Jeremías 23:5 - Qheshwa Biblia DC

⁵ Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

DIOSPA QHELQACHISQAN DEUTEROCANONICAL

⁵ Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

DIOSPA QHELQACHISQ

⁵ Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 23:5 Referans Kwoze

Isaías 4:2

Chaypacha, Señorpa sach'an ch'illchin kanqa may sumaj, k'achataj salvakoj israelitaspaj, jallp'aj poqoyninmantataj mayta kusikonqanku, jatunchakonqankutaj.

Isaías 52:13

Qhawariy, kamachiytaqa tukuy imapi allin renqa. Payqa may jina jatunchasqa, may jina pataman oqharisqataj kanqa.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Zacarías 3:8

Allinta uyariy jatun sacerdote Josué, qanwan kajkuna chay sacerdotespis uyarillachunkutaj. Qankuna churasqas jina kankichej chayta qhepaman yachanankupaj,. Noqataj apamusaj kamachiyta Wiñashan nisqata.

Isaías 53:2

Chay runaqa Señorpa ñaupaqempi uj ch'illchisqa sach'a jina wiñarqa, uj ch'aki jallp'api saphi jina. Mana k'achituchu karqa payta qhawananchejpajqa, nitaj k'acha uyayojchu karqa payta munakunanchejpajqa.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Apocalipsis 19:11

Chaypacha, janaj pacha kicharisqata rikorqani. Uj runa yuraj caballopi tiyasqa kasharqa, paytaj junt'aj, cheqa sutichasqataj karqa. Payqa cheqanta juzgan, maqanakuntaj.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Jeremías 30:9

Paykuna noqa Señor Diosninkuta kasuwanqanku, rey kanampaj churasaj chay Davidtapis kasonqanku.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Hebreos 8:8

Chayrayku paykunata k'amispa nin: Qhawaychej, p'unchaykuna jamushanku, Señor nin: Maypachachus Israel aylluwan, Judá aylluwan ima uj mosoj tratota ruwasaj; mana tatasninkuwan ruwarqani jinatachu, maypachachus jaqay p'unchaypi Egipto jallp'amanta orqhomorqani makinkumanta aysaspa. Paykunataj mana tratoypi sayarqankuchu. Chayrayku noqapis paykunata qhesacharqani, nin Señorqa.

San Juan 1:45

Felipetaj, Natanaelta taripaspa nerqa: Josejpa churin Jesús nazarenota tariyku. Paymantaqa, Moisés escriberqa leypi, ajinallatataj profetaspis.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Jeremías 31:27

Señorqa nin: Qhepa p'unchaykunapi Israelpi, Judapipis runas mayta miranqanku, jinallataj uywaspis.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Isaías 53:10

Chay tukuywampis, Señorqa ñak'arichiyta munarqa. Pay kikin kausayninta jucharayku rikuchikuta jina jaywaykukorqa. Chayrayku payqa mirayninta rikonqa, unaytataj kausanqa, paynejtataj Señorpa munaynenqa junt'akonqapuni.

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

San Mateo 2:2

Taporqankutaj: Maypitaj kashan judiospa reynin nacikojri? Kayta niyku, imaraykuchus ch'askanta rikuyku inti llojsimuynejpi. Chayrayku kayman jamuyku payta yupaychaj.

Ezequiel 34:29

Tukuymanta aswan sumajta poqoj chajrasta churapusaj, manataj ujtawan yarqhaywan chay jallp'apeqa tukukonqankuchu, nitaj waj llajtayojkunapis paykunataqa astawan asipayanqankuchu.

Salmos 80:15

Qan kikiyki plantasqaykita, q'erqemojkunata sumajta wiñachisqaykita.

Salmos 45:4

Wapu kayniykiwan ñaupajman riy, cheqa kayrayku maqanakuspa, llamp'u sonqo kajman cheqan kajta ruwaspa. Paña makiykitaj jatuchaj imasta ruwanqa.

Jeremías 22:30

Kay runaj sutinta librosman qelqaykuychej, mana wawasniyoj runata jina, chantá kausaynimpi mana allin kausayniyojlla runata jina. Ni pipis mirayninmanta kajkunaqa, Davidpa tronompeqa tiyakonqachu Judapi watejmanta kamachinampajqa.

Jeremías 22:15

Cedros chaupillapi tiyakusqaykipichu sumaj rey kasqaykeqa yachakun? Tataykeqa kausaynimpi kusikorqa, chaywampis payqa cheqanta ruwaj, chayrayku paytaqa tukuy imapi allillan rerqa.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

Jeremías 29:11

Noqa yachani imastachus qankunapaj wakichishasqayta, chaykunaqa qankuna allinta kausakunaykichejpaj, manataj ima sajrapis qankunaman jamunampaj, jinamanta jamojpi allin kajta suyasqaykichejman jina jap'inaykichejpaj. Noqa Señor chayta nini.

Ezequiel 21:27

Tukuyta thuñisaj, thuñisqamantapis llimphu thuñisqatapuni saqesaj. Kaytaj ruwakonqa, justiciata ruwanampaj churaniña chay jamojtinraj.

Ezequiel 45:8

Kay jallp'aqa Israelpi kamachejpaj kanqa, ajinamanta aylluytaqa mana ujtawan kamachejkunaqa ñak'arichenqankuchu, astawampis israelita runasman ayllusninman jina jallp'ata qonqanku.

Oseas 1:11

Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

Salmos 99:4

Qan atiyniyoj rey kanki, cheqan kaj ruwayta munanki, qan kikiyki cheqan kajta sayacherqanki. Cheqa kajta, cheqan kajtataj, Jacobpa miraynimpi ruwarqanki.

Isaías 9:5

Soldadospa sonachinanku zapatos, yawar rara p'achasninku ima, ruphachisqas, q'olachisqastaj kanqanku.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Isaías 33:5

Señorqa jatunchasqa kanqa, imaraykuchus payqa patapi tiyakun, paylla allin kajwan, cheqan kajwantaj Sionman junt'achenqa.

Isaías 45:24

Cheqamanta Señorllapi kashan cheqanchayqa, kallpapis. Payllaman tukuypis jamonqanku, pikunachus contranta ruwarqanku chaykunapis may p'enqaypi rikhurenqanku.

Ezequiel 34:16

Chinkasqasta noqa mask'amusaj. Ch'eqerasqasta tropanman kutirichimusaj. Chakin p'akisqata trapowan mayt'uykusaj. Tulluyajkunata kallpacharisaj. Kallpayojkunata, wira kajkunatataj allinnimpaj qhawasaj. Maychus kajta noqa qhawasaj.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.