Jeremías 10:4 - Qheshwa Biblia DC

⁴ Chay qhepantataj qolqewan, qoriwan k'achanchaykunku, chantaqa clavoswan, martillowantaj mana urmanampaj sumajta k'askaykuchinku.

DIOSPA QHELQACHISQAN DEUTEROCANONICAL

⁴ Chaymantataj qolqe metalwan, qoriwan ima chay llajllasqan k'ulluta k'achanchaykun. Chantá mana urmananpaj, lantita clavowan sumajta sayachin martillowan takaspa.

DIOSPA QHELQACHISQ

⁴ Chaymantataj qolqe metalwan, qoriwan ima chay llajllasqan k'ulluta k'achanchaykun. Chantá mana urmananpaj, lantita clavowan sumajta sayachin martillowan takaspa.

Jeremías 10:4 Referans Kwoze

Isaías 46:7

Lijrariykukuytawan apanku, maypichus kananmantaj churanku. Chaypitaj mana kuyurispa kakullan. Paymanta qhaparikunku, manataj uyarinchu, nirajtaj llakiyninkumantapis libranchu.

Isaías 44:12

Uj herreroqa fierrota ninapi q'oñichispa, martillowan wajtaspa munasqanman tukuy kallpanwan q'ewin. Chaymantataj yarqhachikun, kallpampis pisiyan. Mana yakullatapis ujyaspaqa llauch'iyan.

Salmos 135:15

Diosta mana rejsejkunaj lantisninkoqa, qorimanta qolqemantawan kanku, runaj ruwasqallan kanku.

Salmos 115:4

Paykunaj lantisninkoqa qolqemanta, qorimantataj kanku, chaykunaqa runaj ruwasqasnillan kanku.

Isaías 46:6

Paykunaqa wayaqasninkumanta qorita orqhonku, qolqeta pesaspi aysanku, chaymantataj lantita ruwajta wajyachinku, ruwachinkutaj, jinaspataj chay ruwasqa diosman qonqorikuytawan yupaychanku.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

Habacuc 2:19

Ay!, qanmanta, imaraykuchus k'aspimanta lantista rijch'ariy ninkichej, mana parlaj rumistataj sayarikuy ninkichej. Chaykunaqa imamantapis willaykuyta atiwasunmanchu? Mana, imaraykuchus mana kausayniyojchu kanku qoriwan chayri qolqewan qhatasqas kaspapis.