Jeremías 18:16 - Qheshwa Biblia DC

¹⁶ Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

DIOSPA QHELQACHISQAN DEUTEROCANONICAL

¹⁶ Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

DIOSPA QHELQACHISQ

¹⁶ Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 18:16 Referans Kwoze

Salmos 22:7

Rikuwajkunaqa gestopayawanku, umankutataj khiwinku.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 19:8

Kay llajtata uj ch'inman tukuchisaj, uj imamanta t'ukunapaj jinataj tukuynin phirisqa kasqanmanta.

San Mateo 27:39

Chaynejta purejkunataj, umankuta khiwirispa, mayta paypaj rimarqanku.

Miqueas 6:16

imaraykuchus qhaterqanki Omri jinataj Acabpa ayllumpa kamachisqasninta chantá ruwasqasninkutapis, imaynatachus paykuna ruwarqanku ajinallataj qampis ruwarqanki. Chayraykumin noqa ruwasaj qanwan, chaypi tiyakojkunasniykiwantaj llakiyta asipayasunankuta, Aylluypa p'enqaynintaj pataykiman urmamonqa.

Jeremías 50:13

Phiñakusqayrayku, mana uj tiyakojniyojta saqesaj, uj ch'in pampaman tukuchisqata. Tukuy chayninta pasajkunaqa mancharisqa t'ukushajtaj qhepakonqanku chay jasut'ichikusqanta rikuspa.

Jeremías 49:13

Noqa Señor sutiyrayku juraykichej: Bosra llajtaqa ch'impacha qhepakonqa, wajkuna manchachikunankupaj k'umuykachachisqa, jinataj maldicisqa kanqa. Chay waj llajtastaj wiñaypaj raqaykunasllaña qhepakonqanku.

1 Reyes 9:8

Kay wasitaj chhika sumaj qhawasqa kashaspapis chayninta tukuy pasajkuna t'ukonqanku asikonqankutaj: Imajtintaj Señorqa kay wasita jallp'antapis kay jinata ruwanrí?, nispa.

Marcos 15:29

Chaynejta purejkunataj, umankuta khiwirispa Jesuspaj rimarqanku: Wa! Qan kanki templota urmachej, kinsa p'unchaypitaj sayarichej!

Isaías 37:22

Kay jinata Señorqa nin chay reypa contranta: Rey Senaquerib, Sión llajtaqa uj sipas jina qhesachasunki, uyaykipi asiykukusunki. Jerusalén llajtaqa qhepaykimanta umanta khiwirispa asiykakamusunki.

Ezequiel 12:19

Chay jallp'api tiyakoj runasman, Jerusalempi tiyakojkuna israelitasman ima noqamanta niy: T'antankuta may manchachikuywan mikhonqanku, yakutataj llakikuywan mancha manchalla ujyanqanku. Jallp'asniykichejta t'ajrasman tukuchisqas kanqa, mana ima poqojtaj. Chay llajtapi tiyakojkuna sajrata kausasqankurayku chayqa jina kanqa.

Ezequiel 6:14

Makiyta oqharisaj paykunata jasut'inaypaj, uray ladopi ch'in pampamanta wichaypi kaj Ribla nisqa chaykama. Tukuynejpi tiyakunku chay jallp'astaqa, ch'inmantapis aswan ch'inman tukuchisaj. Chaypacharaj rejsiwanqanku noqa Señor kasqaytaqa.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Salmos 44:14

Diospi mana creejkunaj asipayananta ruwawarqayku. Noqaykuta rikuspataj asipayaspa umankuta khiwinku.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

Levítico 26:43

Jinamanta chay jallp'aqa qankunamanta samarikonqa, qankuna chaypi mana tiyanaykichejkama. Qankunaqa juchasniykichejrayku junt'anaykichej tiyan, kamachisqasniyta, leyesniytawan qhesachasqaykichejrayku.

Levítico 26:32

Llajtaykichejta t'unasaj, chaymantaj tiyakoj jamonqanku enemigosniykichej. Paykunataj t'ukushaj qhepakonqanku.

Salmos 109:25

Runaj asikunan kani, rikuwaspataj umankuta khiwispa asipayawanku.

Jeremías 42:18

Tukuy Atiyniyoj Señor Israelpa Diosnin nin: Ajinata imaynatachus phiñakuyniy k'ajarerqa Jerusalempi tiyakojkunaspa contrampi, ajinallatataj qankunaj contraykichejpipis oqharikusaj, sichus qankuna Egiptoman ripunkichej chayqa. Qankunapi tukuypa rikunanta maldicionniy rikuchisqa kanampaj, mayta t'ukunapaj jina kanqa, manataj jayk'aj kay lugarta rikunkichejñachu.

Jeremías 44:12

Judamanta puchojkuna Egiptoman tiyakapoj apurakaporqanku, chaykunataqa tukuyninku wañuchisqas kanankuta nini. Tukuyninku aswan juch'uymanta, aswan jatunkama wañonqanku maqanakupi, chayri yarqhaypi, tukuypa rikunantataj maldicisqas, t'ukunapaj jina may k'umuykachachisqastaj kanqanku.

Jeremías 48:27

Manachu qanqa Moab Israelmanta alqochakorqanki, payta chejnikuspataj parlaj kanki suwapis kanman jina?

Jeremías 49:17

Señorqa nin: Edom naciompa urmaynenqa may jatun kanqa tukuyta mancharichinampaj jina, tukuy chaynejta pasaj t'ukonqa chay jasut'ita rikuspa.

Lamentaciones 1:12

Qankuna, ñanta rejkuna, manachu sonqoykichejta noqamanta nanachikunkichej? Sayarispa qhawariwaychej, kay llakiyta ñak'arishani chaymanta astawan llakiy kanchus manachus chayta. Kay jinataqa Señorpuni jasut'ishawan k'ajaj phiñakuynimpi.

Ezequiel 27:36

Waj llajtaspi qhatojkunataj chay rijch'ajta rikususpa asipayasonqanku. Manchay jatunta mancharinapaj jina kanki. Manaña ujtawan rikhurimuyniyoj chinkapunki.

Ezequiel 36:3

Chayrayku paykunamanqa sutiypi parlay, niytaj: Atiyniyoj Señorqa kay jinata nin: Tukuy llajtas qankunata jap'ispa t'unasorqachej, paykunataj qankunata jap'ikapusorqachej; waj llajtasmanta kajkunataj qankunamanta alqochakunku.

2 Crónicas 29:8

Chayrayku Señorqa phiñakorqa, Judapaj Jerusalempajwan, may llakiyta saqerparin, tukuy chayta rikuspa t'ukunankupaj, asipayachikunankupajtaj, imaynatachus kikin ñawisniykichejwan rikushankichej jina.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Jeremías 51:37

Babiloniaqa raqaykunasllamanña tukonqa, atojkunaspa pakakunallankumanña, mana tiyakunapaj jina cheqaman. Chaytaj tukuyta t'ukuchenqa, mancharichenqataj.

Jeremías 51:43

Chay llajtasnenqa millay ch'inkunasman tukorqa, ch'aki jallp'asmanña, ch'in pampamantaj ni pejpa tiyakunampaj jina, manataj pipis chayninta pasanampaj jina.