Jeremías 10:12 - Qheshwa Biblia DC

¹² Señorqa atiyninwan kay pachata ruwarqa, yachayninwantaj mundota sayacherqa, yachayniyoj kasqanwantaj janaj pachatapis aysatatarqa.

DIOSPA QHELQACHISQAN DEUTEROCANONICAL

¹² Tata Dios atiyninwan kay pachata ruwarqa, yachayninwantaj kay pachata sumajta sayacherqa, yachayniyoj kasqanwantaj janajta jatunman aysarqa.

DIOSPA QHELQACHISQ

¹² Tata Dios atiyninwan kay pachata ruwarqa, yachayninwantaj kay pachata sumajta sayacherqa, yachayniyoj kasqanwantaj janajta jatunman aysarqa.

Jeremías 10:12 Referans Kwoze

Job 9:8

Pay sapallan cielota sayachin, mar qocha patata purin.

Génesis 1:1

Qallariypeqa Dios janaj pachata kay pachatawan ruwarqa.

Proverbios 3:19

Señorqa mundota ruwarqa sumaj yachaywan, cielotapis sayacherqa sumaj yuyaywan.

Isaías 40:22

Payqa kay pachamanta aswan patapi tiyasqa kashan. Chaymanta qhawarimun runasta, t'intis jinallata. Kay toldota cielota jina aysan. Chay toldotaqa runa tiyakunampaj jina qhataykun.

Colosenses 1:16

Paypi tukuy ima ruwasqa karqa patapi kajkuna, jallp'api kajkunapis; mana rikukojkuna, sut'ipi kajkunapis. Jinallataj tronospis, qhapaj suyuspis, kuraj kamachejkunapis, atiyniyojkunapis. Ajina tukuy ima ruwasqa karqa, paynejta paypajtaj.

San Juan 1:3

Tukuy imas paypa ruwasqan kashan. Mana paywanqa, mana imapis ruwasqachu karqa ruwasqamantaqa.

Salmos 24:2

Señorqa kay jallp'ata sayacherqa, mar qocha patapi, mayus patapi ima.

Zacarías 12:1

Kayta, Israelmanta Señor parlarqa: Señor pichus janaj pachata aysarqa, kay pachatapis sayacherqa, runamampis kausayta qorqa, ajinata nisunkichej: Qhaway, Jerusalenqa uj vinoyoj vasota jap'enqa; tukuy qayllampi kaj llajtakunatataj machaykuchenqa. Maypachachus chaykuna Jerusalenman maqanakoj yaykonqanku chaypacha, Judamanta kaj waj llajtasmampis yaykullanqankutaj.

Jeremías 10:13

Jatun sinch'i qhapariyninwan janaj pachapi yakuspis tantakunku, jallp'aj cantosninmantapacha phuyusta wicharichimun, paramunampajpis lliuj lliujkunasta k'ancharichimun, jallch'asqa kasqanmanta wayrasta orqhomun.

Isaías 49:8

Señorqa nin: Khuyakuy p'unchaypi uyarerqayki, salvación p'unchaypitaj yanaparqayki, noqa waqaycharqayki, qannejta uj tratota tukuy aylluywan ruwasaj, chay llajtata watejmanta sayarichinaykipaj, saqerpayasqa jallp'asta watejmanta rak'iranaykipaj;

Isaías 48:13

Makiywan jallp'ata ruwarqani, makillaywantaj janaj pachatapis qhatatarqani. Chaykunata sutinmanta wajyajtiytaj khuska sayarimorqanku.

Isaías 45:18

Janaj pachata ruwaj Señorqa, payllataj Dios kay jallp'ata ruwaj, chay ruwasqanta sumajta sayachej, manataj qhasipajchu chay imasta ruwaj, chaypi tiyakunankupaj ruwajqa, nin: Noqamin Señorqa kani, noqamanta astawan wajqa mana kanchu.

Isaías 45:12

Noqa jallp'ata ruwarqani, chaymantaj runata ruwaspa churarqani, cielota makisniywan qhatatarqani, kamacherqanitaj chayman qoyllurkuna rikhurimunankuta.

Isaías 44:24

Manaraj naceshajtiyki ruwasoj salvajniyki Señorqa ajinata nin: Noqa, tukuy imata ruwaj Señorqa kani. Noqa cielota qhatatatani, jallp'atapis sumajta sayachini ni pejpa yanapasqan.

Isaías 42:5

Pichus janaj pachata ruwaj, jatunman aysajtaj, kay jallp'ata ruwaj, chaypi poqojkunata ima; chay jallp'a patapi tiyaj runasman kausayta qoj; pichus chay jallp'api purejman samayta qoj, Señor Diosqa ajinata nin:

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Salmos 33:6

Cielota, tukuy chaypi kajtapis, Señorqa palabranwan ruwarqa, simimpa samayninwan imalla.

Proverbios 30:4

Pitaj janaj pachaman wicharerqa uraykamorqatajri? Pitaj wayrata makimpi q'apiykorqari? Pitaj yakuta inkuñaman wataykorqari? Pitaj jallp'aj mojonesninta sayacherqari? Yachanki chayqa niway, imataj paypa sutin, chanta wawampa sutimpisri?

Salmos 119:90

Cheqan kayniykeqa wiñaypaj kanqa, uj runa mitamanta uj runa mitakama. Qan kay jallp'ata sayacherqanki, kashallampunitaj.

Salmos 78:69

Diosta yupaychana wasita sayacherqa cielota jina, jallp'ata jinataj wiñaypaj sayachin.

Job 26:7

Diosqa janaj pachata sayachin ch'usaj kaj patapi. Jallp'ata mana imallaman warkhuykun.

Salmos 104:2

K'anchaywan qhatasqa jina kanki. Janaj pachata uj toldota jina sayachinki.

Salmos 93:1

Señorqa reymin, payqa jatun kayninwan p'achallikun, atiyninwantaj chumpiykukun. Señorqa kay pachata sinch'ita sayacherqa mana kuyunampaj jina.

Job 37:18

Janaj pachata ruwayta qanqa Diosta yanaparqankichu, metalmanta espejota jina sayachispa?

Jeremías 10:16

Waj jinapuni kay tukuy imasta ruwajqa, chaymin Jacobpa Diosnenqa. Paymin Israel aylluta paypata kanampaj ajllakorqa. Tukuy Atiyniyoj Señormin sutenqa. Profetaqa nin:

Jeremías 27:5

Jatun atiyniyta kachaykuspa kay pachata ruwarqani, runasta, chaypi kashanku chay animalestapis, chantataj pischus munasqasniyman qopusaj.

1 Crónicas 16:26

Waj ayllumanta runaspa dioskunasninkoqa mana imachu kanku. Señorqa tukuy janaj pachakunata ruwarqa.

Salmos 65:7

Qan mar qochaj phiñakuyninta thañichinki. Aylluspi ch'ajwaykunatapis ch'inyachinki.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.