Jeremías 14:19 - Qheshwa Biblia DC

¹⁹ Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

DIOSPA QHELQACHISQAN DEUTEROCANONICAL

¹⁹ Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.

DIOSPA QHELQACHISQ

¹⁹ Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.

Jeremías 14:19 Referans Kwoze

Lamentaciones 5:22

Qanqa, Señor, unaytaña qhesachawayku. Qanqa anchatañapunitaj noqaykupaj phiñakunki ari, Señor.

Jeremías 8:15

Aswan allimpi kayta suyarqanchej, manataj ima allimpis chayamuwarqanchejchu. Kausayta mancharikuyllata suyarqanchej.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

Jeremías 6:30

Sutichanachá kanqa wijch'usqa qolqe nispa, imaraykuchus qan, Señor, paykunata qhesacharqanki.

Jeremías 30:13

Mana pipis qanmanta dakojqa kanchu, manataj pipis nanasqasniykita jampiykusoj kanchu, manataj jampipis kanchu.

Jeremías 15:18

Imaraykutaj kay nanayniy mana jayk'aj tukukunchuri? Imaraykutaj kay nanasqasniy mana thañinchuri? Tukuy jampispis mana imanajri? Noqaj rijch'ayniymantaqa chay rato uj yaku ch'akirparipoj jinalla kawanki.

Jeremías 12:8

Chay noqajta karqa chay aylloqa, uj montepi león jina kashan, noqaj contraypi qhaparirin, chayrayku paytaqa chejnikuni.

Salmos 78:59

Diosninchej phiñakorqa kayta rikuspa, Israeltataj manchayta chejnikorqa.

Job 30:26

Allin kajta suyashajtiy, mana allin kajlla jamuwan, k'anchayta suyashajtiy, laqhayaylla chayamuwan.

Lamentaciones 4:17

Imaynallapipis khuyakuyniykita qhasita qhawasqaykupi ñawiykupis chharpuyawaykuña. Noqaykoqa suyashallaykupuni uj nación manapuni salvayta atejta.

Lamentaciones 2:13

Chaymantaqa pi rikojtataj pusamusqaykiri? Jerusalempa ususin, pimantaj rijch'achisqaykiri? Siompa llimphu ususin, pimantaj rijch'achisqayki qanta sonqochasunaypajri? Qampa llakiyniykeqa mar qocha jina may jatumpuni. Pitaj kunanqa thañichisonqari?

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Jeremías 8:22

Manachu ima jampipis Galaad llajtapi kanman? Manachu jaqaypi pipis jampiykurejqa kanman? Imaraykutaj kay aylloyqa mana walejyakuyta atinchuri?

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Salmos 89:38

Chaywampis, qanqa ajllakusqaykita qhesachanki, pisipitaj qhawarqanki, paywantaj phiñakorqanki.

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Jeremías 12:7

Aylluyta saqerparini, noqaypata kajllata saqerparini. Chay munasqa nacionniyta enemigosniyman enqhaykuni.

Miqueas 1:12

Marotpi tiyakojkuna nanaywan mayta q'ewiykachakunku walejyarikuyta mayta mask'ashanku, imaraykuchus Señor munarqa chay sajra, Jerusalempa kikin punkusninkama chayananta.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Jeremías 30:12

Señor nin: Nanachikusqasniykeqa mana thañiyniyoj, chay onqoyniykipis mana thañiyniyoj.

Jeremías 51:5

Jinapis Israel aylluwan, Judá aylluwanqa contraypi juchallerqanku, tukuy jallp'amantaj juchata junt'acherqanku. Noqa Tukuy Atiyniyoj Señor, Israelpa Santo Diosnintaj paykunata manaraj qonqarparinichu.

Lamentaciones 2:22

Tukuynejmanta imastachus manchachikunayta tantaykamunki uj jatun p'unchaypi jina. Señorpa k'ajaj phiñakuynin p'unchaypeqa mana ujllapis ayqenmanchu, nitaj kausashajpis qhepakunmanchu. Imastachus uywaspa sayachisqasniyta wañuracherqa.