Isaías 8:11 - Qheshwa Biblia DC

^11-12 Señorqa sumajta makiymanta jap'iykuwaspa amapuni kay runaspa ñanninta purinayta yachachiwarqa, nispa: Ama qankunaqa ch'ajwa niychejchu, runas imatapis ch'ajwa nispa nejtinkoqa. Amataj qankunaqa mancharikunkichejchu, paykuna imamantapis mancharikojtinkoqa.

DIOSPA QHELQACHISQAN DEUTEROCANONICAL

¹¹ Tata Dios lijrayman makinta churaspa, ama kay llajtayojkuna jina purinayta mayta k'amiwarqa:

DIOSPA QHELQACHISQ

¹¹ Tata Dios lijrayman makinta churaspa, ama kay llajtayojkuna jina purinayta mayta k'amiwarqa:

Isaías 8:11 Referans Kwoze

Ezequiel 3:14

Diospa atiynin jap'iwaspa jaqaymanta orqhowarqa, noqataj may llakisqa waqaspataj riporqani. Chaywampis Señorqa sinch'ita makinwan jap'iwarqa.

Hechos 4:20

Mana ch'in kayta atiykumanchu. Willanaykupuni tiyan imatachus yachasqaykuta, rikusqaykuta, uyarisqaykuta ima.

Jeremías 20:9

Sichus nini: Manaña Señorpi yuyasajchu, manañataj sutimpipis parlasajchu, chaypachaqa ukhuypi palabrasniykeqa nina jina ruphaykuyta munawan, tullusniykamataj chayawan. Chaywampis sonqoyta ñit'iykukuyta munani manataj atinichu.

Jeremías 20:7

Señor, qan ch'aukiyawarqanki, noqataj ch'aukiyachikullarqayki; qan may kallpayoj karqanki atipawarqankitaj. Sapa kutipi asipayakuwanku, tukuytaj noqamanta alqochakuwanku.

Jeremías 15:19

Chaypacha Señor kutichiwarqa: Noqamanchus kutirimuwanki chayqa, noqa qanta jap'ikapusqayki, ñaupaqeypitaj kanki. Sichus qhasi manakaj imasta manaña thautinkichu, manachayqa allin imasllataña ninki chayqa, qan noqamanta willamoj kanki. Paykunamin qanman kutirikamunasunku, manataj qanchu paykunaman kutirikunayki tiyan.

Proverbios 1:15

Paykunawanqa amapuni purinkichu, wawáy, chay sajra ñanninkumanta karunchakuy.

Salmos 32:8

Señorqa nin: Ñawisneyqa qanta qhawashasunku, yachachisqayki, yuyaychasqayki, mayqen ñantachus allinta rinaykita yachachisqayki ima.

1 Reyes 18:46

Señorpa makintaj Eliaswan karqa; payqa p'achasninta sumajta chumpiykukuytawan, Jezreelman chayanankama Acabpa ñaupaqenta correrqa.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.