Jeremías 14:14 - Qheshwa Biblia DC

¹⁴ Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

DIOSPA QHELQACHISQAN DEUTEROCANONICAL

¹⁴ Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

DIOSPA QHELQACHISQ

¹⁴ Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Jeremías 14:14 Referans Kwoze

Ezequiel 12:24

Israel ayllu ukhupi, mosqoypi jina llulla rikuykuna, nitaj llulla sut'inchaykunapis kanqañachu.

Lamentaciones 2:14

Profetasniykeqa mana kaj qhasi imasta willasunku; juchasniykitaqa mana rikhurichinkuchu, chaypacha reparachisojteyqa mana karuman wijch'usqachu kawaj karqa. Manachayqa llullallata willasunku, qhasi manakajta creechispa.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Ezequiel 21:29

Mosqoypi jina rikusqankoqa qhasilla kanku, willarasusqampis llullaslla kanku. Chay espadaqa sajra kaspa runasta wañuchinku chaykunaj kunkanman qholuranampaj urmanqa. Paykunata jasut'inapaj p'unchaynenqa chayamunña, sajra imasta ruwanasnin tukukunampaj.

1 Timoteo 4:2

Puraj uyas parlanqanku llullakuspa. Paykunaj concienciankutaj rupha fierrowan jina marcasqa kashan.

Zacarías 13:3

Chaypacha, pillapis Diospa sutimpi parlayta munanman chayqa, payta kikin tatasnillantaj nenqanku: Qan wañunayki tiyan, imaraykuchus llullerasniykita, kayqa Señorpa palabran nispa sut'inchanki, nispa. Kikin tatasnillantaj t'ojsinawan wañuchenqanku, payllamanta Diospa sut'inchajnin jina ruwakusqanrayku!

Zacarías 10:2

Lantikunaj nisqasninkoqa llullamin, qhasilla chay yatirispa yachani nisqasninkupis. Qhasillata mosqokuytawan imatapis ajina kanqa ninku, sonqochakoj jina parlasqankupis ch'usajlla. Chayraykumin aylloyqa chinkasqa oveja jina thamaykachashan, ñak'arispa mana michejniyoj jina.

Ezequiel 13:23

Chaymanta qankunaqa manaña mosqoypi jina llulla rikusojta rikunkichejchu, nitaj llulla imasta sut'inchankichejchu. Noqa qankunaj atiyniykichejmanta aylluytaqa salvasaj. Qankunataj rejsiwankichej noqa Señor kasqayta.

Jeremías 37:19

Maypitaj chay profetasniykichej kashanku, pikunachus nerqasunkichej, Babiloniamanta reyqa mana qankunaman yaykumonqachu, nitaj jallp'aykichejmampis, nispa nejkunari?

Jeremías 29:21

Tukuy Atiyniyoj Señor Israelpa Diosnin kay jinata nin: Colaiaspa wawan Acabmanta, jinataj Maasiaspa wawan Sedequiasmanta, piskunachus Señorpa sutimpi llullerasta qankunaman nisunkichej: Babiloniamanta rey Nabucodonosorpa makinmin urmachisaj, paytaj ñaupaqeykichejpi paykunata wañurachenqa.

Jeremías 28:15

Chaypacha Jeremiasqa Hananiasman nerqa: Uyariy, Hananías. Señorqa mana kachamusunkichu. Qanrí uj llulleriosllata kay aylluman creechishanki.

Isaías 9:15

Umaqa niyta munan kuraj runas, kurajkunasninku ima, chupataj niyta munan llullata yachachej profetas.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.

Deuteronomio 18:20

Sichus mayqen sut'inchaj runa wapuykachaspa noqaj sutiypi parlayta munanman, noqa mana kamacherqanichu chayta; chayri waj dioskunaj sutimpi parlanqa chayqa, chay runa wañuchisqa kanqa.

Isaías 56:10

Qhawajkunasnenqa ciegos kanku, mana imatapis yachankuchu. Paykunaqa kanku alqos jina mana ayñay atej, winkuspa puñuywan mana sajsay atej kanku, puñuy sikis.

Jeremías 8:11

Aylluypa nanasqasnintaqa pata patallanta jampiykurinku, chantá ninku tukuy imapis allillan kasqanta, mana imapis allin kashajtin.

Jeremías 20:6

Qanrí, Pasur, tukuy aylluykiwan khuska Babiloniaman wijch'usqallataj kanki. Chaypi wañumunki, chayllapitaj p'ampasonqanku, qanta, tukuy kausaqesniykitawan, pikunamanchus qan llullakuspa profeta jina sut'incharqanki.

Jeremías 28:11

Chayta phaskaraytawantaj, tukuy runaspa ñaupaqempi kayta nerqa: Señor nin: Kay jinallatataj iskay watamantawan tukuy nacionespa kunkanmanta, Babiloniamanta rey Nabucodonosorpa yugonta phaskarasaj, chantá p'akirparisajtaj, nispa. Jeremiastaj riporqa.

Lamentaciones 2:9

Punku wisq'anasninkoqa pampaman wijch'usqas karqanku. Aldabasninkupis p'akirasqas karqanku. Reyninkuwan kurajkunasninkuwanqa maypichus kamachiykunas mana kanchu, chaykunaj chaupinkupi kashanku. Profetasninkupis Diosmanta mosqoypi jina manaña imatapis astawan rikuyta aterqankuchu.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.