Jeremías 2:21 - Qheshwa Biblia DC

²¹ Noqa qanta sumaj ajllasqa uvas sach'ata jina plantarqayki, chantapis sumaj ajllasqa mujuta jina. Kunantaj mana kaj sach'aman tukunki.

DIOSPA QHELQACHISQAN DEUTEROCANONICAL

²¹ Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

DIOSPA QHELQACHISQ

²¹ Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

Jeremías 2:21 Referans Kwoze

Isaías 5:4

Imatawantaj ruwanay kanman karqa uvas sach'asniytari? Manachu allinta plantarqani? Noqaqa suyarqani uvasniy sumajta poqonanta. Imajtintaj k'allku uvasllata poqonri?

Éxodo 15:17

Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

San Juan 15:1

Noqa cheqa uva sach'a kani, Tataytaj llank'ajqa.

Salmos 44:2

Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

Salmos 80:8

Egiptomanta uj uvas sach'ata orqhorqanki. Qanta mana rejsisoj nacionesta wijch'orqanki, chaymantaj plantaykorqanki.

Deuteronomio 4:37

Payqa ñaupa tatasniykichejta munakorqa, wawasninkutataj ajllarqa. Pay kikimpuni paykunata Egiptomanta jatun atiyninwan orqhomorqa.

San Lucas 20:9

Runakunaman Jesús parlayta qallarerqa kay rijch'anachinamanta: Uj kuti, uj runa karqa. Paytaj uvasta plantarqa jallp'ampi. Llank'ajkunaman arriendaspataj ch'usarqa unaypaj.

Marcos 12:1

Chay qhepata Jesús, rijch'anachinaswan yachachiyta qallarerqa runasman kay jinamanta: Uj runa jallp'ampi uvasta plantarqa, perqawantaj muyuykucherqa. T'oqota allaspataj, uvas ch'irwanata ruwarqa; qhawanampajtaj torreta sayaricherqa, chantá chajrata arriendaspa karuman riporqa.

Deuteronomio 32:32

Uvasninkoqa Sodomamanta, Gomorramantawan uvas jina. Chaykunaqa jaya k'allku wañuchikoj uvas.

San Mateo 21:33

Uyariychej waj rijch'anachinata: Uj patrón uvasta plantarqa jallp'ampi; perqawantaj muyuykucherqa. Chaupimpitaj uvas ch'irwanata wakicherqa. Qhawana torretataj perqarqa. Chaymantataj llank'ajkunaman partidopi qospa, karuman ch'usarqa.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 41:8

Uyariway ari, Israel ayllu, Jacobpa ayllun. Qanqa kamachiy kanki. Qanta noqaqa kausaqey Abrahampa mirayninmanta ajllakorqayki.

Isaías 1:21

Sumajta purej llajta, imaraykutaj qhencha warmiman rijch'akunkiri? Ñaupajtaqa tukuy runasniyki allinta ruwaj kanku, cheqantataj kausaj kanku; kunanrí mana jinachu kanku, astawampis runa wañuchis kanku.

Salmos 105:6

Qankuna, Abrahampa miraynin. Qankuna, ajllasqas Jacobpa miraynin kajkuna.

Josué 24:31

Josué kausashajtin israelitasqa k'achata kausarqanku Señorpa kamachisqanta kasuspapuni, jinallataj tukuy kurajkunasninku kausanankukama; chay kurajkunaqa Señor imastachus paykunapaj ruwapusqanta allinta yacharqanku.

Lamentaciones 4:1

Chay jinatapuni qoreqa yanayaykusqa! Chhika sumaj qori lliphipiyninta chinkarichisqa! Dioswan parlana wasimpa rumisnimpis kaynejpi jaqaynejpi tukuy callespi t'aka t'akalla kashan.

Génesis 32:28

Chanta chay qhareqa nerqa: Kunanmanta manaña Jacobchu sutiyki kanqa. Kaymanta qhepaman Israel kanqa sutiykeqa; imaraykuchus Dioswan maqanakunki, runaswan ima, atipankitaj.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

Isaías 27:2

Chaypacha Señorqa nenqa: Sumaj misk'i kaj uva huertamanta takirikuychej.

Jeremías 11:17

Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.

Salmos 80:9

Jallp'ata picharqanki, chay uvas sach'ataj saphichakorqa, tukuy suyuntinmantaj junt'aykorqa.

Jeremías 5:10

Enemigosninkutaj yaykuchunku, huertasninkutataj q'arachunku. Amapis tukuyninkutachu q'arachunku. Ramasninta k'ajllarachunku, imaraykuchus chay uvas sach'asqa manaña noqajtachu.

Jeremías 11:16

Waj tiempopi noqa payta suticharqani ashkha ch'ampa olivo sach'a, k'acha poqoyniyojtaj nispa, kunanrí sinch'i qhon qhonkunaspa chaupimpi laphisninta ruphachisaj, ramasnintataj k'ajllarasaj.