Jeremías 18:15 - Qheshwa Biblia DC

¹⁵ Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

DIOSPA QHELQACHISQAN DEUTEROCANONICAL

¹⁵ Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

DIOSPA QHELQACHISQ

¹⁵ Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 18:15 Referans Kwoze

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Oseas 11:2

Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

Jeremías 2:32

Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

Isaías 57:14

Chaypitaj nenqa: Ñan t'oqosman junt'achiychej; ñanta pichaychej, aylluypa rinan ñanmanta tukuy misk'anasta oqhariychej.

Malaquías 2:8

Sacerdotes, qankunaqa sumaj ñanmanta karunchakorqankichej, ashkhastataj urmacherqankichej qankunaj yachachisqasniykichejwan. Ajinapi qankuna pierdechinkichej Leviwan trato ruwasqaytaqa, nin Tukuy Atiyniyoj Señorqa.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Jeremías 10:15

Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.

Isaías 41:29

Tukuyninku mana imapis kankuchu. Chaykunaqa mana imatapis ruwayta atinkuchu. Chay ruwasqanku lantisqa qhasi mana kaj ch'usajlla kanku.

San Mateo 15:6

Jinapeqa, mana tatanta, nitaj mamantapis respetanqañachu. Ajinamanta qankunaqa Diospa kamachisqanta p'akinkichej, chay ñaupa usuykichejrayku.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 13:25

Achaymin qantaqa Israel qhatirinasun karqa. Chanta ruwanasuyta qan kikiykimanta mask'akorqanki. Noqa Señor chayta nini. Qan noqamanta qonqaporqanki, waj mana kaj lantismantaj riporqanki.

Jeremías 3:21

Ch'in orqospi qhapariykuna uyarikun: Chaykunaqa kanku khuyakuyta mañakuspa israelitaspa waqaynin. Cheqan ñanmanta t'aqakaporqanku, noqa Señor Diosninkutataj qonqakapuwarqanku.

Romanos 14:21

Allinmin aychata mana mikhunaqa, nitaj vinota ujyanapis; nillataj allinchu imachus wauqeykita misk'achin chayta ruwanapis. Chayrí, imachus juchaman urmachin, fenintataj pisiyachin chaytapis.

Jeremías 44:25

Israelpa Tukuy Atiyniyoj Señor Diosnin nin: Qankuna, warmis, simiykichejwan ninkichej, makiykichejwantaj kikinta ruwankichej. Qankuna ninkichej inciensosta, rikuchikustapis Cielomanta Reina nisqaman jaywanaykichejta, nisqaykichejtataj junt'anaykichejtapuni. Kunanqa junt'aychej, ruwaypitaj rikuchiychej chay ruwasaj nisqaykichejta.

Jeremías 19:5

Chaymantataj, altarkunasta sayaricherqanku, wawasninkuta chaypi Baalpaj ruphachipunankupaj. Chayta noqaqa paykunaman mana kamacherqanichu, nitaj nillarqanipischu, ni yuyaynillaypis karqachu.

Isaías 62:10

Punkusnejta puriychej, llajtaspaj ñanta kicharipuychej, chay ñan t'oqosta khuskachaychej, ñanmanta rumista orqhoychej, tukuy runas rikunankupaj wiphaylatapis pataman oqhariychej.

Isaías 9:16

Chay llajtata kamachejkunaqa ch'aukiyajkuna kanku, kasojkunataj chinkapunku.

Isaías 3:12

Uj yoqhallalla aylluytaqa munasqanta ruwan, warmispa nisqallantaña ruwanku. Ayllúy, ñaupajman pusashasunkichej, chaykunallataj ch'aukiyashasunkichej, mana allin ñankunasta pusaspa.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Isaías 65:7

Chantá Señorqa nillantaj: Juchasniykichejrayku, ñaupa tatasniykichejpa juchasninrayku ima, paykunaqa orqo puntaspi inciensosta ruphacherqanku, jinallataj loma pataspipis. Chayrayku noqaqa ñaupa juchasniykichejman jina pagota qopusqaykichej. Señorqa chayta nerqa.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Jeremías 18:14

Libanopi chay alto chhankasninmanta jayk'ajpis rit'eqa chinkapunchu? Chayri karu jallp'asmanta jamoj yakupis tukukapunmanchu?

Jeremías 51:18

Chaykunaqa mana imapaj allinchu, asikunapaj jinalla kanku. Señorqa chaykunata cheqanchana p'unchaypi phirenqa.

Ezequiel 21:15

Chay espadaqa ashkha runasta manchachenqa, ashkhatataj wañurachenqa. Tukuy paykunaj wasinkoj punkumpi wañuchej espadata churarqani. Espadaqa sumaj llosq'ochasqa lliphipirinampaj, wañurachinapaj sumaj afilasqa kashan.

Ezequiel 36:15

Manataj waj llajtakunaj sajra parlayninkuta uyarinkichejñachu. Qantaj manaña sajra nisusqankuwan ñak'arinkiñachu, imaraykuchus aylluykipi wawas manaña wañonqankuchu. Noqa Señormin kaytaqa nin.

Oseas 2:6

Chayraykumin, ñankunasninta khishkawan jark'aykuchisaj tukuy muyuynintimpi purinasninta mana tarinampaj jina.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Jeremías 1:16

Kay jasut'i kanantamin kamachisaj saqerpayawarqanku chay juchasapaspa contrampi. Paykunaqa inciensota q'osñichispa yupaycharqanku chay mana rejsisqa dioskunata, paykuna kikinku ruwakusqankuman jaywaspa.

Jeremías 11:12

Chaypachataj Judamanta kajkunaqa, Jerusalempi tiyakojkunapis mañakoj renqanku, inciensota q'osñichej kanku chay dioskunasninkumanta. Chaywampis chaykunaqa manapuni chay ñak'ariy p'unchay chayamojtenqa paykunata salvanqankuchu.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Jeremías 11:17

Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.