Jeremías 10:20 - Qheshwa Biblia DC

²⁰ Toldosniypis tukuynin llik'irasas kashanku, tukuy watanasnimpis p'itirasqas kashanku. Wawasniypis saqerapuwanku, manaña kankuchu, manaña pipis toldosniyta oqharipuwajqa kanchu, nitaj lonasninta aysaykurejpis kanchu. Profeta kutichin:

DIOSPA QHELQACHISQAN DEUTEROCANONICAL

²⁰ Toldoykupis tukuynin llik'irasqa, watanankunapis p'itirasqa kashanku. Wawaykukunapis saqerpariwayku, manañataj kankuchu. Manaña pipis watej toldoykuta oqharej kanchu, nillataj cortinaykuta aysaykurejpis kanchu.

DIOSPA QHELQACHISQ

²⁰ Toldoykupis tukuynin llik'irasqa, watanankunapis p'itirasqa kashanku. Wawaykukunapis saqerpariwayku, manañataj kankuchu. Manaña pipis watej toldoykuta oqharej kanchu, nillataj cortinaykuta aysaykurejpis kanchu.

Jeremías 10:20 Referans Kwoze

Jeremías 4:20

Sapa kuti llakiykunasmanta willaykunas chayamun. Tukuy jallp'antin phirisqa kashan. Uj ratollapi toldosniy phirisqas rikhurerqanku, maqanakuna toldosnimpis phaskasqas karqanku.

Jeremías 31:15

Señorqa nin: Ramá llajtapi uj qhapariy uyarikun, jatun waqay, jik'uytaj. Raquel wawasninmanta waqashan, manataj sonqochasqa kayta munanchu, imaraykuchus wawasnenqa wañusqasña kanku.

Isaías 54:2

Astawan toldoykita jatunyachiy, tiyanaykej cortinasninta jatunman aysatatay. Chay toldoykita jap'ichinayki waskastapis astawan jatunyachiy, ch'akarpusnintapis sumajta takaykuy.

Lamentaciones 1:5

Enemigosninkoqa kamachejkuna kanku, chay chejnejkunasninkoqa mayta qhapajyanku. Jerusalentaqa Señorpuni chay jinata llakichin, chay chhikata juchallikusqanrayku. Wawasnenqa enemigosninnejta karuman apasqas karqanku.

Isaías 51:16

Palabrasniyta simiykiman churarqani. Makiypa llanthumpi pakarqayki, janaj pachata aysatataspa, kay jallp'atapis sumajta sayachispa, Sionman nerqani: Qanqa noqaj aylluy kanki, nispa.

Proverbios 12:7

Juchasapastaqa Dios urmachenqa amaña astawan kanankupaj; cheqan runaspa wasinrí sayallanqapuni mana imanasqa.

Job 7:8

Pikunachus kunan rikushawanku chaykunaqa manaña jayk'ajpis rikuwanqankuchu; qan qhawariwajtiykikama manaña kausasajchu.

Isaías 51:18

Tukuynin wawasniykimanta mana ujllapis pusasunkichu, mana mayqen wawallaykipis makiykimanta aysasunkichu.

Miqueas 2:9

Warmista wijch'urankichej munasqa wasisninkumanta, wawasninkutataj wiñaypaj jark'akunkichej honrata paykunaman qosqaymanta.

Jeremías 30:17

Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.