Jeremías 23:24 - Qheshwa Biblia DC

²⁴ Pitaj ñawisniymanta pakakuyta atinmanri? Cielo chantá jallp'apis noqaj kayniywan junt'a kashan. Noqa Señor chayta nini.

DIOSPA QHELQACHISQAN DEUTEROCANONICAL

²⁴ Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

DIOSPA QHELQACHISQ

²⁴ Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Jeremías 23:24 Referans Kwoze

Proverbios 15:3

Señorqa tukuynejpi kashan, allin runasta mana allin runastapis qhawaspa.

Salmos 139:7

Qanmanta maymantaj ayqekuyman, ñaupaqeykimanta maymantaj ayqekuyta atiyman?

Salmos 90:8

Sajra kayniykoqa qampa ñaupaqeykipi kashan. Pakaypi juchallisqaykupis ñawisniykipi kashan.

Isaías 29:15

Ay, Señormanta pakakojkunamanta, imatachus yuyasqasninkuta pakajkunamanta, imatachus ruwasqasninkupis laqhayaypi kashan! Chanta ninkutaj: Mana pipis rikuwanchejchu, manataj reparawanchejchu!

1 Reyes 8:27

Kunanqa, cheqamantachu Diosqa jallp'a patapi tiyakunman? Janaj pachakuna aswan patapi janaj pachakunapis mana atisunkuchu jap'isuyta. Imaynatataj kay wasita ruwapususqaypi tiyakuyta atiwajri?

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 66:1

Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

Salmos 10:11

Sajra runaqa yuyan Dios qonqapusqanta, uyanta pakaykukusqanta, ni jayk'aj imatapis rikusqanta.

2 Crónicas 6:18

Jinapis, cheqapunichu kanman, Diosqa kay pacha runaswan tiyakunanqa? Janaj pachaqa, janaj pachamanta janaj pachapis mana wakiyta atisunkichu. Astawanraj ari kay yupaychana wasita qampaj ruwapususqayqa.

Efesios 1:23

Iglesiaqa Cristoj cuerpon, paypa junt'a kaynintaj, tukuy imapi junt'ashan.

2 Crónicas 2:6

Chaywampis, pitaj atinman Diospaj uj yupaychana wasita jatarichiyta, janaj pachapis may jatun kayninwan manaraj wakiyta atejtinri? Pitaj noqa kasqani yupaychana wasinta jatarichipunaypaj, sutimpi inciensota q'osñichinallaypajpisri?

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Ezequiel 8:12

Niwarqataj: Runa, rikunkichu israelitaspa kurajkunasnin imastachus ruwashanku chayta, sapa ujninku kashanku pintasqa lantinkoj ch'ujllampi chayta? Paykuna yuyanku paykunata noqa mana rikushasqayta, kay naciontataj saqeshasqayta.

Jeremías 49:10

Jinapis noqa Esaój aylluntaqa mana imayojta saqeni, chay pakakunasninta tariykuni, manañataj pakakuyta atinchu. Wawasnin, ayllusnin, vecinosnimpis tukuyninku phirisqas karqanku; manaña pipis kayta nejqa karqachu.

Salmos 148:13

Tukuy Señorpa sutinta yupaychachunku, paypa sutillan jatun kasqanrayku. Paypa jatun kaynenqa, jallp'a patapi, cielopipis kashan.

Génesis 16:13

Chaymanta Agarqa kuticherqa payman parlaj chay Señorta kay sutiwan: Qan kanki rikoj Dios, imaraykuchus Señorqa paywan parlarqa, nispa. Chaymanta pay nerqa: Noqaqa rikuwaj Diosta rikuni.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

Job 34:21

Diosqa sumajta qhawan imaynatachus runa purisqanta, rejsintaj ima rijch'ajtachus purisqankuta.

Job 34:22

Mana kanchu laqha, nitaj wañuy laqhapis, chaypi millayta ruwaj sajra runa pakakunampajqa.

Jeremías 16:17

Tukuy ruwasqasniykichejta rikuni. Chay juchasta ruwasqasniykichejpis rikuyniymantaqa mana pakasqachu karqa.

Jeremías 32:19

Qan may jatun kanki ruwasqasniykipi. Qan rikunki runaspa tukuy ruwasqasninkuta, chay ruwasqasninkuman jinataj qan qopunki.

Daniel (hebreo) 2:22

Dios sut'ita rikuchin pakaypi kaj imasta, mana yachay atina imastapis. Laqhapi kaj imastapis pay rikun. K'anchayqa paypimin kashan.

Salmos 139:8

Janaj pachaman wichariyman chayqa, chaypi qan kanki. Jallp'a ukhuman yaykuyman chaypis, chaypipis qan kashallankitaj.