Jeremías 11:17 - Qheshwa Biblia DC

¹⁷ Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.

DIOSPA QHELQACHISQAN DEUTEROCANONICAL

¹⁷ Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

DIOSPA QHELQACHISQ

¹⁷ Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 11:17 Referans Kwoze

Isaías 5:2

Jallp'ata allarqa, rumisnintataj pallarqa, chaymantaj sumajnin kaj uvas k'aspista plantarqa. Chay uvas chajraj chaupimpitaj uj ch'ujllata ruwarqa, chaymantaqa ruwallarqataj uj uvas ch'irwanata. Munasqayqa suyarqa sumajta uvasnin poqonanta, chay tukuywampis k'allku uvasllata poqorqa.

Jeremías 12:2

Qan paykunata sayacherqanki, paykunarí saphichakunku, wiñanku, chanta poqonkutaj. Siminkumantaqa qayllaykipi kasqankuta ninku, sonqonkupirí qanmantaqa karupi kashanku.

Jeremías 2:21

Noqa qanta sumaj ajllasqa uvas sach'ata jina plantarqayki, chantapis sumaj ajllasqa mujuta jina. Kunantaj mana kaj sach'aman tukunki.

Ezequiel 17:5

Chanta llajtamanta uj mujuta oqharispa, uj qhollisqa jallp'aman tarpuykorqa, ashkha yakuyoj mayu cantoman.

Jeremías 45:4

Ajinata nin Señorqa, qanta niyki: Sayachisqayta noqa urmachini, plantasqaytataj t'irani. Ajinallatataj ruwasaj tukuy jallp'api kajkunawan.

Jeremías 42:10

Sichus qankuna kay jallp'api tiyakuyta munankichej chayqa, noqa qankunata aswan allin kajwan yanapasqaykichej, mana chinkachisqaykichejchu, manachayqa allinta sayachisqaykichej, manataj t'irasqaykichejchu. Mayta sonqoyta nanachikuni kay ñak'ariykunasta qankunaman apachimusqaymanta.

Jeremías 40:2

Soldadosta kamachejqa wajnejman Jeremiasta pusaspa kay jinata nerqa: Señor Diosniyki kay jallp'aman ñak'ariykunata apachimunanta nerqa, kunanta chayta junt'an. Kay imas qankunata qhatirisunkichej Señorpa contrampi juchallisqaykichejrayku, mana kasusqaykichejraykutaj.

Jeremías 36:7

Ichapis Señormanta mañakunkuman, sajra puriykunasninkutataj saqenkuman. Señorpa k'ajaj phiñakuyninta ayllunman apachimusaj nisqanta. Chayqa manchay sinch'i manchachikunamin.

Jeremías 35:17

Chayrayku noqa Israelpa Tukuy Atiyniyoj Señor Diosnin nini: Noqa Judáj patanman, Jerusalempi tiyakojkunaspa patanmampis willacherqani, chay ñak'ariykunasta urmachimusaj. Noqa parlapayarqaykichej, qankunataj mana kasuwarqankichejchu; wajyarqaykichej, qankunataj mana uyariwarqankichejchu.

Jeremías 26:19

Rey Ezequías, Judamanta tukuy ayllupis Miqueasta wañucherqankuchuri? Uj jinataj karqa: Señorta reyqa manchachikorqa, mañakorqataj paykunamanta khuyarikunanta. Jinataj chaypacha Señorqa manaña ñak'ariykunasta apachimorqachu, mayqenkunatachus apachinanta nerqa chaykunata. Kunanrí, noqanchejqa jatun juchatawanchu yapaykukusunman?

Jeremías 26:13

Astawan allinta puriychej, ruwaychejtaj, Señor Diosniykichejtapis kasuychej. Paytaj manaña, apachimusaj nerqa chay ñak'ariykunastaqa apachimusunkichejchu.

Jeremías 24:6

Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

Jeremías 18:8

Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

Jeremías 11:11

Chayrayku, uj ñak'ariyta apachimusaj, chaymantaqa mana ayqeyta atenqankuchu. May jinata yanapata qhaparikamuwajtinkupis manapuni uyarisajchu. Noqa Señor chayta nini.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Salmos 80:15

Qan kikiyki plantasqaykita, q'erqemojkunata sumajta wiñachisqaykita.

Salmos 80:8

Egiptomanta uj uvas sach'ata orqhorqanki. Qanta mana rejsisoj nacionesta wijch'orqanki, chaymantaj plantaykorqanki.

Salmos 44:2

Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

2 Samuel 7:10

Chay jawaqa wakichillanitaj uj lugarta Israel aylluypaj, chaypitaj churani kikin jallp'ankupi tiyakunankupaj, mana pipis paykunawan chejninakunampaj, nitaj chay sajra ruwaj runaspis ñaupajpi jina llakichisunaykichejpaj, maypachachus Israel aylluypi kamachejkunata churashajtiy jinataqa. Noqa kacharichisqayki tukuy enemigosniykimanta. Willachimuykitaj mirayniyki kananta.

Jeremías 1:14

Chaypacha Señorqa niwarqa: Pata ladomantapacha ñak'areyqa jich'akamonqa, kay jallp'api tukuy tiyakojkunaj patanman.

Jeremías 7:18

Wawasqa llant'ata pallanku, tatas kajkunataj ninata jap'ichinku, warmis kajkunataj jak'u masata ñat'unku tortillata ruwanankupaj, chay cieloj reinan ninku chay diosaman jaywanankupaj. Chaywan phiñachiwankichej, jinallataj chay mana rejsisqa dioskunaman vinota jaywasqaykichejwan.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Jeremías 32:29

Llajtata jap'ikapoj caldeosqa yaykuykuspa ninawan jap'iykuchenqanku; maypichus Baalman inciensosta q'osñichej kanku, jinataj vinosta jaywaj kanku mana rejsisqa dioskunaman, noqata phiñachinawankupaj, chay wasistawan khuska ruphaykuchenqanku.

Jeremías 32:30

Qallariymantapacha Israel aylloqa, chantá Judá ayllupis noqaman mana allimpajchu rijch'awarqa chay imasta ruwarqanku. Israelitasqa phiñachillawajpuni kanku paykunaj kikinkoj ruwasqanku lantista yupaychaspa. Noqa Señor chayta nini.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

2 Crónicas 28:25

Judá jallp'api sapa llajtapi lomas patapi lantispaj wasista, chaypitaj waj dioskunallaman inciensota q'osñicherqa, jinamanta ñaupa tatasnimpa Diosninkuta phiñachispa.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Jeremías 44:5

Jinapis qankunaqa nisqayta mana ruwarqankichejchu, nitaj kasuwarqankichejchu. Juchasta saqenaykichejtaqa, inciensosta waj dioskunallaman q'osñichinkichej.

Oseas 10:1

Israelqa, uj uva sach'a jina poqoywan junt'a kashan; pero aswan ashkhata poqochisqankoqa aswan ashkha altaresta jatarichinankupaj karqa; jallp'ankupis aswan k'achitu karqa; astawan k'acha t'aqasqa rumista ruwanankupaj karqa.