Jeremías 18:17 - Qheshwa Biblia DC

¹⁷ Inti llojsimuynejmanta wayra jina noqaqa Israelta ch'eqerachisaj; enemigosnimpa ñaupaqenta ayqechispa. Noqa paykunaman wasayta kutirisaj, manataj uyaytachu, maypachachus jasut'inay p'unchay chayamonqa chaypacha.

DIOSPA QHELQACHISQAN DEUTEROCANONICAL

¹⁷ Noqaqa inti llojsimuynejmanta ch'aki wayra jina aylluyta awqankoj ñawpaqenkupi ch'eqerachisaj. Noqa paykunaman wasallayta rikuchisaj, manataj qhawarisajchu, maypachachus ñak'arinanku p'unchay chayamonqa, chaypacha, nispa.

DIOSPA QHELQACHISQ

¹⁷ Noqaqa inti llojsimuynejmanta ch'aki wayra jina aylluyta awqankoj ñawpaqenkupi ch'eqerachisaj. Noqa paykunaman wasallayta rikuchisaj, manataj qhawarisajchu, maypachachus ñak'arinanku p'unchay chayamonqa, chaypacha, nispa.

Jeremías 18:17 Referans Kwoze

Jeremías 13:24

Chayraykumin qankunataqa ch'eqerachisqaykichej, ch'in pampaspi ichhusta wayra apan ajinata.

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.

Oseas 13:15

Qhora jinapis Israelqa t'ikarichun, inti llojsimuy wayra jamonqa chimpamanta sinch'ita phukumuspa, jinamantataj yaku qochasninkuta jinataj juturisninta ima tukuchispa ch'akirparichenqa. Enemigo qhechonqa paymanta k'acha imasnin waqaychasqasninta.

Salmos 48:7

Imaynatachus wayra inti llojsimuynejmanta wayramuspa, Tarsis barcosta p'akin, ajinata.

Job 27:21

Inti llojsimuynejmanta jamoj sinch'i muyoj wayra wasinmanta orqhonqa.

Jeremías 46:21

Pagasqa soldadosnimpis waka uñas jina wirasllataj kanku, jinapis paykunaqa usqhay usqhayllata ayqenqanku manaña sayayta atispa. Ñak'arichisqas kanankoqa chayamunña, jasut'isqas kananku chay ratopis.

Jeremías 32:33

Paykunaqa wasanchawanku, waj ladollata qhawanku. Mana uj ratopis paykunaman yachachiytaqa saqerqanichu, mana kasuwarqankuchu, k'amichikuytapis mana munarqankuchu.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

Proverbios 24:16

Cheqan runaqa qanchis kutita urman, chantaqa uj qanchis kutillatataj sayarikun, sajra runasqa llakiyman urmaykonqanku.

Ezequiel 7:22

Noqa kay runasmanta karunchakusaj, saqesajtaj may munasqa yupaychanawanku imasniyta mana allinman tukuchinankuta. Sajra suwa runas jamuspa wasiytaqa mana allinman tukuchenqanku.

Ezequiel 27:26

Buque apajkunasniykeqa ukhu mar qochasnejta apasorqanku, chaypitaj inti llojsimuynejmanta wayra wayramuspa t'unaykusorqa.