Jeremías 16:19 - Qheshwa Biblia DC

¹⁹ Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

DIOSPA QHELQACHISQAN DEUTEROCANONICAL

¹⁹ Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

DIOSPA QHELQACHISQ

¹⁹ Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 16:19 Referans Kwoze

Isaías 25:4

Qanqa wajchaj pakakunan kanki, llakisqa pisichikojpaj jark'ajnin, para wayramanta jark'aj, ruphaymanta llanthojtaj. Sajra runaspa samayninkoqa, chiri tiempopi llojlla para perqaman seq'on ajina.

Nahúm 1:7

Señorqa may k'achamin, waqaychan Paypi confiajkunataqa, waqaychantaj Paypi confiakojkunataqa.

Jeremías 17:17

Ama ari qanqa mancharichiwaychu, imaraykuchus qanqa ñak'ariykunasniypi pakaykuwajniymin kanki.

1 Pedro 1:18

Qankuna yachankichej Dios kacharichisusqanta chay qhasi mana kaj kausayniykichejmanta, mayqentachus tatasniykichejmanta jap'erqankichej; mana tukukoj imaswanchu rantispa, mana qoriwan jinachu, nitaj qolqewan jinachu, astawanqa, Cristoj qhapaj yawarninwan. Payqa mana ch'ichiyoj, mana onqoyniyoj cordero jinataj wañuchisqa karqa.

Jeremías 10:5

Chay lantisqa p'isqo manchachiman rijch'akunku, imaynatachus chajra tarpusqaman manchachita churanku ajinata; chay lanteqa mana parlanchu, waj q'epiykachanaraj, imaraykuchus mana purinkuchu. Ama paykunamantaqa manchachikuychejchu. Chaykunaqa mana sajrata ruwankuchu, manataj allin kajtapis ruwankuchu.

Jeremías 2:11

Ima naciontaj dioskunasninta cambian, manapis cheqa dioskunachu kashajtin. Chaywampis aylluytaqa atiyniyoj Diosninta saqerpariwan, qhasi manakaj lantisman ripunankupaj.

Isaías 44:10

Pichus jich'aspa lantista dios nispa ruwajqa, qhasi manakajllata tiemponta usuchin.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Habacuc 3:19

Señorniymin kallpata qowan; chakisniymampis qon kallpata usqhay usqhayta taruka jina purinaypaj, aswan pata patasnillanta purinaypaj chaypi salvasqa kanaypaj.

Ezequiel 11:16

Chayrayku paykunaman sutiypi niy: Noqa Señormin paykunata waj nacionesman, waj runakunaj jallp'asninkuman wijch'orqani, chaytaj pisi p'unchaykunallapaj kashan. Mayqen jallp'amanchá renqanku chaypeqa noqallataj Diosta yupaychana wasinku kasaj.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Salmos 62:2

Payllapuni salvakunay, pakakunay chhankataj. Mana urmasajchu, imaraykuchus paypi pakakuni.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Jeremías 3:23

Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.

Isaías 62:2

Chaypacha runasqa cheqanchayniykita rikonqanku, reyespis imaynachus atiyniyki kasqanta rikonqanku. Mosoj sutiwan sutichasqa kanki, chaytataj kikin Señorpuni sutichasonqa.

Isaías 32:2

Chay sapa ujninku kanqanku wayramanta pakakunapaj jina, llojlla para wayramanta pakakunapaj; ch'aki jallp'api qarpanapaj larq'as jina; ch'in pampapi jatun chhankaj llanthun jina.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Salmos 68:31

Egiptomanta kurajkuna kachasqa jamonqanku, Etiopía runas usqhayllata makisninkuta Diosman oqharenqanku.

Salmos 62:7

Diosllamanta salvakunay, sumaj kanaypis jamun. Payllapuni jark'akuwajniy, pakawajniypis.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

Salmos 46:1

Diosninchejqa jark'akuwajninchej, kallpanchejtaj. Llakiykunapi mana allin kashajtinchej, usqhayta yanapawanchej.

Salmos 27:5

Llakiykuna jamojtin, Señorqa pakawanqa. Tiyakunan wasin ukhupi pakawanqa; chhanka patamantaj salvasqata churawanqa.

Salmos 19:14

Qhawasqaykiman jina parlasqasniy, yuyasqasniypis allin kachun. Señor qanqa pakakunay chhanka, salvawajniytaj kanki.

Romanos 1:25

Diospa cheqa nisqanta llullakuyman tukucherqanku, ruwasqa kajkunata jatunchaspa, yupaychaspataj; kay pachata ruwajtataj mana yupaycharqankuchu. Payqa yupaychasqamin wiñaypa wiñaynintimpaj. Amén.

1 Reyes 20:23

Siriamanta reypa kamachisnenqa nerqanku: Paykunaj dioskunasninkoqa orqosmanta dioskuna kanku, chayrayku paykunaqa atipawanchej; sichus paykunawan llano pampapi maqanakusunman chayqa, cheqamantapuni atipasunman.

Isaías 44:20

Cheqamanta chayqa ushphata mikhoj jinamin; chayqa llulla yuyajkunawan ch'aukiyachikuymin. Chayrayku chay runaqa almanta mana salvanchu, nitaj ninchu: Manachu paña makiypi kajqa lullalla?, nispa.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Jeremías 2:8

Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Jeremías 33:9

Kay jallp'api Jerusalenqa noqaj kausayniy, jatunchakuyniytaj kanqa tukuy nacionespa ñaupaqempi. Maypachachus tukuy allin kajta Jerusalempi tiyakojkunaman patanman apachimusqayta uyarenqanku, jinataj tukuy allin kajwan junt'achisqayta parlajta uyarenqanku, chaypachaqa mancharikuywan kharkatenqanku.

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Amós 2:4

Ajinata nin Señorqa: Judamanta kaj runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa Señorpa yachachiykunasninta qhesacharqanku, manataj kamachisqasninta kasorqankuchu. Manachayqa tatasninku ima lantistachus yupaycharqanku, chaykunallatataj yupaycharqanku.

Salmos 18:3

Qanqa, Señor, yupaychanapaj jina kanki. Wajyasojtiy enemigosniymanta salvawanki.

Salmos 65:3

Sajra ruwasqasniyku atipawayku. Contraykipi juchallisqaykuta pampachawayku.

Jeremías 10:3

Chay aylluspa ususninkoqa mana imapaj walejchu. Montepi uj k'aspita k'utuytawan cincelninwan llajllanku.

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?