Jeremías 22:6 - Qheshwa Biblia DC

⁶ Noqa Señor chayta nini, Judamanta reypa palacionqa kay jina kananta: Qan noqapajqa Galaad orqo jina kanki, Líbanoj orqo puntan jinataj. Kunantaj jurani uj ch'in pampaman tukuchinasuyta, mana pejpa tiyakuynin cheqaman.

DIOSPA QHELQACHISQAN DEUTEROCANONICAL

⁶ Tata Dios Judata kuraj kamachejpa ayllunmanta nillantaj: Galaad orqo jina qan noqapaj kanki, Líbanoj orqo puntan jinataj. Kunantajrí tiluspa kayta nini: Ch'inman, mana runayoj llajtaman tukuchisqayki.

DIOSPA QHELQACHISQ

⁶ Tata Dios Judata kuraj kamachejpa ayllunmanta nillantaj: Galaad orqo jina qan noqapaj kanki, Líbanoj orqo puntan jinataj. Kunantajrí tiluspa kayta nini: Ch'inman, mana runayoj llajtaman tukuchisqayki.

Jeremías 22:6 Referans Kwoze

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

Isaías 27:10

Chay sumaj jark'achisqa llajtaqa ch'impacha kanqa, ch'usajpachataj mana imayoj, nitaj runayoj. Chayqa kanqa wakasta michinallapajña. Chay uywas chaypi sach'a ramasta mikhonqanku, samarikonqankutaj.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Génesis 37:25

Chaymantataj mikhoj tiyaykorqanku. Mikhushaspataj ujllata qhawarispa rikorqanku ismaelitas sinrulla Galaadmanta jamushajta. Chay runasqa camellospi apasharqanku perfumeta, balsamota, mirrata ima Egiptoman.

Jeremías 22:24

Joacimpa wawan rey Judamanta Jeconiasman Señorqa nin: Kausayniyrayku jurayki: Paña makiypi uj sellana sorteja kawaj chaypis wijch'uykimanraj.

Jeremías 21:14

Noqa jasut'isqaykichej ruwasqasniykichejman jina, ninatataj jap'iykuchisaj sach'asniykichejman. Chay ninataj tukuy muyuynimpi kajkunata ruphaykonqa. Noqa Señormin chayta nini.

Jeremías 21:11

Judá reypa ayllunman, rey Davidpa mirayninman, kay noqaj nisqayta nimuy:

Jeremías 4:20

Sapa kuti llakiykunasmanta willaykunas chayamun. Tukuy jallp'antin phirisqa kashan. Uj ratollapi toldosniy phirisqas rikhurerqanku, maqanakuna toldosnimpis phaskasqas karqanku.

TAKIYKUNA 5:15

Chakisnenqa mármol nisqa rumi jina, sayantaspis sumaj qori chukus patapi sayashanman jina. Qhawaykachaynenqa Líbano jina, sumaj ajllasqataj cedro sach'a jina.

Deuteronomio 3:25

Mañakuyki ari: Jordán mayuta chimpachillaway ari, Señor. Noqaqa chay chhika k'acha jallp'ata, k'acha orqosta, Libanotawan rikumuytapuni munani, nispa.

Números 32:1

Rubén ayllojta, Gad ayllojtawan ashkha uywasninku karqa. Chayrayku Jazer jallp'aswan, Galaad jallp'aswan uywasta mirachinapaj sumaj kasqanta reparaspa, Gadpa mirayninwan, Rubempa mirayninwan ima Moisesman, sacerdote Eleazarman, israelitaspa kurajkunasninkumanwan qayllaykorqanku, nerqankutaj:

TAKIYKUNA 4:1

Qanqa k'achita kanki munasqetáy, k'achitapuni kanki. Ñawisitusniykeqa paloma ñawisitus jina rikukun suk'umpayki urapi. Chujchasniykeqa, Galaad kinraykunapi ashkha cabras mast'alla puñurashajkuna jina.

Jeremías 50:12

Nacekusqaykichej llajtaqa p'enqaypi p'enqachisqa rikhurenqa. Tukuy nacionesmanta aswan kulli kaj kanqa, uj ch'aki ch'in pampa tukuy imasnin tukusqa.

Zacarías 11:1

Líbano, kichariy punkusniykita, cedrosniykitataj nina ruphaykuchun!

Isaías 37:24

Qanqa kamachisniykita kachamunki kaypi Señorpa contranta qhaparinankupaj, nichimunkitaj: Ashkha carrosniywan orqo puntasman wicharini, Líbano kinraykunaman. Jatuchaj kaj cedros sach'asta k'utuni, sumachaj kaj pinostawan, aswan jatuchaj kaj orqo puntasniykiman wicharini, aswan ch'ipasqa kaj montesniykiman ima.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 8:22

Manachu ima jampipis Galaad llajtapi kanman? Manachu jaqaypi pipis jampiykurejqa kanman? Imaraykutaj kay aylloyqa mana walejyakuyta atinchuri?