Jeremías 15:15 - Qheshwa Biblia DC

¹⁵ Señor, qan tukuy imata yachanki, noqamanta yuyarikuy ari, jamuytaj yanaparinawaykipaj. Tukuy qhatiykachawajkunaman aynita kutichiy ari. Ama paykunata ch'inllamanta qhawakuychu noqata wañuchinawankukamaqa, qhaway qanrayku tukuy rimapayawasqasninkuta ñak'arishani.

DIOSPA QHELQACHISQAN DEUTEROCANONICAL

¹⁵ Chantá noqa nerqani: Tata Dios, qan tukuy imata yachanki. Noqamanta yuyarikuy ari, waturikuwaytaj yanaparinawaykipaj. Tukuy qhatiykachawajkunamanta vengakuy ari. Ama paykunata ch'inllamanta qhawakuychu, pajtataj wañuchiwankuman. Qan yachanki imaynatachus qanrayku k'umuykachachisqa kasqayta.

DIOSPA QHELQACHISQ

¹⁵ Chantá noqa nerqani: Tata Dios, qan tukuy imata yachanki. Noqamanta yuyarikuy ari, waturikuwaytaj yanaparinawaykipaj. Tukuy qhatiykachawajkunamanta vengakuy ari. Ama paykunata ch'inllamanta qhawakuychu, pajtataj wañuchiwankuman. Qan yachanki imaynatachus qanrayku k'umuykachachisqa kasqayta.

Jeremías 15:15 Referans Kwoze

Jeremías 12:3

Qantaj, Señor, rejsiwanki, rikuwankitaj, yachankitaj qanwan imaynachus yuyayniypi kasqayta. Kay runasta apakapuy, ovejasta jina wañuyman qhatiykapuy, k'illpiykuy chay wañuchina p'unchaypaj.

San Lucas 21:17

Tukuypa chejninantaj kankichej noqaj sutiyrayku.

Jeremías 20:12

Tukuy Atiyniyoj Señor, qanlla cheqan ñawiwan qhawawanki, qanmin rikunki runaj tukuy sonqonta, noqamampis rikuchiway imaynatachus chay runasta jasut'isqaykita; chayrayku makillaykiman kausayniyta churani.

Jeremías 17:16

Chaywampis, mana noqa mañarqaykichu qan apachinaykita ñak'ariykunata, nitaj munaporqanichu paykunapajqa chay chhika nanaykunata. Simiymanta llojsejtaqa ñaupaqeykipi nerqani.

Nehemías 13:22

Chaymantataj levitasta kamacherqani llimphuchakuspa punkusta qhawaj rinankuta, jinamanta chay samakuna p'unchay ama ch'ichichasqa kanankupaj. Diosníy, kay tukuy ima ruwasqaymanta yuyarikuway, khuyakuwaytaj chay k'acha munakuyniykiman jina!

San Mateo 10:22

Noqarayku tukuy runas chejnisonqachej. Pichus tukukuykama, sumajta sayanqa, chay salvasqa kanqa.

Jeremías 20:8

Parlani chayqa, ñak'ariymanta, jinataj wañuymantapuni parlani, chayraykutaj sapa kuti toreawanku, asiykakamuwankutaj, palabrasniykita willarasqayrayku.

Salmos 119:84

Mayk'ajkamataj suyakusajri? Mayk'ajtaj qhatiykachawajkunataqa juchachankiri?

Salmos 106:4

Señor, noqamanta yuyarikuway, aylluykita munakusqaykirayku, salvacioninykiwan watukuway.

Nehemías 5:19

Yuyarikuy noqamanta Diosníy, allin rinawampaj, kay tukuy imata aylluyrayku ruwasqaymanta!

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 6:10

Sinch'itataj qhaparisharqanku nispa: Jayk'ajkamataj Señor, santo, cheqa kaj, jallp'a patapi tiyakojkunata mana juzgankichu, nitaj yawarniykumanta cuentata mañankichu?

2 Timoteo 4:14

Herrero Alejandro ashkha sajra imasta ruwawarqa; paymantaj Señorlla kutichipuchun ruwasqasninman jina.

2 Corintios 5:11

Chayrayku noqayku Señorta rejsiyku manchachikuna kasqanta, runasmantaj Willayku unanchachiyta munaspa. Chaywampis, Dios yachan pichus kasqaykuta. Jinallataj suyani qankunapis yachanaykichejta concienciaykichejman jina.

Romanos 12:19

Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa.

San Mateo 19:29

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

Jeremías 15:10

Ay, noqamanta, mamáy, qanqa maqanakunallaypaj nacechikuwasqanki, tukuy kay pacha runaswan qhayqarakunaypaj, churanakunaypajtaj. Mana pimampis qolqetaqa manunichu, nitaj pipis noqaman manuwankuchu, jinapis tukuy runas sajra kajta munapuwanku.

Salmos 102:24

Noqa nini: Diosníy, ama khuskan kausaynillaypi apakapuwaychu. Qampa kausayniykeqa mana tukukunchu.

Salmos 39:13

Ama qhawawayñachu, uj chhikallantapis samarichiway, manaraj ripushajtiy, manaraj chinkapushajtiy.

Salmos 17:3

Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

Job 10:7

Mana juchayoj kasqayta yachashaspapis, qampa atiyniykimanta ni pipis qhechuyta atishawajtinri,

Nehemías 13:31

Kamachillarqanitaj ima p'unchaykunapichus llant'ata churanasninkuta, jinataj chay ñaupa poqoykunatapis jaywanankuta. Diosníy, yuyarikuway ari, khuyarinawaykimanta.

Nehemías 6:14

Diosníy: Yuyarikuy ari Sanbalatwan, Tobiaswan ruwasqankumanta. Nillataj qonqapuychu warmi profetisa Noadiasmanta, nillataj qoqapuychu chay waj profetasmantapis mancharichiyta munawarqayku chaykunamanta.

Romanos 8:35

Pitaj Cristoj munakuyninmanta t'aqawasunri? Ñak'ariychu, llakiychu, qhatiykachasqa kaychu, yarqhaychu, p'acha pisi kaychu, wañuywan khuska kaychu, chayrí espadachu?

Jueces 16:28

Chaypacha Sansonqa Señorta qhaparikorqa nerqataj: Mañarikuyki, Señor Diosníy, noqamanta yuyarikunaykita uj kutillatawampis, jinataj kallpata qorinawaykita kay filisteosmanta pagachikapunaypaj iskaynin ñawisniymanta.

Salmos 44:22

Qanraykutaj sapa p'unchay wañuchisqas jina kayku, yupasqastaj ñak'ana ovejas jina.

Jeremías 15:20

Noqa kay ayllupaj bronce perqata jina churasqayki. Maqanakusonqanku chaypis, mana atipasonqankuchu, imaraykuchus noqa qanwan salvasunaypaj kashani, kacharichisunaypajtaj. Noqa Señor chayta niyki, noqa kacharichisqayki sajra runaspa atiyninmanta, nispa.

Jeremías 20:11

Señor, qan noqawan kashanki, uj mana atipay atina ch'ajwapi maqanakoj jina. Pichus qhatiykachawajkunaqa urmanqanku, manataj atipayta atiwanqankuchu; atipachikuspa p'enqaypi rikhurenqanku, mana qonqay atinapaj jina, wiñaypaj mana allimpaj qhawasqas kanqanku.

Jeremías 18:23

Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

Lamentaciones 3:64

Kunanqa, paykunaman kutichiy ari, Señor, imatachus ruwasqankuman jina.

Lamentaciones 3:66

Chay k'ajaj phinakuyniykiwan qhatiykachay, kay jallp'a patamantataj chay runasta chinkachiy ari, Señor.