Jeremías 15:19 - Qheshwa Biblia DC

¹⁹ Chaypacha Señor kutichiwarqa: Noqamanchus kutirimuwanki chayqa, noqa qanta jap'ikapusqayki, ñaupaqeypitaj kanki. Sichus qhasi manakaj imasta manaña thautinkichu, manachayqa allin imasllataña ninki chayqa, qan noqamanta willamoj kanki. Paykunamin qanman kutirikamunasunku, manataj qanchu paykunaman kutirikunayki tiyan.

DIOSPA QHELQACHISQAN DEUTEROCANONICAL

¹⁹ Chantá Tata Dios kutichiwarqa: Noqamanchus kutirikamuwanki chayqa, noqa qanta kamachiypi kanaykipaj jap'ikapusqayki. Sichus qhasi manakaj imakunata manaña thawtinkichu, manachayqa allin imakunallataña ninki chayqa, sutiypi parlamojta kachasqayki. Paykuna qanman kutirikamuchunku, qantajrí amapuni paykunaman kutirikunkichu.

DIOSPA QHELQACHISQ

¹⁹ Chantá Tata Dios kutichiwarqa: Noqamanchus kutirikamuwanki chayqa, noqa qanta kamachiypi kanaykipaj jap'ikapusqayki. Sichus qhasi manakaj imakunata manaña thawtinkichu, manachayqa allin imakunallataña ninki chayqa, sutiypi parlamojta kachasqayki. Paykuna qanman kutirikamuchunku, qantajrí amapuni paykunaman kutirikunkichu.

Jeremías 15:19 Referans Kwoze

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

Levítico 10:10

Ajinamanta qankunaqa allinta rejsinkichej Diospaj t'aqasqa kajta mana allin millay kajmanta; llimphu nisqa kajtataj, ch'ichi nisqa kajmanta.

Ezequiel 44:23

Sacerdotesqa aylluyman cheqan kajta yachachenqanku, mana cheqan kajtapis. Jinallataj ajllanan tiyan llimphu kajta millay kajtapis.

Ezequiel 22:26

Kay llajtaj sacerdotesnenqa yachachiykunasniyta p'akinku. Ajllakusqasniy cheqasta ch'ichichanku. Imachus llimphu kajta, imachus ch'ichi kajtapis mana reparankuchu. Manataj wajkunaman yachachinkuchu imachus allin kajta, nillataj mana allin kajtapis. Samakuna p'unchaykunasniymanta mana dakunkuchu, nitaj jatunchawankuchu.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

Gálatas 1:10

Chantá kunanqa runakunamanchu, chayrí Diosmanchu allin rijch'ayta mask'ashani? Chayrí, runastachu kusichiyta munashani? Runastarajchus kusichiyman chayqa, mana Cristoj kamachinchu kayman.

Hebreos 5:14

Khamuna mikhoyqa machu runaspajña, pikunachus yachasqaña kaspa, unanchanku allin kajta, sajra kajtapis sut'ita rejsispa.

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Éxodo 4:12

Chayrayku kunanqa riy, noqa simiykinejta parlasaj, yachachisqaykitaj imatachus parlanaykita.

Ezequiel 2:7

Qanqa palabrasniyta paykunaman willay, uyarisuchunkupis amapis, imaraykuchus paykunaqa contraypi manchayta oqharikojkuna kanku.

San Lucas 12:12

Chay kikimpachaqa, Santa Espíritu yachachisonqachej imatachus parlanaykichejta.

San Lucas 1:19

Angeltaj kuticherqa: Noqa Gabriel kani, Diospa kamachimpi; pay kachamuwan willasunaypaj kay sumaj noticiasta.

Jeremías 20:9

Sichus nini: Manaña Señorpi yuyasajchu, manañataj sutimpipis parlasajchu, chaypachaqa ukhuypi palabrasniykeqa nina jina ruphaykuyta munawan, tullusniykamataj chayawan. Chaywampis sonqoyta ñit'iykukuyta munani manataj atinichu.

Gálatas 2:5

Chaykunataqa mana uj chhikallantapis kasorqaykuchu, cheqa kaj evangelio qankunawampuni kanampaj.

San Lucas 21:36

Qhawarikuychej ari, Diosmanta mañarikuspa tukuy tiempopi, kay tukuy ima jamojmanta ayqenaykichejpaj; allimpi rikhurinaykichejpajtaj Runaj Churimpa ñaupaqempi.

Proverbios 22:29

Pichus imatapis sumajta ruwajqa, reykunaspa kamachimpi kanqa, manataj mana kaj runaspallataqa.

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

2 Corintios 5:16

Kunanmanta ñaupajmanqa manaña pitapis rejsiykuchu aychaman jina. Arí, Cristotapis aychaman jina rejserqayku, kunanrí manaña ajinatachu rejsiyku.

Jeremías 4:1

Señorqa nin: Israel, kutimpuyta munanki chayqa, noqaman kutimpunayki tiyan. Chay millay lantisniykimanta t'aqakunki, noqamantataj mana t'aqakunkichu chayqa, chaypacha cheqamanta sutiypi juranayki tiyan, jinallataj justiciapi, cheqan kaypipis. Chaypacha nacionesqa sutiynejta bendicisqas kanqanku, jatunchawanqankutaj.

Jeremías 6:29

Maypachachus fuelle sinch'iwan phukun chayqa, nina chay titita unuyachin. Jinapis qhasipaj paykunataqa ch'uwachanku. Chay juchasapasqa manapuni chinkankuchu.

Jeremías 35:19

Noqa Señor Israelpa Tukuy Atiyniyoj Diosnin cheqamanta niykichej: Jonadabpa ayllunmanta kallanqapuni uj runa, ñaupaqeypi kamachisqayta ruwanampaj.

Lamentaciones 1:11

Tukuy llajtantin waqarikuspa, mikhunata mask'akamunku. Tukuy k'acha imasninkuta mikhunallawan chhalarparinku, ajinamanta ama yarqhaywan wañunankupaj. Qhawariway, Señor, kay jina llakiypi rikhurisqayta.

Jeremías 1:9

Chaypacha Señorqa makinwan simiyta llujchiykuworqa, niwarqataj: