Jeremías 17:13 - Qheshwa Biblia DC

¹³ Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

DIOSPA QHELQACHISQAN DEUTEROCANONICAL

¹³ Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

DIOSPA QHELQACHISQ

¹³ Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Jeremías 17:13 Referans Kwoze

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.

Apocalipsis 22:1

Chay qhepata kausaj yakuyoj ch'uwa mayuta rikuchiwarqa, cristal jina lliphipejta, Diospa trononmanta, Corderojmantawan llojsimushajta.

San Juan 4:14

Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

San Juan 4:10

Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.

Apocalipsis 21:6

Niwarqataj: Junt'asqaña. Noqa kani alfa, omegataj; qallariy, tukukuytaj. Ch'akichikojmanqa kausay yakuta pujyumanta qhasilla ujyachisaj.

Isaías 1:28

Chaywampis phirita ruwasaj contraypi sayajkunata, juchasapastawan. Jinallataj Señorta saqejkunapis tukuchisqas kanqanku.

San Lucas 10:20

Chaywampis, ama kusikuychejchu supaykuna kasusojtiykichej, astawanqa kusikuychej janaj pachapi sutiykichej escribisqa kasqanmanta.

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

Salmos 73:27

Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Jeremías 2:17

Chay tukuy imas qanta qhatirisorqa, noqa Señor Diosniykita saqerpariwasqaykirayku.

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.

Hechos 28:20

Chayrayku wajyacherqaykichej, qankunata rikuyta munaspa, kay imasmanta parlanaypaj. Israel aylloj suyayninrayku, kay cadenaswan watasqa kashani.

Daniel (hebreo) 12:2

Jallp'aj sonqompiña puñojkunamanta ashkhas rijch'arimonqanku, ujkunaqa wiñayta kausanankupaj, wakinkunataj, wiñaj p'enqaypi, wiñay phutiypitaj kanankupaj.

Ezequiel 36:32

Mana qankuna allin kasqaykichejraykuchu kaytaqa ruwani, nin Señorqa. Israel ayllu, allinta yachaychej, k'umuykuychej, p'enqakuychejtaj millayta purisqasniykichejmanta.

Ezequiel 16:63

Qantaj yuyarikuspa may chhikata p'enqakunki, k'umuykunkitaj, simiykitapis mana ujtawan kicharinkichu, maypachachus noqa tukuy ima ruwasqasniykimanta perdonasqayki chaypacha. Noqa Señor chaytaqa nini.

Jeremías 17:17

Ama ari qanqa mancharichiwaychu, imaraykuchus qanqa ñak'ariykunasniypi pakaykuwajniymin kanki.

Jeremías 17:5

Señorqa nin: Ñak'achun pichus runasllapi atienekojqa; runaj yanapayninta mask'ajqa, sonqompitaj Diosmanta karunchakojqa.

Proverbios 14:14

Wampu runaqa imaynatachus purisqanwan amisqa kashan; allin runarí ruwasqasninmanta kusikonqa.

Proverbios 10:7

Allin runapajqa bendiciones yuyarisqa, sajra runamantataj usqhayllata qonqapunku.

Salmos 97:7

K'umuykachachunku dios nispa rumisllata yupaychajkunaqa. Chay ruwasqankumanta wapu wapu sayaykojkuna; tukuy dioskunataj ñaupaqenman qonqorikuchunku.

Salmos 22:4

Tatasniykoqa qampi suyakorqanku, qampi suyakorqanku, qantaj librarqanki.

Salmos 71:5

Wayna kasqaymantapacha Señor, qan suyakunay, atienekunaytaj kanki.

Jeremías 17:18

Qhatiykachawajkunata p'enqaypi rikhurichiy. Paykunalla mancharikuchunku, amataj noqaqa. Paykunaj patankuman ñak'ariykunasta apachimuy, tukuyninkuta kutin kutinta phirirpariy.

Jeremías 19:4

Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

Ezequiel 13:9

Makiyta oqharisaj, ch'auka rikuyniyoj profetaspaj, chantá llullastataj sut'inchanku, chay profetasta jasut'inaypaj. Israel aylluypa tantakuyninman mana yaykuyta atenqankuchu. Sutisninkoqa mana qelqasqachu Israel aylloj librompi. Mana Israelpa jallp'anman yaykonqankuchu. Chaypacha rejsiwanqanku noqa Señor kasqayta.

Zacarías 9:12

Qankunapis, waj llajtamanta wijch'usqas, suyayniyojraj kajkuna chay pakakuna sumaj wasisniykichejman kutipuychej! Niykichejña bendicionesniyta qonasuykichejta may chhika ñak'arisqaykichejmanta uj jinatawanraj.

Zacarías 13:1

Jaqay tiempopeqa, yaku juturi kicharisqa kanqa, Davidpa ayllusnin jinataj Jerusalempi tiyakojkunajpa millay juchasninku pichasqa kanampaj.

Salmos 69:29

Noqaqa onqosqa, llakisqataj kani. Oqhariway, Diosníy, salvawaytaj.