Jeremías 12:4 - Qheshwa Biblia DC

⁴ Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

DIOSPA QHELQACHISQAN DEUTEROCANONICAL

⁴ Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

DIOSPA QHELQACHISQ

⁴ Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 12:4 Referans Kwoze

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Jeremías 4:25

Qhawarerqani manañataj uj runapis karqañachu, tukuy phawaj p'isqospis phawarikapusqanku.

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Romanos 8:22

Yachanchej jina kunankama Diospa ruwasqan waqan, ñak'arintaj, uj onqoj warmi jina.

Oseas 4:3

Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Jeremías 7:20

Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

Habacuc 3:17

Chaypachamari kusiywan junt'a kasaj Salvawajniy Señorniyrayku. Payta yupaychasaj amapis higo sach'as t'ikachunkuchu, amapis uvaskuna nitaj olivospis poqochunkuchu; campopi chajraspis amapis poqochunkuchu, tropamanta ovejaspis tukukapuchunku, amañapis wakas kachunkuchu wasisninkupi.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Jeremías 5:13

Profetasqa qhasi wayralla kanku, Señorpa palabranqa mana paykunapichu kashan. Arí, walejpacha, kayta niwan Tukuy Atiyniyoj Señor.

Jeremías 4:28

Tukuy jallp'aman llakiylla junt'aykonqa, janaj pachapis llakiy p'achata churakonqa. Chayta parlani, manataj chay nisqasniymantaqa yuyarikusajchu, chayta niniña, manataj qhepaman kutiymanchu, nispa.

Salmos 50:21

Tukuy kayta qan ruwanki, noqataj ch'inlla karqani. Yuyarqanki noqaqa qan jina kasqayta. Kunanqa noqa uyanchasqayki. Cuentatataj mañasqayki.

Jeremías 12:11

Ch'in pachata, q'ara pampatataj saqerparinku. Tukuynin jallp'a ch'inyachisqa kashan, manataj pipis imanej kanchu.

Joel 1:18

Uywaspis machayta waqarashanku! Wakaspis qhasillata pastosta mask'akushanku. Ovejastaj tropantin wañurapushanku.

Amós 1:2

Nerqataj: Sión orqomanta Señor musphayta qhaparimojtin, chantá Jerusalenmantawan chaypacha, ch'iki jallp'as ch'akiponqa, Carmelo orqo puntaspis astawan ch'akenqa.

Zacarías 1:12

Señorpa angelnin nerqa: Tukuy Atiyniyoj Señor, qanchis chunka watastaña phiñasqa kanki Jerusalempaj, Judá llajtaspajpis. Mayk'ajkamataj paykunamanta mana khuyakunkichuri?, nispa.

Isaías 24:4

Jallp'aqa ch'akipun, maytataj ch'akishan. Kay pachaqa onqospa urmasqan kashan. Janaj pachawan kay pachawanqa llakiywan junt'a kashan.

Isaías 24:6

Chayrayku maldicionqa jallp'ata tukuchin, chaypi tiyakojkunapis jasut'ichikunku. Chaynejta jallp'a patapi tiyakojkunapis pisiyachisqas kanqanku. Jinamanta pisillaña qhepakonqanku.

Jeremías 9:9

Manachu kay imasmantaqa jasut'iymanri? Manachu ajina llajtamanqa ruwasqanman jina qopuyman? Noqa Señormin chayta nini.