Jeremías 14:8 - Qheshwa Biblia DC

⁸ Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

DIOSPA QHELQACHISQAN DEUTEROCANONICAL

⁸ Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

DIOSPA QHELQACHISQ

⁸ Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Jeremías 14:8 Referans Kwoze

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

Isaías 43:3

Noqaqa Señor Diosniyki, Israelpa Santo Diosnin salvajniyki kani. Qanta Egiptota, Etiopiata, Sebastawan qorqani cuentaykimanta.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Isaías 43:11

Noqa k'atalla Señorqa kani. Noqamanta wajqa mana pipis salvajqa kanchu.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.

Hechos 28:20

Chayrayku wajyacherqaykichej, qankunata rikuyta munaspa, kay imasmanta parlanaypaj. Israel aylloj suyayninrayku, kay cadenaswan watasqa kashani.

Isaías 45:15

Cheqamanta qanqa mana rikukoj Dios kanki, israelitasta salvaj Dios.

Salmos 138:7

Llakiy chaupipi rikukojtiy, qan kausayta qollawankipuni; atiyniykiwan salvawanki, jinallataj enemigosniypa phiñakuyninmantapis.

Salmos 91:15

Pay wajyawajtin, noqa uyarisaj, noqapuni paywan kasaj; llakiypipis noqa paywan kasaj. Libraspataj allinman payta churasaj.

Salmos 46:1

Diosninchejqa jark'akuwajninchej, kallpanchejtaj. Llakiykunapi mana allin kashajtinchej, usqhayta yanapawanchej.

Salmos 9:9

Señorqa runaspa llakichisqasninmanta jark'akun; phutiywan atipachikushajtinkupis yanapan.

Salmos 10:1

Señor, imaraykutaj karullapi qhepakunki? Imaraykutaj llakiy chayamojtin pakaykukunkiri?

Jueces 19:17

Levitata plazapi tiyashajta rikuspa chay machu runaqa payta tapurerqa: Maymantataj jamushanki, maymantaj rishankiri?, nispa.

Salmos 71:5

Wayna kasqaymantapacha Señor, qan suyakunay, atienekunaytaj kanki.

Isaías 63:8

Señorqa nerqa: Cheqamanta noqaj aylluy kanku, mana llullakoj wawas kanku, noqataj paykunata salvarqani, nispa.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Zacarías 9:12

Qankunapis, waj llajtamanta wijch'usqas, suyayniyojraj kajkuna chay pakakuna sumaj wasisniykichejman kutipuychej! Niykichejña bendicionesniyta qonasuykichejta may chhika ñak'arisqaykichejmanta uj jinatawanraj.

Salmos 46:2

Chayrayku, mana manchachikusunchejchu, kay jallp'a ikhakojtimpis, mar ukhuman orqos chinkaykojtimpis;

Isaías 33:2

Señor, noqaykumantaqa khuyarikuwayku ari. Noqaykoqa qantapuni suyayku. Qanqa tutamanta yanapawajniyku kay ari, llakiy tiempopipis salvajniyku kay ari.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.