Jeremías 24:7 - Qheshwa Biblia DC

⁷ Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

DIOSPA QHELQACHISQAN DEUTEROCANONICAL

⁷ Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

DIOSPA QHELQACHISQ

⁷ Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 24:7 Referans Kwoze

Hebreos 8:10

Ajinamanta, kay tratota Israel aylluwan ruwasaj, jaqay p'unchaykunaj qhepanta, Señor nin: Yuyayninkuman kamachisqasniyta churasaj, sonqosninkupitaj escribisaj. Paykunaj Diosninku kasaj, paykunataj noqaj aylluy kanqanku.

Jeremías 30:22

Paykuna aylluy kanqanku, noqataj Diosninku kasaj. Noqa Señor chayta nini.

Ezequiel 37:23

Manañataj qhasi mana kaj dioskunapi ch'ichichakonqankuchu, ni millay puriyninkupi, nitaj sajra ruwayninkupipis, chaykunanejta juchallikorqanku. Noqa paykunata llimphuchasaj. Ajinamanta aylluy kanqanku, noqataj paykunaj Diosninku kasaj.

Zacarías 8:8

Apamusajtaj paykunata Jerusalenman chaypi tiyakunankupaj. Chaypacha paykuna aylluy kanqanku, noqataj Diosninku kasaj, cheqa kaypi llimphu kaypitaj.

Romanos 6:17

Ñaupajta juchaj kamachisnin karqankichej. Kunantajrí Diospa khuyakuyninrayku tukuy sonqowan kasunkichejña, chay yachachiy qosqaman jina, mayqempichus yachachisqas karqankichej.

1 Samuel 7:3

Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.

Ezequiel 37:27

Paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Jeremías 3:10

Chay tukuyta ruwaspañapis chay t'aqakuwaj Judaqa nillataj tukuy sonqowanchu noqaman kutirimuwarqa, manachayqa ch'aukiyawarqa. Noqa Señormin chayta nini.

Isaías 51:16

Palabrasniyta simiykiman churarqani. Makiypa llanthumpi pakarqayki, janaj pachata aysatataspa, kay jallp'atapis sumajta sayachispa, Sionman nerqani: Qanqa noqaj aylluy kanki, nispa.

2 Crónicas 6:38

Tukuy sonqoykuwan, tukuy almaykuwantaj qanman kutirikamusunkuman may jallp'amanchus apasqa karqanku chaypi, qanmantataj mañakamusunkuman kay ñaupa tatasninkuman qorqanki chaynej jallp'aman kutirisqa, ajllarqanki chay llajtankuman, kay yupaychana wasitataj jatarichipuyki chaynejman kutirisqastaj.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Salmos 119:2

Kusisqas kanku paypa kamachisqasninta uyarejkuna, tukuy sonqowantaj payta mask'ajkuna.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

Jeremías 11:4

kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

Jeremías 29:10

Noqa Señor nini: Qanchis chunka watas Babiloniapi junt'akojtinkama, qankunaman kutisqatañataj ruwasaj. Qankunata kay cheqaman kutichimunay karqa chayta junt'asaj.

Ezequiel 14:11

Ajinamanta Israel aylloqa ama jayk'ajpis noqamanta t'aqakunampaj, amataj runata wañurachispa ch'ichichanankupaj. Paykuna aylluy kanqanku, noqataj paykunaj Diosninku kasaj. Noqa Señormin kaytaqa nini.

Ezequiel 16:62

Noqa qanwan tratoyta mosojyachisaj. Chantá yachanki noqa Señor kasqayta.

Ezequiel 39:22

Chay p'unchaymantapacha ñaupajman Israel aylloqa noqa Señor Diosnin kasqayta yachanqa.

Ezequiel 11:17

Noqaj sutiypi nillaytaj, kay jinata Señorqa nin: Noqa Señormin chay jallp'asmanta, karu llajtasmanta ima paykunata tantaykamusaj, maykunamanchá ch'eqeracherqani chaykunamanta. Thantaykamuspataj israelitasman jallp'asninkuta kutichipusaj.

Oseas 2:22

jallp'ataj kutichenqa trigoman, vinoman, aceiteman ima, chaykunataj kutichenqanku Jezreelman.