Jeremías 19:13 - Qheshwa Biblia DC

¹³ Jerusalempi, chantá Judapi reykunaspa wasisnin, chay wasi pataspi, maypichus inciensosta q'osñichej kanku tukuy qoyllurkunaman, chantá maypichus vinota waj dioskunaman jich'aj kanku chaykunapis, Tofetpi jina ch'ichipaj qhawasqas kanqanku.

DIOSPA QHELQACHISQAN DEUTEROCANONICAL

¹³ Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

DIOSPA QHELQACHISQ

¹³ Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

Jeremías 19:13 Referans Kwoze

Jeremías 32:29

Llajtata jap'ikapoj caldeosqa yaykuykuspa ninawan jap'iykuchenqanku; maypichus Baalman inciensosta q'osñichej kanku, jinataj vinosta jaywaj kanku mana rejsisqa dioskunaman, noqata phiñachinawankupaj, chay wasistawan khuska ruphaykuchenqanku.

2 Reyes 23:12

Ajinallatataj rey Josiasqa, Judamanta rey Acazpa wasin patapi ruphaykucherqa, altarestapis urmacherqa, Señorpa wasimpi iskaynin, patiosnimpi, Manasespa altares ruwasqasnintapis t'unaraspa Cedrón wayq'oman wijch'uchimorqa.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Jeremías 7:18

Wawasqa llant'ata pallanku, tatas kajkunataj ninata jap'ichinku, warmis kajkunataj jak'u masata ñat'unku tortillata ruwanankupaj, chay cieloj reinan ninku chay diosaman jaywanankupaj. Chaywan phiñachiwankichej, jinallataj chay mana rejsisqa dioskunaman vinota jaywasqaykichejwan.

Deuteronomio 4:19

Pajtataj janaj pachaman qhawaspa rikuwajchej, intita, killata, estrellasta, imaschus janaj pachapi kanku chaykunatawan. Ajinamanta pajtataj chaykunaman qonqorikuspa yupaychawajchej. Señor Diosniykichejqa chaykunasta ruwarqa kay pachapi kaj tukuy aylluspaj.

Jeremías 44:18

Maypachachus inciensosta, vinota chay Cielomanta Reinaman jaywayta saqerqayku chaymantapacha tukuy imas pisiwayku, runasniykupis yarqhaypitaj, maqanakupitaj wañuranku.

Salmos 79:1

Diosníy, waj naciones jallp'asniykiman yaykuykamunku. Llimphu wasiykita ch'ichichanku. Jerusalentataj raqayman tukuchinku.

Salmos 74:7

Santo wasiykimantaj ninawan jap'iykucherqanku. Kikin wasiykita qhesachanku, pampaman tukuchinankukama t'unarqanku.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

Hechos 7:42

Chayraykutaj Dios paykunamanta t'aqakorqa, saqerqataj patapi kaj qoyllurkunata yupaychanankuta, imaynatachus profetaspa escribisqankupi nishan: Israelitas, noqamanchu uywasta wañuchispa jaywawarqankichej, tawa chunka watasta ch'in pampapi kashaspa?

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Jeremías 52:13

Paytaj Diosta yupaychana wasita ruphaykucherqa reypa palacionta, chantá llajtapi tukuynin wasistapis, astawanqa allin rejsisqa runaspa wasisninkuta.

2 Reyes 23:14

Chay lantista reyqa p'akirarqa, Aseraj lantisninta urmacherqa, chaykunamantaj runa tullusta junt'aykucherqa.

Hechos 10:9

Q'ayantintaj kachas ñanta rishajtinku, Jopeman qayllashajtinkuña, Pedro chaupi dianejta, wasi pataman wicharerqa Diosmanta mañakoj.

2 Reyes 17:16

Señor Diosninkoj tukuy kamachisqasninta saqerparerqanku. Paykunataj metalta unuyachispa iskay waka lantista ruwakorqanku. Asera k'ullu lantistapis ruwakullarqankutaj. Chay jawaqa yupaychallarqankutaj Baalta, cielopi tukuy qoyllurkunatawan.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Jeremías 19:12

Ajinatamin kay llajtata, chaypi tiyakojkunatapis ruwasaj. Chantapis Tofeti jinallataj saqesaj. Noqa Señor chayta nini.

Isaías 22:1

Hinom vallej contranta willakun. Imataj tiyan tukuyniykichej wasi pataman wicharinaykichejpajri?