Jeremías 20:12 - Qheshwa Biblia DC

¹² Tukuy Atiyniyoj Señor, qanlla cheqan ñawiwan qhawawanki, qanmin rikunki runaj tukuy sonqonta, noqamampis rikuchiway imaynatachus chay runasta jasut'isqaykita; chayrayku makillaykiman kausayniyta churani.

DIOSPA QHELQACHISQAN DEUTEROCANONICAL

¹² Tukuy Atiyniyoj Tata Dios, Qanmin cheqan runaj sonqonta qhawanki. Qanmin runaj sonqonta, yuyayninta ima watunki. Noqamanpis imaynatachus paykunata jasut'ispa pagachikusqaykita rikuchiway, imaraykuchus qanllaman llakiyniyta willakuni waqaychasqa kanaypaj.

DIOSPA QHELQACHISQ

¹² Tukuy Atiyniyoj Tata Dios, Qanmin cheqan runaj sonqonta qhawanki. Qanmin runaj sonqonta, yuyayninta ima watunki. Noqamanpis imaynatachus paykunata jasut'ispa pagachikusqaykita rikuchiway, imaraykuchus qanllaman llakiyniyta willakuni waqaychasqa kanaypaj.

Jeremías 20:12 Referans Kwoze

Jeremías 11:20

Qanrí Tukuy Atiyniyoj Señor, uj cheqan juez kanki; qan rejsinki tukuy runaj sonqonta imaynachus kasqanta. Rikuchiway imaynatachus chay runasta jasut'inki chayta, makisniykiman churamuni noqamanta kaj ruwana imasta.

Salmos 62:8

Ayllúy, paypipuni suyakuy. Parlaychej tukuy sonqo mañakuspa. Diosmin jark'awajninchejqa.

Salmos 54:7

Tukuy llakiyniymanta librawarqanki. Enemigosniytataj atipasqata rikuni.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Salmos 59:10

Munakuwaj Diosniy taripawaj jamonqa. Enemigoy atipasqa kasqanta rikuchiwanqa.

Salmos 139:23

Diosníy, allinta sonqoyta qhawariway, yachay sonqoyta, tukuy yuyasqayta allinta yachaway.

Salmos 7:9

Cheqan Dios, qan yachanki runaj sonqonta, yachallankitaj runaj yuyayninta. Chinkachiy sajra runaspa mana allin kayninkuta, astawanqa sinch'ita sayachiy cheqan sonqoyoj runata.

Jeremías 17:18

Qhatiykachawajkunata p'enqaypi rikhurichiy. Paykunalla mancharikuchunku, amataj noqaqa. Paykunaj patankuman ñak'ariykunasta apachimuy, tukuyninkuta kutin kutinta phirirpariy.

Isaías 37:14

Rey Ezequiasqa chay kachaspa jaywasqanku cartasta jap'iytawan leerqa; jinaytawantaj Señorpa wasinman kachaykukorqa, chaypi chay papelta mast'aspataj, Señormanta mañakorqa: Tukuy Atiyniyoj Señorníy, Israelpa Diosnin querubines sutichasqa angelespa patapi tiyakoj Dios, kay jallp'a patapi kaj chhika nacionespa Diosnin; qanlla ruwarqanki janaj pachata, kay pachatawan.

Salmos 17:3

Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

Salmos 11:5

Señorqa k'acha runasta, sajra runastapis rikushan, chejnikuntaj tukuy sonqo, sajra kajta munajkunata.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 6:10

Sinch'itataj qhaparisharqanku nispa: Jayk'ajkamataj Señor, santo, cheqa kaj, jallp'a patapi tiyakojkunata mana juzgankichu, nitaj yawarniykumanta cuentata mañankichu?

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

1 Pedro 4:19

Ajinaqa, Diospa munayninman jina ñak'arejkuna, almankuta jap'ichichunku, mundota ruwaj, junt'aj Diosman, allin imastataj ruwachunku.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

Jeremías 12:8

Chay noqajta karqa chay aylloqa, uj montepi león jina kashan, noqaj contraypi qhaparirin, chayrayku paytaqa chejnikuni.

Isaías 38:14

Para p'isqos jina waqani, paloma jina ayqoni. Patata qhawasqaypi ñawisniy k'arawanña. Señor, kay jina ñak'ariypi tarikuni, kallpachaway ari.

Salmos 86:4

Señor, kusichiy kay kamachiykej sonqonta, imaraykuchus qanman sonqoyta oqharini.

2 Crónicas 24:22

Rey Joasqa qonqapusqa Zacariaspa tatan Joiada khuyakoj sonqowan payta qhawasqanmantaqa. Wañucherqataj, Joiadaj wawan Zacariastaqa, paytaj manaraj wañushaspa qhaparerqa: Señor kayta rikumuchun, cuentatataj mañachun!

1 Samuel 1:15

Mana jinachu, wiraqochíy, nispa Anaqa kuticherqa: Mana ujyarqanichu ima vinotapis, nitaj poqosqa ujyanastapis, manachayqa sinch'i llakisqa kashani; chay llakiyniytataj Señorpa ñaupaqempi waqashani sonqoy tiyaykunampaj.

Salmos 58:10

Diosta yuyajkuna kusikonqanku sajra runata jasut'isqata rikuspa. Chakisnintataj yawarninkupi ch'aranchakonqa.