Jeremías 21:10 - Qheshwa Biblia DC

¹⁰ Noqa kay llajtaman apachimunayta niniña sajra kajkunata, manataj allin kajkunatachu. Babiloniamanta reyman llajtata jaywasaj, paytaj ninata jap'iykuchenqa. Noqa Señor chayta kamachini.

DIOSPA QHELQACHISQAN DEUTEROCANONICAL

¹⁰ Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

DIOSPA QHELQACHISQ

¹⁰ Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 21:10 Referans Kwoze

Jeremías 44:11

Chayrayku noqa Israelpa Tukuy Atiyniyoj Señor Diosnin niykichej: Qankunaj pataykichejman sajra kajkunata apachimusaj, jinallataj tukuy Judata chinkachinayta nini.

Amós 9:4

Waj llajtasmanchus enemigosninkunejta apachisqas kanqanku chayqa, chayman espadayta kachasaj wañurachimunampaj. Ñawisniywantaj paykunata qhawasaj mana chinkachispa sajrapaj, manataj allin rinampajchu.

Jeremías 44:27

Noqa qhawashani ñak'ariykunasta apachimunaypaj, mana allin kajkunatachu. Judamanta tukuy Egiptopi tiyakushajkuna, cheqamanta tukuyninku maqanakupi, yarqhaywantaj wañuchisqas kanqanku.

Ezequiel 15:7

Noqa paykunaj contrampi sayarisaj. Ninamanta ayqenqanku, waj ninañataj paykunata q'olaykonqa. Noqa paykunaj contrankupi sayarejtiy, qankunaqa, noqa Señor kasqayta rejsiwankichej.

Jeremías 52:13

Paytaj Diosta yupaychana wasita ruphaykucherqa reypa palacionta, chantá llajtapi tukuynin wasistapis, astawanqa allin rejsisqa runaspa wasisninkuta.

Jeremías 39:8

Caldeosqa reypa palacionman ninata jap'iykucherqanku, jinallataj llajtapi wasismampis, Jerusalempa perqasnintapis thuñirarqanku.

Jeremías 38:18

Manatajchus paykunaman chimpaykuwaj chayqa, caldeos jamuspa kay llajtata jap'ikaponqanku, ruphaykuchenqankutaj, qantaj makinkumanta mana ayqekuyta atinkichu, nispa.

Jeremías 38:3

Señorqa nin: Kay llajtaqa Babiloniamanta reypa soldadosnimpa makinman urmanqa. Pay jap'ikaponqa, manataj pipis jark'ayta atenqachu.

2 Crónicas 36:19

Chay jawaqa Diosta yupaychana wasitapis ruphaykucherqanku, Jerusalén llajtaj perqasnintataj thuñirarqanku. Tukuy palaciosninmampis ninata jap'iykucherqanku. Chay valorniyoj kaj imastapis tukuyninta t'unaykorqanku.

Jeremías 38:23

Jeremiasqa reyman nillarqapuni: Tukuynin warmis, wawaspis caldeosman jaywaykusqas kanqanku, reyníy. Qampis rey kasqaykirayku mana paykunamanta llusp'iyta atinkichu, manachayqa Babiloniamanta reyman jaywaykusqa kanki, kay llajtataj ninawan kanaykonqanku.

Salmos 34:16

Señorqa sajra ruwajkunaj contrampi urmachin, kay jallp'amanta sutinkuta chinkachinampaj.

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Levítico 17:10

Noqaqa pichus yawarta mikhojpa contrampi kasaj. Ni pi israelitas, nitaj karu llajtayojkuna qankunawan tiyakojkunapis yawarta mikhuyta atinkuchu ni imaynamanta. Chay mikhoj runaqa, ayllun ukhumanta chinkachisqa kanqa.

Zacarías 1:6

Chaywampis, tukuy parlasqasniy, kamachisqasniypis ñaupa tatasniykichejkama chayarqanku profetasniynejta. Chayrayku, paykuna kutirikamuwarqanku yachasqankurayku noqa Tukuy Atiyniyoj Señor paykunawan ruwasqayta chay purisqankuman jina, chay ruwasqankuman jinataj.

Jeremías 34:22

Kunan noqa kutirimunankuta kamachisaj, kay llajtaj contrampi jamunankuta, yaykuykamunankutataj, jap'ikapunankuta, ninatataj jap'iykuchinankuta. Judamanta chay puchoj llajtaspis ch'inyachisqas qhepakonqanku mana uj runayoj. Noqa Señor chayta nini.

Jeremías 26:6

Chaypajwanqa noqa ruwasaj kay Diosta yupaychana wasiwan imaynatachus Silopi ruwarqani ajinata. Kay llajtataj tukuypa rikunanta ñak'arichisaj, kay pachamanta tukuy naciones wananankupaj jina.

Jeremías 17:27

Sichus qankuna kay kamachisniyta mana kasukunkichejchu, chay samakuna p'unchaypi yupaychanawaykichejta, jinataj cargasta Jerusalenman samakuna p'unchaypi mana apaykunatawan mana junt'awankichejchu chayqa, llajtaj punkusninman ninata churasaj, chay ninataj Jerusalempa palaciosninta ruphaykonqa tukuchinankama, manataj pipis thasnuyta atenqachu.

Jeremías 33:5

Chay caldeoswan maqanakunankupaj jallp'asta jusk'usqasninkoqa llajtaman yaykunankupaj chaykunaqa ayaswan junt'aykuchinallankupaj kanqa. Noqa chay sinch'i phiñakuyniypi wañurachisaj imaraykuchus uyayta t'aqani, paykunamanta pakakunitaj, chay may chhika sajrasta ruwasqasninkurayku.

Ezequiel 24:11

Chaymanta ch'usaj mankataqa nina brasa patapi churaykuy, chaypi cobreqa pukayanankama ruphanampaj, ch'ichi kajtenqa llimphuchakunankama, ajinapi ch'ichin chinkarinankama.

Amós 2:5

Chayrayku Judaman ninata jap'iykuchisaj, chay nina Jerusalempa palaciosninta q'olaykonqa.

Jeremías 38:17

Chanta Jeremiasqa Sedequiasman nerqa: Israelpa Tukuy Atiyniyoj Señor Diosnin nin: Sichus Babiloniamanta reypa kurajkunasninman chimpaykuwaj chayqa, qan jinataj aylluykiwan salvakunki, manataj kay llajtapis ruphachisqachu kanqa.