Jeremías 16:4 - Qheshwa Biblia DC

⁴ Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

DIOSPA QHELQACHISQAN DEUTEROCANONICAL

⁴ Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

DIOSPA QHELQACHISQ

⁴ Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 16:4 Referans Kwoze

Jeremías 25:33

Pistachus Señor chay p'unchaypi wañuchenqa chaykunaqa, kay jallp'aj uj cantonmanta uj cantonkama mast'alla kanqanku. Manataj pipis paykunamantaqa waqanqachu, manataj pipis ayasninkuta p'ampaykamunankupaj oqharenqachu, pampallapi wanu jina qhallasqas kanqanku.

Salmos 83:10

Paykunaqa Endorpi t'unasqas karqanku, wanu jallp'amantaj tukuchisqas karqanku.

Jeremías 9:22

Runaspa ayasninkutaj pampaman wijch'usqas wanu jina kanku. Jinallataj, imaynatachus trigoj umasnin ruthojpa qhepampi t'akakun, manataj pipis chajmanchu ajinata. Señormin chayta nin.

Sofonías 1:17

Señorqa nin: Runasta llakikuyman churasaj. Ciegos jina purenqanku, imaraykuchus noqaj contraypi juchallikorqanku. Yawarnenqa ñut'u jallp'a jina qhallasqa kanqa. Aychantaj wanu jina qollusqa kanqa.

Jeremías 34:20

Chayrayku wañuchej enemigosninkoj makisninman urmanankuta saqesaj, chay ayasninkutaj chay aycha mikhu suwintuspa, jinataj chay millay animalespa mikhunankupaj kanqa.

Jeremías 7:33

Chay runaspa ayasnintaqa suwintus, sajra animales ima mikhonqanku, nitaj pipis chaykunata mancharichej kanqachu.

Isaías 18:6

Ajinamanta tukuy chaykuna p'isqospaj, sajra animalespajwan qhepakonqa. Chaypi p'isqosqa q'oñi tiempopi kanqanku. Kay jallp'a patapi sajra animalespis chaypi chiri tiempota pasanqanku.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Jeremías 44:27

Noqa qhawashani ñak'ariykunasta apachimunaypaj, mana allin kajkunatachu. Judamanta tukuy Egiptopi tiyakushajkuna, cheqamanta tukuyninku maqanakupi, yarqhaywantaj wañuchisqas kanqanku.

Jeremías 36:30

Kunanqa noqa Señor qanta niyki Judamanta rey Joacim; qampa mirayniykimanta Davidpa tronompi tiyakojqa mana kanqachu. Ayayqeqa ruphaypitaj chiripitaj wijch'usqa kanqa.

Jeremías 34:17

Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Salmos 78:64

Sacerdotesqa espadaswan wañuchisqas karqanku, viudastaj mana waqarikorqankuchu.

2 Reyes 9:10

Jezabeltataj Jezreel pampapi alqos mikhuranqa, manataj pipis paytaqa p'ampajqa kanqachu. Chayta niytawan wasi punkuta kicharpayaytawan ayqeamporqa.

Jeremías 44:12

Judamanta puchojkuna Egiptoman tiyakapoj apurakaporqanku, chaykunataqa tukuyninku wañuchisqas kanankuta nini. Tukuyninku aswan juch'uymanta, aswan jatunkama wañonqanku maqanakupi, chayri yarqhaypi, tukuypa rikunantataj maldicisqas, t'ukunapaj jina may k'umuykachachisqastaj kanqanku.

Deuteronomio 28:26

Tukuy phawaj p'isqos, tukuy kay pachapi kaj k'ita animalespis ayasniykichejta mikhonqanku, ni pipis paykunataqa manchachenqachu.

Jeremías 19:7

Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

Lamentaciones 4:9

Espadaswan wañuchisqa kajkunaqa allin wañuyta wañunku, yarqhaywan ch'ayñaspa wañojkunamanta nisqaqa. Kaykunasqa pisimanta pisi kay jallp'a patapi mana mikhuna kajtin wañorqanku.

Deuteronomio 28:22

Chantaqa apachimullasonqachejtaj wañuchej ch'ojo onqoykunata, q'oñi onqoykunata, punkiy onqoykunata, mana muchuy atina k'arajta, ch'aki watasta, imaymana onqoykunatataj trigo chajrasniykichejman. Chay onqoykunaqa qhatiykachasonqachej wañuchisunaykichejkama.

Jeremías 21:6

Wañuchisaj kay llajtapi tukuy tiyakojkunata, runasta, chantá uywastapis, uj millay onqoywan wañurachisaj.