparisqanqa tukuy kay pachaj k'uchunkama chayanqa, imaraykuchus Tata Diosqa suyukunaj contrankupi juiciota oqharenqa. Payqa tukuy runata juzgananpaj wajyanqa, millayta ruwajkunatataj wañuchisqa kanankupaj juchachanqa. Tata Diosmin chaytaqa nin.

DIOSPA QHELQACHISQ

³¹ Tata Diospa qhaparisqanqa tukuy kay pachaj k'uchunkama chayanqa, imaraykuchus Tata Diosqa suyukunaj contrankupi juiciota oqharenqa. Payqa tukuy runata juzgananpaj wajyanqa, millayta ruwajkunatataj wañuchisqa kanankupaj juchachanqa. Tata Diosmin chaytaqa nin.

Jeremías 25:31 Referans Kwoze

Oseas 4:1

Israelitas, uyariychej Señorpa nisqanta. Pay yaykunña phiñanakuyman kay llajtapi tukuy tiyakojkunawan, imaraykuchus manaña paykuna ukhupi kanchu cheqamanta munakuy, manachayqa ch'aukeyanakuylla, nitaj Diostapis rejsinkuchu.

Joel 3:2

Tukuy nacionesmanta runasta tantaykusaj, chanta Josafat Valleman paykunata apasaj. Chaypitaj noqa paykunamanta cuentata mañasaj, imatachus Israel aylluywan ruwasqankumanta. Paykunaqa israelitasta mundontinman ch'eqeracherqanku, chanta jallp'ayta partinakorqanku.

Miqueas 6:2

Uyariychej qankuna, orqos, jinataj jallp'aj sinch'i rumisnimpis: Señor renqa llajtampa contrampi cuentata mañaj; uj phiñanakuymantaj yaykonqa Israel ayllumpa contrampi.

Isaías 66:16

Señorqa ninawan espadawantaj tukuyta cheqanchanqa, jinamanta Señorpa wañurachisqasnenqa ashkha kanqa.

Oseas 12:2

Señor pleitota oqharin Israelwan. Jacobpa ayllunta jasut'enqa chay jinata ruwasqanmanta, chantá pagaponqa chay ruwasqanman jina.

Isaías 34:8

Chay p'unchaypi Señorqa Sionta ñak'arichisqankumanta pagachikonqa.

Ezequiel 38:22

Paykunata onqoywan jasut'isaj, yawar apaywantaj. Paypa patanman, soldadosniypa patanmantaj paywan kaj ashkha llajtasmanta kaj runasnimpa patanman ima manchay sinch'i parata urmachimusaj. Rumista, chejchi parata, ninawan azufrewan parata parachimusaj. Noqa Señormin kaytaqa nini.

Jeremías 45:5

Qampajqa may jatun k'acha imastachu mañakunki? Ama mañaychu. Noqa tukuy runaspa patanman ñak'ariykunasta apachimusaj, kausayniyoj qhepakunaykita saqesqayki maymampis risqaykipi. Noqa Señor chayta nini.

Isaías 33:3

Manchay palabraykita uyariytawan runasqa ayqenku; qan sayarimojtiykikama nacionespis ch'eqeranku.

Jeremías 2:35

Chaywampis, qan ninki: Noqaqa mana juchayojchu kani. Chayrayku Diosqa manaña phiñasqachu noqawan kashan, nispa. Qan ninki mana juchayoj kasqaykita, chayrayku qanwan demandata oqharisaj.

Isaías 34:2

Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.

Jeremías 23:19

Señorpa k'ajaj phiñakuynenqa uj llojlla para jina, uj muyoj wayra jinataj juchasapaspa patanman choqakushan.

Ezequiel 30:3

Chay p'unchayqa qayllamushanña. Qayllapiñapuni Señorpa p'unchaynenqa kashan! Phuyusniyoj p'unchay kanqa. Llajtakunapaj chay p'unchayqa uj jasut'i jina kanqa!