Jeremías 13:16 - Qheshwa Biblia DC

¹⁶ Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

DIOSPA QHELQACHISQAN DEUTEROCANONICAL

¹⁶ Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

DIOSPA QHELQACHISQ

¹⁶ Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 13:16 Referans Kwoze

Isaías 59:9

Kay imas kajtin cheqan ruwayqa noqanchejmanta ayqen, cheqa kajqa mana chayamuwanchejchu. K'anchayta suyanchej, chaywampis laqhalla tiyan; sut'iyamunanta suyaspa laqhallapipuni purinchej.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Isaías 60:2

Kay pacha tukuynejta laqhaykonqa, jinallataj nacionestapis. Chaywampis Señorpa k'anchaynenqa pataykipi kanqa. Chay Señorpa k'anchaynenqa qannejta k'ancharenqa.

Isaías 5:30

Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

Proverbios 4:19

Juchasapaspa ñanninkurí laqhalla, mana yachankuchu imapichus misk'akusqankuta.

Josué 7:19

Chaymanta Josueqa Acanman nerqa: Wawáy, Israelpa Señornin Diosta jatunchaspa yupaychay ari. Willaway imatachus ruwasqaykita, ama pakaspa sut'inta.

Jeremías 23:12

Chayraykumin ñanninkoqa laqha may llusk'ataj kanqa. Noqataj tanqarparinankuta, chantá urmarparinankutataj nisaj. Maypachachus paykunamanta cuentasta mañasaj, chaypachaqa paykunaj patankuman mayta ñak'ariy jamonqa. Noqa Señor chayta nini.

Jeremías 4:23

Jallp'ata qhawarqani, rikorqanitaj ch'impachata, mana allin rijch'ayniyojtataj. Janaj pachata qhawarerqani, manataj k'anchayta rikorqanichu.

Salmos 44:19

Chaywampis, qan ch'in q'ara pampapi ñat'urpariwayku; wañuy llanthuwantaj qhataykuwayku.

1 Samuel 6:5

Chayrayku ruwaychej llajtaykichejta tukuchishanku chay ch'upusman rijch'akojkunata, chanta juk'uchasman rijch'akojkunatapis. Israelpa Diosnintataj jatunchaychej, ichapis pay saqenman jasut'iyta diosniykichejta, jinataj jallp'aykichejtapis.

Éxodo 10:21

Chaymanta Señorqa ujtawan Moisesman nillarqataj: Makiykita oqhariy tukuy Egipto jallp'a patata laqhaykunampaj tukuypis laqhayayta llujchirinampaj jina.

San Juan 12:35

Chantá paykunaman kuticherqa: Pisi p'unchaytawanraj k'anchayqa qankunawan kashan. K'anchaypi puriychej, laqha ama taripasunaykichejpaj; laqhapi purejqa, mana yachanchu maymanchus rishasqanta.

Lamentaciones 4:17

Imaynallapipis khuyakuyniykita qhasita qhawasqaykupi ñawiykupis chharpuyawaykuña. Noqaykoqa suyashallaykupuni uj nación manapuni salvayta atejta.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

Jeremías 8:15

Aswan allimpi kayta suyarqanchej, manataj ima allimpis chayamuwarqanchejchu. Kausayta mancharikuyllata suyarqanchej.

Eclesiastés 11:8

Uj runaqa unay watastapis kausachun, may jinatapis kusikuchun, yuyarikunampuni tiyan ashkha laqhayay p'unchaykuna kananmanta. Qhepaman chay tukuy imas jamunan kashan chaykunapis qhasi mana kajlla.

Job 3:5

Uj wañuy llanthu laqhayaykuchinan karqa! Uj yana phuyu laqhayaykuchinan karqa, chayri uj inti laqhayay manchay laqhaman tukuchinan karqa!

Salmos 107:10

Wakenqa laqha wañuy patapi kausasharqanku. Llakiywan cadenaswan watasqas presos jina kasharqanku,

Salmos 107:14

Chay ukhu laqhamanta orqhorqa, preso kasqankumantataj librarqa.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Jeremías 6:21

Chayrayku Señorqa nin: Noqa kay aylluyta misk'achisaj, urmachisajtaj. Tukuy tatas wawasnintin, qayllankupi kajkuna, jinallataj kausaqesninkupis, tukuy wañonqanku.

Jeremías 50:6

Aylloyqa oveja chinkasqa jina karqa, michejkunasninkoqa mana allintachu michej kanku, manachayqa orqosnejpi chinkajta qhawallarqanku. Uj orqomanta waj orqoman purikoj rerqanku, puñuna kanchankumanta qonqakapunankukama.

Ezequiel 21:15

Chay espadaqa ashkha runasta manchachenqa, ashkhatataj wañurachenqa. Tukuy paykunaj wasinkoj punkumpi wañuchej espadata churarqani. Espadaqa sumaj llosq'ochasqa lliphipirinampaj, wañurachinapaj sumaj afilasqa kashan.

Ezequiel 34:12

Imaynatachus uj michejqa ch'eqerasqa ovejasnin chaupipi rikhurispa rejsirakapun, ajinata noqapis ovejasniyta rejsirakapusaj. Mayqen cheqamanchus phuyusqa p'unchaypi ch'eqerakaporqanku chaykunamanta tarikampusaj.

Ezequiel 36:15

Manataj waj llajtakunaj sajra parlayninkuta uyarinkichejñachu. Qantaj manaña sajra nisusqankuwan ñak'arinkiñachu, imaraykuchus aylluykipi wawas manaña wañonqankuchu. Noqa Señormin kaytaqa nin.

Amós 4:13

Señormin ruwarqa orqostaqa, jinallataj wayratapis; runamantaj imatachus yuyasqanta rejsicherqa; k'anchay kajta laqhaman tukuchin; jallp'a patasta purejqa; Señor, Tukuy Atiyniyoj Dios: Chaymin sutenqa.

Amós 5:18

Ay, phutiy, pikunachus Señorpa p'unchaynin chayamunallantaña munashanku chaykunamanta. Yachankichejchu imaynachus chay p'unchay qankunapaj kananta? Chay p'unchayqa laqha p'unchay kanqa, mana p'unchaychu.

Salmos 29:2

Señorpa jatun sutinta yupaychaychej, k'acha wasimpitaj Señorman qonqorikuychej.

Isaías 59:10

Perqasta ciegos jina llujchinchej, mana ñawiyojpis kasunman jina tanteaspa purinchej; p'unchaypacha tutapis kanman jina misk'akunchej; laqhayajpi wañusqas jina kashanchej.

Joel 2:2

Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.