Jeremías 14:17 - Qheshwa Biblia DC

¹⁷ Aylluyman niy kayta: Tuta p'unchay mana sayk'uyta ñawisninkumanta waqaykunas surumuchunku, aylluypa chay jina sinch'i ñak'ariyninmanta, sinch'i nanasqasniyoj kasqanmanta.

DIOSPA QHELQACHISQAN DEUTEROCANONICAL

¹⁷ Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

DIOSPA QHELQACHISQ

¹⁷ Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

Jeremías 14:17 Referans Kwoze

Jeremías 8:21

Ñak'arini aylluypa ñak'arisqanwan, llakikuy mancharikuytaj atipashawanña.

Lamentaciones 2:13

Chaymantaqa pi rikojtataj pusamusqaykiri? Jerusalempa ususin, pimantaj rijch'achisqaykiri? Siompa llimphu ususin, pimantaj rijch'achisqayki qanta sonqochasunaypajri? Qampa llakiyniykeqa mar qocha jina may jatumpuni. Pitaj kunanqa thañichisonqari?

Jeremías 13:17

Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Miqueas 6:13

Chayrayku jasut'isqayki, phirisqaykitaj juchasniykirayku.

Lamentaciones 2:18

Señorpa yanapayninta mañakuy. Sumaj Sión llajta, uj yaku wayq'o jina waqayniykita tuta p'unchay jich'ay ari. Mana samarispa, nitaj sayk'uspa waqallaypuni ari.

Jeremías 10:19

Ay noqamanta, mana imayoj llakiyllapiña rikhurini! Nanachikusqasneyqa mana thañiy atej! Kay nanaytaqa ñak'ariylla kasqanta yuyarqani.

Isaías 37:22

Kay jinata Señorqa nin chay reypa contranta: Rey Senaquerib, Sión llajtaqa uj sipas jina qhesachasunki, uyaykipi asiykukusunki. Jerusalén llajtaqa qhepaykimanta umanta khiwirispa asiykakamusunki.

Salmos 39:10

Amaña wisq'awaychu. Makiykej wajtawasqanwan tukukushaniña.

Amós 5:2

Chhika k'acha llimphu Israel urmapun, manaña ujtawan sayariyta atinampaj. Kikin pampapi wijch'usqa qhepakun, mana pipis kanchu aysarej.

Salmos 119:136

Waqay mayus ñawisniymanta llojsin, kamachisqasniyki mana junt'akusqanrayku.

Jeremías 8:18

Chay nanayneyqa mana jampikuyniyoj, sonqoyqa sayaykapunayanña.

2 Reyes 19:21

Asiria reymanta Señorpa nisqanqa kay jina kashan: Sión llajtaqa, uj sipas jina, Senaquerib, qanmanta asikusunki. Jerusalentaj qanmanta umanta khiwirispa asikusunki qan karunchakojtiykikama.

Jeremías 9:18

Arí, usqhayta jamuchunku noqanchejpaj llakiy waqaykunata, waqaykunatawan waqapunawanchejpaj, ñawisninchejmanta waqay suruchun.

Jeremías 18:13

Chayrayku Señorqa niwarqa: Naciones ukhupi tapuriychej, ichapis pi kay jinata nejta uyarin. Israel aylloqa manchay millayllatapuni ruwan!

Lamentaciones 2:11

Ñawisniypis waqasqaypi sinch'itaña sayk'un, ch'unchulasniypis kayman jaqayman kuyurinku. Sonqoyqa llakiywan phatashanña, aylluypa llajtanta chay jina thuñisqata rikuspa; astawanqa wawasta, ñuñoj wawastawan yarqhaywan callespi wañurashajta rikuspa.